سەنبى, 3 جەلتوقسان 2022
قوعام 4062 0 پىكىر 20 قاڭتار, 2015 ساعات 09:08

«قاناتتى ايەل» قازىبەك ءبيدى قالاي باسقارادى؟

كەيىنگى جىلدارى كەنشىلەر استاناسى كاپ-كادىمگىدەي قازاقشالانىپ كەلە جاتىر ەدى. «ەدى» دەيتىن سەبەبىمىز – الداعى جىلدارى اتالمىش اۋدان تاعى سول – باياعى «تاز قالپىنا» قايتا تۇسەتىن سياقتى. «نەگە؟» دەۋگە سەبەپ بار، بىراق ءبىز «تىرناق استىنان كىر  ىزدەپ» وتىرعان جوقپىز.

القيسسا: وبلىس ورتالىعىنداعى اۋدان اتاۋلارىنىڭ وزگەرگەنىنە ءبىراز جىلدار بولدى. ءدال وسىنداي اتاۋى وزگەرگەن اۋدانداردىڭ ءبىرى – بۇرىنعى سوۆەت اۋدانى. بۇل اۋدان قازىر قازىبەك بي اۋدانى دەپ اتالاتىن بولسا، وسى اۋداننىڭ اكىمى بولىپ جاقىندا عانا تاتيانا شاتوحينا (سۋرەتتە) دەگەن حانىم تاعايىندالدى. وبلىس اكىمى نۇرمۇحامبەت ابدىبەكوۆتىڭ وكىمىمەن.

وسىدان بىرنەشە جىل بۇرىن الماتى قالاسىندا رەسپۋبليكالىق «قاناتتى ايەلدەر» دەگەن جارمەڭكە وتكەن بولاتىن. ءار سالانىڭ ۇزدىكتەرى عانا قاتىسقان وسىناۋ جارمەڭكەگە تاتيانا شاتوحينا حانىم دا قاتىسىپ، جاپ-جاقسى ماراپاتتالىپ قايتتى. ەۆنەي بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ حيميا فاكۋلتەتىن، سونىمەن بىرگە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋدىڭ ۇلتتىق جوعارى مەكتەبىن ويداعىداي بىتىرگەن تاتيانا حانىم جاقىندا اۋدان اكىمى رەتىندە العاش رەت حالىق الدىندا ەسەپ بەرمەكشى. وسى قاڭتار ايىنىڭ سوڭىنا قاراي. مەيلى عوي، حالىق سايلاماسا دا، حالىق الدىندا اكىمدەردىڭ قالاي ەسەپ بەرەتىنى كوپشىلىككە جاقسى ءمالىم. ءجا، ءبىزدىڭ ايتپاعىمىز بۇل دا ەمەس، ءبىزدىڭ ايتپاعىمىز مىناۋ: مەملەكەتتىك تىلدە، ول از بولسا، اتاقتى قاز داۋىستى قازىبەك بي اتىنداعى اۋداندى باسقارىپ وتىرىپ، سول ءبيدىڭ تىلىندە تاتيانا حانىم قالاي ەسەپ بەرمەكشى – اۋدان تۇرعىندارىنا؟ ويتكەنى بۇ كىسى مەملەكەتتىك ءتىلدى ويداعىداي مەڭگەرمەگەن عوي؟ ءتىپتى مەملەكەتتىك باسقارۋدىڭ ۇلتتىق مەكتەبىن سول مەملەكەتتىڭ مەملەكەتتىك ءتىلىن بىلمەي، قالاي ويداعىداي بىتىرۋگە بولادى، ا – بىزگە بۇل دا قىزىق؟! بىزگە بۇل دا جۇمباق. ال ەندى تاتيانا حانىمنىڭ اۋدان اكىمى رەتىندە حالىق الدىندا قالاي ەسەپ بەرەتىنىن، قۇداي بۇيىرسا، سول كەزدە كورەتىن بولامىز. جازاتىن دا بولامىز البەتتە. جاقسى ەسەپ بەرسە، «جاقسى ەسەپ بەردى...» دەپ. ءاي قايدام!

مارات ماداليموۆ.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2145
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 940
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1137