سەنبى, 19 ماۋسىم 2021
جاڭالىقتار 4333 0 پىكىر 26 جەلتوقسان, 2014 ساعات 19:39

5115 سوعىس ارداگەرى ەلباسىنىڭ اتىنان جاڭاجىلدىق سىيلىقتار الادى

5115 سوعىس ارداگەرى مەملەكەت باسشىسى اتىنان جاڭاجىلدىق سىيلىقتار الادى.

بۇل تۋرالى اقوردانىڭ ءباسپاسوز قىزمەتىنەن حابارلادى.   

الداعى 2015 جىل ۇلى وتان سوعىسىنداعى جەڭىستىڭ 70 جىلدىعى جانە تمد ەلدەرىندەگى ارداگەرلەر جىلى بولماق.

جاڭا جىل قارساڭىندا، 26 جەلتوقسان مەن 30 جەلتوقسان ارالىعىندا قازاقستان پرەزيدەنتىنىڭ بۇكىل ەلىمىز بويىنشا ۇلى وتان سوعىسىنىڭ ارداگەرلەرىن قولداۋ جونىندەگى تمد ەلدەرىندە بالاماسى جوق، جالپىۇلتتىق بىرەگەي اكتسياسى وتەدى.

رەسپۋبليكادا تۇراتىن 5115 سوعىس ارداگەرىنىڭ ارقايسىسىنا وبلىس، قالا جانە اۋدان اكىمدەرى ارنايى بارىپ قۇتتىقتاپ، مەملەكەت باسشىسى اتىنان جاڭاجىلدىق سىيلىقتار جيىنتىعىن تاپسىراتىن بولادى.

سونىمەن قاتار، قازاقستان پرەزيدەنتىنىڭ تاپسىرماسىمەن ۇلى وتان سوعىسىنداعى جەڭىستىڭ 70 جىلدىعىن مەرەكەلەۋ جونىندەگى ارناۋلى ءىس-شارالار جوسپارى بەكىتىلدى. 2015 جىلعى 7 مامىر - وتان قورعاۋشىلار كۇنى مەملەكەت باسشىسىنىڭ قاتىسۋىمەن مەرەيتويلىق سالتاناتتى اسكەري شەرۋ وتكىزۋ جوسپارلانۋدا. 

0 پىكىر