«اباي.kz» پورتالىنىڭ «كازاقستاننىڭ تۇرعىن ءۇي قۇرىلىس جيناق بانكى» اق ءباسپاسوز قىزمەتىمەن بىرلەسىپ قولعا العان اقپاراتتىق  جۇمىستارىنىڭ ناتيجەسىندە وقىرماندار كوڭىلىندەگى كوپ سۇراققا جاۋاپ ىزدەۋگە مۇمكىندىك الدى.

قوعامداعى ەڭ وتكىر ماسەلەنىڭ ءبىرى بولىپ تابىلاتىن باسپانا جايى ەشكىمدى بەي-جاي قالدىرمايتىنى بەلگىلى. ءتىپتى، بۇعان دەيىن تۇرعىن ءۇي قۇرىلىس جيناق جۇيەسى تۋرالى بەيحابار بولىپ كەلگەن وقىرماندارىمىزدىڭ قىزىعۋشىلىعى ارتىپ وتىر. سونداي ساۋالدىڭ ءبىرى «تۇرعىن ءۇي قۇرىلىس جيناق جۇيەسى دەگەنىمىز نە، ونىڭ شارتتارى قانداي؟» دەگەن سۇراق.

ساۋالعا «كازاقستاننىڭ تۇرعىن ءۇي قۇرىلىس جيناق بانكى» اق باسقارۋشى ديرەكتورى  ەرۇلان جاماۋباەۆ جاۋاپ بەرەدى:
- تۇرعىن ءۇي قۇرىلىس جيناق جۇيەسى دەگەنىمىز - بۇل تۇرعىن ءۇي جاعدايلارىن جاقسارتۋعا حالىققا تۇراقتى، دەربەس نەسيە بەرۋ جۇيەسى. بانكتىڭ بارلىق سالىمشىلارى وندا اقشا قاراجاتتارىن جيناقتايتىن ءبىر جۇيەگە بىرىكتىرىلگەن. تۇرعىن ءۇي زاەمدارى سالىمشىلارعا جالپى جيناقتاۋ جۇيەسىنەن بەرىلەدى.
نەگىزىنەن العاندا، سالىمشىلار وزدەرىن ءوزى قارجىلاندىرادى، ال بانك تەك وپەراتور قىزمەتىن اتقارۋشى بولىپ تابىلادى. سوندىقتان تۇرعىن ءۇي زاەمدارى ەڭ ارزان جانە ەڭ سەنىمدى بولىپ سانالادى. جۇيە شەتەلدىك ۆاليۋتالى زاەمداردى پايدالانبايدى، سوندىقتان دا وتكەن جىلدار دالەلدەپ بەرگەندەي، الەمدىك قارجىلىق داعدارىستاردان ساقتاندىرىلعان.
ول قازاقستاننىڭ بارلىق ازاماتتارىنا ءبولىپ-جارۋسىز ء(تىپتى كىرىسى تومەن بولسا دا) باسپانا ماسەلەلەرىن شەشۋ مۇمكىندىگىن بەرەتىندىگىمەن دە بىرەگەي جۇيە رەتىندە تانىلۋدا

اباي -اقپارات