قازاقستان تاريحشىلارى بۇل كۇنگە دەيىن بەلگىسىز بولىپ  كەلگەن قۇجاتتار مەن قازاق حانىنىڭ پارسى جەرىنە بارعانى تۋرالى قول جازبانى تاپتى. اتالعان قولجازبا شىعىس ەلدەرى مەن قازاق حاندىقتارى اراسىندا بيىك دەڭگەيدە قارىم-قاتىناس بولعانىنا دالەل بولا الادى.  بۇل تۋرالى Zakon.kz جازدى.

سوڭعى جىلداردا قازاق حاندىقتارى تۋرالى تەرەڭ زەرتتەۋ جۇرگىزىپ جۇرگەن عاليا قامباربەكوۆا يرانعا بارعان عىلىمي ەكسپەديتسياسىندا قازاق حاندارى تۋرالى جازىلعان قولجازباعا جولىققان. يران ۇلتتىق كىتاپحاناسىندا ماڭىزدى قۇجاتتارمەن بىرگە ساقتالعان قولجازبا پارسى تىلىندە  جازىلىپتى. ساراي حاتشىسىنىڭ قالدىرعان ەستەلىگىندە قازاق حانى ەلشىلىگى يرانعا كەلگەنى تۋرالى جازىلعان.

اتالعان حاتتا تومەندەگىدەي ءماتىن بار: «قاسىم حاننىڭ ەلشىلەرى يران شاحىنىڭ سارايىنا مىناداي ۋاقىتتا كەلدى. جانە وزىمەن بىرگە سارايعا كوپتەگەن سىيلىقتار الا اكەلدى. ال يران شاحى بولسا قازاق ەلشىسىن ريزاشىلىقپەن قارسى الىپ، جاۋاپ حات جازىپ اتتاندىردى». بۇل قۇجاتتىڭ ماڭىزدىلىعى قازاق حاندىعى تۋرالى جازىلعان ناقتى دەرەك بولىپ تابىلادى.

اباي-اقپارات