جەڭىس كۇنىنە وراي 9-مامىردا ورتالىق الاڭدا وتكەن مەرەكەلىك شارالارعا ادەتتەگىدەي ۇكىمەتتىك ەمەس ۇيىمدار دا قالىسپاي قاتىسىپ، ارداگەرلەرگە دەگەن قۇرمەتتەرىن ءبىلدىرىپ قالۋعا تىرىسىپ جاتتى. ءبىرى كوك گالستۋك بايلاعان، ءبىرى سارى ورامال تاققان جاستار ۇيىمدارى، الەم-جالەم اسكەري كيىمدەرىن كيگەن كازاكتار، اساي-مۇسەيلەرىن ارقالاعان مۋزىكانتتار، گۇل شوقتارىن كوتەرگەن ساياسي ۇيىم وكىلدەرى ءبارى-ءبارى الاڭدا ءجۇردى ايتەۋىر. وسىلاردىڭ اراسىنان، اسىرەسە امانتاي قاجىنىڭ اتتانى ايرىقشا ەستىلدى.  سويتسەك، ونىڭ ايعايىنىڭ وزگە استارى بار بولىپ شىقتى. اتتانشىل قاجى ءبۇي دەيدى: "بۇل سوعىستا قازاقتار بولماسا پاشىستەر جەڭىلمەيتىن ەدى. ءبىزدىڭ اتالارىمىز اتتانداپ ءجۇرىپ وسى جەڭىستى الىپ كەلدى. ەندى ونىڭ قىزىعىن ءبىز، قازاقتار كورۋىمىز كەرەك. وسىنى مىنا بيلىك دۇرىس تۇسىنبەي ءجۇر. ال مەن ونى ورىستارعا ءتۇسىندىرىپ، قازاقتىڭ مىقتى ەكەنىن ۇقتىرىپ ءجۇرمىن. مىنا نازارباەۆ بيلىكتە وتىرعان 20 جىلدا بىردە-ءبىر ورىسقا قازاقشا ۇيرەتە المادى. ال مەن ورىستارعا قازاق ءتىلىن ۇيرەتۋدى بىلاي قويىپ، وزدەرىن قازاق قىلىپ جاتىرمىن. ءاي، ۆيتالي، كانە، ايتشى، سەن كىمسىڭ؟".

ۆيتالي دەگەنى باعانادان بەرى ەزۋى جيىلماي تۇرعان باكەنە بويلى ورىس ەكەن. قاجىنىڭ سۇراعىنا سابازىڭ بىلاي دەپ قازاقشا جاۋاپ بەردى: "مەن ۆيتيا، قازاققا سىڭگەن ورىس-نايمانمىن!".

جارايسىز، قاجەكە، بارەكەلدى. ورىستى وسىلاي قازاقتاندىرا، نايمانداندىرا بەرىڭىز. اتتان، اتتان!

"اباي-ينفورم"

جەڭىس كۇنىنە وراي 9-مامىردا ورتالىق الاڭدا وتكەن مەرەكەلىك شارالارعا ادەتتەگىدەي ۇكىمەتتىك ەمەس ۇيىمدار دا قالىسپاي قاتىسىپ، ارداگەرلەرگە دەگەن قۇرمەتتەرىن ءبىلدىرىپ قالۋعا تىرىسىپ جاتتى. ءبىرى كوك گالستۋك بايلاعان، ءبىرى سارى ورامال تاققان جاستار ۇيىمدارى، الەم-جالەم اسكەري كيىمدەرىن كيگەن كازاكتار، اساي-مۇسەيلەرىن ارقالاعان مۋزىكانتتار، گۇل شوقتارىن كوتەرگەن ساياسي ۇيىم وكىلدەرى ءبارى-ءبارى الاڭدا ءجۇردى ايتەۋىر. وسىلاردىڭ اراسىنان، اسىرەسە امانتاي قاجىنىڭ اتتانى ايرىقشا ەستىلدى.  سويتسەك، ونىڭ ايعايىنىڭ وزگە استارى بار بولىپ شىقتى. اتتانشىل قاجى ءبۇي دەيدى: "بۇل سوعىستا قازاقتار بولماسا پاشىستەر جەڭىلمەيتىن ەدى. ءبىزدىڭ اتالارىمىز اتتانداپ ءجۇرىپ وسى جەڭىستى الىپ كەلدى. ەندى ونىڭ قىزىعىن ءبىز، قازاقتار كورۋىمىز كەرەك. وسىنى مىنا بيلىك دۇرىس تۇسىنبەي ءجۇر. ال مەن ونى ورىستارعا ءتۇسىندىرىپ، قازاقتىڭ مىقتى ەكەنىن ۇقتىرىپ ءجۇرمىن. مىنا نازارباەۆ بيلىكتە وتىرعان 20 جىلدا بىردە-ءبىر ورىسقا قازاقشا ۇيرەتە المادى. ال مەن ورىستارعا قازاق ءتىلىن ۇيرەتۋدى بىلاي قويىپ، وزدەرىن قازاق قىلىپ جاتىرمىن. ءاي، ۆيتالي، كانە، ايتشى، سەن كىمسىڭ؟".

ۆيتالي دەگەنى باعانادان بەرى ەزۋى جيىلماي تۇرعان باكەنە بويلى ورىس ەكەن. قاجىنىڭ سۇراعىنا سابازىڭ بىلاي دەپ قازاقشا جاۋاپ بەردى: "مەن ۆيتيا، قازاققا سىڭگەن ورىس-نايمانمىن!".

جارايسىز، قاجەكە، بارەكەلدى. ورىستى وسىلاي قازاقتاندىرا، نايمانداندىرا بەرىڭىز. اتتان، اتتان!

"اباي-ينفورم"

سۋرەتتە:

1-2-3. امانتاي قاجى مەن ورىس-نايمان ۆيتيا

4-5-6-8. قوعامدىق ۇيىمدار ءىس-شارالار وتكىزۋدە.

7. ارداگەرلەر الىستاعى مايدانداستارىن قۇتتىقتاپ جاتىر.