قازاقستان رەسپۋبليكاسى

سەناتىنىڭ سپيكەرى

ق.ك. توقاەۆ مىرزاعا.

قازاقستان رەسپۋبليكاسى

پرەمەر-ءمينيسترى

ك.ق. ماسىموۆكە

قازاقستان جاستارى اتىنان

اشىق حات

قۇرمەتتى قاسىمجومارت كەمەلۇلى!

قۇرمەتتى كارىم قاجىمقانۇلى!

قازاقستان رەسپۋبليكاسى

سەناتىنىڭ سپيكەرى

ق.ك. توقاەۆ مىرزاعا.

قازاقستان رەسپۋبليكاسى

پرەمەر-ءمينيسترى

ك.ق. ماسىموۆكە

قازاقستان جاستارى اتىنان

اشىق حات

قۇرمەتتى قاسىمجومارت كەمەلۇلى!

قۇرمەتتى كارىم قاجىمقانۇلى!

قۇرمەتتى اعالار! ءبىزدى «31-ءشى ارنادا» قالىپتاسقان جاعداي قاتتى الاڭداتۋدا. اتالعان ارنانىڭ اكتسيالارى رەسەيدىڭ «ستس كانالىنا» ساتىلعان كەزدە ۇندەمەگەن ەدىك. ويتكەنى، سول ۋاقىتتا ارنا تولىققاندى بۇرىنعى قالپىندا بولاتىنى تۋرالى ايتىلعان بولاتىن. ونىڭ ۇستىنە «ارنا تولىق ساتىلعان جوق» - دەگەن پىكىر دە العا تارتىلعان. الايدا ءدال قازىر جاعداي مۇلدەم وزگەشە ءوربىپ بارا جاتىر. بۇگىنگى «31 - ارنا» «قازاقستان رەسپۋبليكاسىنىڭ ءتىل تۋرالى زاڭىن» مۇلدەم ورىنداپ وتىرعان جوق. ياعني پاريتەتتى ەلۋدە-ەلۋ ساياساتى ورەسكەل بۇزىلۋدا. ونىمەن قويماي، ارنانىڭ قازاق ءتىلدى باعدارلامالارىنىڭ بارلىعى دەرلىك جابىلىپ ءبىتتى. سولاردىڭ سوڭعىلارىنىڭ ءبىرى بولىپ ءالى جارىققا تولىق شىعىپ ۇلگەرمەگەن «اينا-LINE» باعدارلاماسى جابىلدى. ول باعدارلاماسىز-اق ارنانىڭ رەيتينگىسى كەرەمەت بولىپ تۇرعانى شامالى ەدى. باسشىلىق اۋىسقالى بۇقارا «31 ارنانى» كورۋدەن قالدى. دەسە دە كوڭىلگە جاعاتىن بىرەن-ساران قازاق ءتىلدى جوبالار بار بولاتىن. ارنا باسشىلىعى سول جوبالاردىڭ تامىرىنا بالتا شاۋىپ وتىر. وسىدان لوگيكالىق سۇراق تۋىندايدى. رەسەيلىكتەر ارنانى اقشاعا ساتىپ الىپ، ەندى ول جەردە نەلىكتەن ءتيىمسىز ساياسات جۇرگىزۋدە؟ بالكىم ارنانى الۋداعى و باستاعى ماقساتى باسقا بولار. قىرعىزستانداعى، ۋكرايناداعى، گرۋزياداعى وزگەرىستەر سول ەلدەردەگى رەسەيگە نەمەسە باسقا مەملەكەتتەرگە جاقىن تەلەارنالاردىڭ تولىق قولداۋىمەن جۇزەگە اسقانىن بىلەمىز. قۇرمەتتى، ەل اعالارى ويلانايىق.

سوڭعى ۋاقىتتا قازاقستان ءوزىنىڭ اقپاراتتىق ساياساتىندا كەنجەلەپ كەلەدى. ول تۋرالى ەلباسى دا ايتقان بولاتىن. وكىنىشكە قاراي، بۇگىن ءاربىر قازاقستان ازاماتىنىڭ ۇيىندە رەسەي تەلەارنالارى سارناپ تۇر. ءبىزدىڭ حالىق باياعىدا-اق وتاندىق تەلەارنالاردى كورۋدەن قالعان. ءبىزدىڭ تەلەديدار بەتىندەگى ساياساتىمىز رەسەيدەن الدەقاشان ۇتىلىپ ءبىتتى. تەلەەكرانداعى قاجەتتى اقپاراتتىڭ دەنى ءالى كۇنگە رەسەيدەن الىنادى. ياعني، ول جەردە وزگە ەلدىڭ مۇددەسى جاتقانىن ۇمىتپاۋىمىز كەرەك.

قۇرمەتتى كارىم قاجىمقانۇلى! وتكەن جىلدىڭ اياعىندا جاڭادان ءۇش تازا قازاق ءتىلدى تەلەارنا اشىلاتىنىنا ۋادە بەرگەن بولاتىنسىز. قازىرگى «31 ارناداعى» جاعدايدىڭ ۋشىققانىنا قاراپ، ءسىزدىڭ سول ۋادەڭىزدىڭ جۇزەگە اساتىنىنا كۇمانمەن قاراي باستادىق. كەرىسىنشە ەل اراسىندا «قازاق ءتىلدى باعدارلامالار تەك «31 ارنادا» عانا ەمەس، باسقا دا تەلەارنالاردا جابىلادى» دەگەن پىكىرلەر كوبەيىپ بارادى.

ەگەر ءسىز ايتقان ءۇش قازاق ءتىلدى تەلەارنانىڭ اشىلاتىنى راس بولسا، «31 ارنانىڭ» دا قازاق ءتىلدى باعدارلامالارىن ساقتاپ قالۋىمىز كەرەك. سەبەبى، بىزدەر، ياعني قازاق جاستارى، قازاق ەكرانىندا، قازاق ءتىلىنىڭ ۇستەمدىك قۇرعانىن قالايمىز. ال، قالىڭ جۇرتشىلىق «ستس-ءتىڭ» انايى سەريالدارىن قازاق ءتىلدى تيترسىز-اق سپۋتنيك ارقىلى كورىپ وتىر. ول سەريالداردىڭ «31 ارنادان» قايتالاپ كورسەتىلۋىنە ەش نەگىز جوق. ارينە قۇقتىق-دەموكراتيالىق مەملەكەتتە بيلىكتىڭ جەكەمەنشىك تەلەارنانىڭ ىشكى ساياساتىنا ارالاسۋىنا بولمايدى. دەگەنمەن، ءبىزدىڭ ويىمىزشا اتالعان ارنا تىكەلەي ەلىمىزدىڭ ۇلتتىق، اتاپ ايتقاندا اقپاراتتىق جانە يدەولوگيالىق قاۋىپسىزدىگىنە نۇقسان كەلتىرۋدە.

قۇرمەتتى ەل اعالارى! «31 ارناداعى» مۇشكىل جاعدايعا شۇعىل تۇردە ارالاسىپ، وڭتايلى شەشىم شىعارساڭىزدار ەكەن.

1.     «بولاشاق رەسپۋبليكالىق قوزعالىسى» جەتەكشىسى داۋرەن بابامۇراتوۆ،

2.      «قازاقستان جاستارى وداعىنىڭ» توراعاسى اسەت تۇردىعۇل،

3.      «رۋح پەن ءتىل» كلۋبىنىڭ جەتەكشىسى جانبولات ماماي،

4.      «الاڭ» ادەبيەت بىرلەستىگىنىڭ توراعاسى رىسبەك دابەي،

5.      «ەركىن ينتەرنەت ءۇشىن» قوزعالىسىنىڭ وكىلى ۇلان شامشەت،

6.      «ابىروي» جاستار بىرلەستىگىنىڭ جەتەكشىسى ازامات جەتپىسباەۆ،