جەكسەنبى, 24 قاڭتار 2021
ماسەلەنىڭ ءمانى 7477 0 پىكىر 1 جەلتوقسان, 2014 ساعات 12:37

قانات: گولوۆكين مەنىڭ وتانداسىم، تىلەكشىم

«قانات ءىسىلام مەن گەننادي گولوۆكين جەكپە جەككە شىعادى ەكەن» دەپ باستالاتىن  اقپارات قازىر عالامتوردا جەلدەي ەسىپ ءجۇر. بۇنداي ءسوزدىڭ شىعۋىنا، ءسىرا،  قاناتتىڭ پروموۋتەرى نەلسون لوپەستىڭ: «قازاقستاننىڭ ەكى مىقتىسى بوكستاسۋى مۇمكىن.ءيا، بوكستا ءبارى بولادى. سوندىقتان، قانات پەن گولوۆكيننىڭ كەزدەسۋى  عاجاپ ەمەس. قانات ەڭ مىقتى بوكسشى»» دەگەن ءسوزى سەبەپ بولسا كەرەك.

 

وسى ماسەلەگە بايلانىستى قانات ءىسلام مىرزا qamshy.kz سايتىنىڭ تىلشىلەرىمەن جۇزدەسىپ بىلاي دەدى:  

- گولوۆكين مەنىڭ قارسىلاسىم ەمەس، ەڭ الدىمەن وتانداسىم، تىلەكشىم. ەكەۋمىزدە قازاق ەلىنىڭ نامىسىن قورعاۋشىمىز. «اكەم – ورىس، شەشەم – كارىس، ءوزىم – قازاقپىن» دەپ الەمگە جار سالعان گەنا مەن ءۇشىن دە قازاق. ال قازاقتىڭ اتىنان شىعىپ، قازاقستاننىڭ تۋىن جەلبىرەتىپ جۇرگەن دوسىممەن قولعاپ ءتۇيىستىرۋ ول وسى ەلدىڭ ازاماتى بولىپ تۇرعاندا ەش قيسىنى جوق اڭگىمە دەپ ويلايمىن. ال ات جارىستىرۋ مەن اتاق تالاستىرۋ قاسيەتىمدە جوق. ويتسەم وسى كۇندە قىتايدا جۇرە بەرەر ەدىم. ماعان الاش جۇرتىنىڭ ابىرويىن دۇنيەجۇزىنە پاش ەتۋدەن،  كوك تۋدى جەلبىرەتۋدەن اسقان باقىت جوق.

Abai.kz   

0 پىكىر