سەنبى, 8 تامىز 2020
COVID-19 قازاقستاندا. جۇقتىرعاندار — 96922. جازىلعاندار — 70680. قايتىس بولعاندار — 1058
جاڭالىقتار 2599 0 پىكىر 26 مامىر, 2014 ساعات 11:07

ەاەو قۇرىلۋى جىلدىڭ باستى وقيعاسى بولادى – ۆ.پۋتين

كەدەندىك وداق پەن بىرىڭعاي ەكونوميكالىق كەڭىستىك ەلدەرى ءۇشىن 29 مامىر كۇنى استانادا وتەتىن ەۋرازيالىق ەكونوميكالىق وداق قۇرۋ تۋرالى كەلىسىمنىڭ قۇرىلۋى جىلدىڭ باستى وقيعاسىنا اينالماق. بۇل تۋرالى رەسەي پرەزيدەنتى ۆلاديمير پۋتين XVIII پەتەربۋرگ حالىقارالىق ەكونوميكالىق فورۋمىنىڭ پلەنارلى وتىرىسىندا مالىمدەدى، دەپ حابارلايدى Baq.kz.

رەسەي پرەزيدەنتى ءوز سوزىندە:  «كەلىسىم 2015 جىلدىڭ 1 قاڭتارىندا كۇشىنە ەنۋى كەرەك. جالپى حالقى 170 ملن ادامدى قۇرايتىن ءۇش ەلگە ورتاق ەكونوميكالىق نارىق قۇرىلىپ، كاپيتال، تاۋار، جۇمىس كۇشى مەن قىزمەت ەركىن الماساتىن بولامىز. كاسىپكەرلىك ءۇشىن مۇمكىندىكتەر ايتارلىقتاي كەڭەيىپ، بىرلەسكەن ينۆەستيتسيالىق جانە كووپەراتيۆتىك جوبالاردى ىسكە اسىرۋعا، ماكروەكونوميكالىق ساياسات كەلىسىمدەرىن جۇرگىزۋگە، سىرتقى نارىقتى ۇيلەستىرۋگە مۇمكىندىكتەر اشىلادى»، - دەگەن.

ول سونداي-اق ەندى قۇرىلاتىن ەۋرازيالىق ەكونوميكالىق وداق پەن ەۋروپالىق وداق قاتىناسىن دامىتۋ جايىن دا ءسوز ەتكەن.

 

اباي-اقپارات

0 پىكىر