2014 جىلعى 22 مامىردا، VII استانا ەكونوميكالىق فورۋمى مەن ءىى دۇنيەجۇزىلىك داعدارىسقا قارسى كونفەرەنتسياسىنىڭ اياسىندا، «سامۇرىق-قازىنا» اق «كورپوراتيۆتىك باسقارۋ جانە قوسىمشا قۇن» تاقىرىبىندا پانەلدىك سەسسيا وتكىزدى.

سەسسياعا ەكونوميكالىق ىنتىماقتاستىق پەن دامۋ ۇيىمىنىڭ، حالىقارالىق قارجى كورپوراتسياسىنىڭ، بريتاندىق ديرەكتورلار ينستيتۋتىنىڭ، بريتاندىق كورپوراتيۆتىك حاتشىلار مەن اكىمشىلەر ينستيتۋتىنىڭ وكىلدەرى، الىس-جاقىن شەتەلدەردىڭ كورپوراتيۆتىك باسقارۋ جونىندەگى ماماندارى، مەملەكەتتىك جانە جەكە كومپانيالاردىڭ تاۋەلسىز ديرەكتورلارى، قازاقستان قور بيرجاسىنىڭ ماماندارى جانە ت.ب. قاتىستى.

قاتىسۋشىلار قازاقستان مەن الەمدەگى كورپوراتيۆتىك باسقارۋدىڭ سوڭعى ۇلگىلەرىمەن تانىسىپ، قازاقستاندىق كومپانيالاردىڭ ينۆەستيتسيالىق تارتىمدىلىعى مەن ۇزاق مەرزىمدى قۇنىن ارتتىرۋ ءۇشىن كورپوراتيۆتىك باسقارۋدىڭ وزىق ستاندارتتارى مەن تاجىريبەسىن ەنگىزۋ تاقىرىبىندا پىكىر الماستى.

سونداي-اق، قاتىسۋشىلار كورپوراتيۆتىك باسقارۋدىڭ مەملەكەتتىك، جەكە سەكتورلار مەن حالىقارالىق ينستيتۋتتار ءۇشىن ماڭىزدىلىعى تۋرالى ويلارىمەن ءبولىسىپ، وزىق تاجىريبەگە نەگىز بولاتىن قۇجات – كورپوراتيۆتىك باسقارۋ كودەكسىن، ديرەكتورلار كەڭەسىنىڭ ءرولىن تالقىلادى. شاراعا قاتىسۋشىلار «سامۇرىق-قازىنا» اق-نىڭ ەلدەگى كورپوراتيۆتىك باسقارۋ مەن ديرەكتورلار ينستيتۋتىن جەتىلدىرۋ ءۇشىن قازاقستان ديرەكتورلار ينستيتۋتىن قۇرۋ تۋرالى باستاماسىن قولدادى. 

مەملەكەت باسشىسىنىڭ قازاقستاندا ەكونوميكالىق ىنتىماقتاستىق پەن دامۋ ۇيىمىنىڭ قاعيدالارى مەن ستاندارتتارىن ەنگىزۋ تۋرالى  مىندەتتەمەلەرىن ورىنداۋ تۇرعىسىندا مۇنداي پىكىرتالاستاردىڭ ماڭىزى ودان سايىن ارتىپ وتىر. 

 «سامۇرىق-قازىنا» اق مەملەكەتتىك اكتيۆتەردى باسقارۋدىڭ الەمدىك ءىرى حولدينگتەرىنىڭ ءبىرى رەتىندە كورپوراتيۆتىك باسقارۋ ساپاسىنا ايرىقشا كوڭىل ءبولىپ كەلەدى، سەبەبى بۇل كومپانيالاردىڭ تيىمدىلىگى مەن باسەكەگە قابىلەتتىلىگىن ارتتىرۋداعى ەڭ باستى قارجىلىق ەمەس فاكتورلاردىڭ ءبىرى بولىپ تابىلادى. وزىق الەمدىك تاجىريبەلەرگە ساي كەلەتىن كورپوراتيۆتىك باسقارۋ ينۆەستورلاردىڭ قىزىعۋشىلىعىن تۋعىزىپ قانا قويماي، قارىزعا الىنعان كاپيتالدىڭ قۇنىن تومەندەتۋگە مۇمكىندىك بەرەدى، كومپانيالاردىڭ ۇزاقمەرزىمدى قۇنىن ارتتىرادى جانە ەلدىڭ ينۆەستيتسيالىق تارتىمدىلىعىنا جول اشادى.   

قور وزىنە قاراستى ەنشىلەس ۇيىمداردا كورپوراتيۆتىك باسقارۋ جايىن جىل سايىن زەردەلەيدى، سونىڭ ارقاسىندا بۇگىنگى تاڭدا كومپانيالارعا وزىق تاجىريبەلەردى ەنگىزۋ وڭدى ناتيجەلەر بەرىپ وتىر.

 كەزدەسۋ ناتيجەسىندە وسىنداي پىكىر الماسۋلاردى 2015 جىلى وتەتىن VIII استانا ەكونوميكالىق فورۋمى اياسىندا دا وتكىزۋ تۋرالى شەشىم قابىلداندى.

اباي-اقپارات