بەيسەنبى, 28 ناۋرىز 2024
كورشىنىڭ كولەڭكەسى 5968 0 پىكىر 29 قازان, 2014 ساعات 09:30

نەمتسوۆ: ۋكراينا... ورالمايدى

مەملەكەتتىك دەڭگەيدەگى قايراتكەر، ساياساتكەر، ب. ەلتسيننىڭ كەزىندە ۆيتسە-پرەمەرلىك قىزمەتكە دەيىن كوتەرىلگەن بوريس نەمتسوۆ – قازىر رف پرەزيدەنتى ءپۋتيننىڭ تاباندى قارسىلاستارىنىڭ ءبىرى. ول ءپۋتيننىڭ ۋكرايناعا قاتىستى ۇستانعان ساياساتىن سىناي وتىرىپ، ساتسىزدىكتەرىن بىلايشا سانامالاپ شىقتى:

1. ۋكراينانى رەسەيگە بايلاپ كەدەن وداعىنا كىرگىزۋگە كۇش سالدى. بىراق ءبارى كەرىسىنشە بولىپ شىقتى. ۋكراينا ەۋروپالىق ۆەكتوردى تاڭدادى، ەندى ول ءپۋتيننىڭ ىقپالىنداعى وربيتاعا ورالمايدى. 
 2. ۋكراينانىڭ بەيتاراپتىلىعىن ساقتاپ، حالىقارالىق بلوكتارعا قاتىستىرماي ۇستاعىسى كەلدى. بۇنىسى دا بولمادى. قازىر ۋكراينانىڭ سولتۇستىك اتالانتيكالىق اليانسپەن (ناتو) تىعىز ءارى ۇزاق جىلدارعا بايلانىس ورناتقانى انىققا شىقتى. ۋكراينا مەن ناتو اراسىندا   اسكەري-تەحنيكالىق جاتتىعۋلار جولعا قويىلدى. 
3. ۋكراينا حالقىنىڭ تاراپىنان قۇرمەت كۇتتى. بىراق جاعالاسقان جاۋ تاپتى.
  4. دونەتسكىدەن ودەسساعا دەيىنگى ايماقتان جاڭارەسەي جاساماققا ارەكەتتەندى. الايدا دونەتسكى مەن لۋگانسكى وبلىسىنىڭ شاعىن بولىگىن عانا الدى. 

 5. ماريۋپولدان قىرىمعا ءدالىز ىزدەدى. ءسويتىپ ماريۋپولدا ورىس ادامدارىن جەر جاستاندىرىپ، باسقىنشىلاردىڭ جولىن بوگەگەن قارسىلىق پەن وكوپتارعا كەزدەستى.

 6. جالعىز وق شىعىنداماي قىرىمدى باسقان ادىسىنە سالماق ەدى، ەكى جاقتان بىردەي 4000 ادامنىڭ ولىمىنە سەبەپكەر بولدى.

 
7. رەسەي ەكونوميكاسىنىڭ زيان شەكپەۋىن ويلاعان. ايتكەنمەن، ەلدەن 100 ملرد دوللاردىڭ كەتىپ، ءبىر دوللاردىڭ 40 رۋبل بولۋىنا، ازىق-تۇلىك باعاسىنىڭ شارىقتاي كوتەرىلىپ، ينفلياتسيانىڭ ەكى ەسەلەنۋىنە، ينۆەستيتسياسىز، يننوۆاتسياسىز ەكونوميكانىڭ توقىراۋىنا جول بەردى.

 8. يمپەرشىلدەر مەن اسىرەۇلتشىلدار اراسىنان قولداۋ ىزدەگەن (گيركين، سپۋتنيك، پوگورم سياقتىلاردىڭ) – ناتيجەسىندە ولاردىڭ جەككورىنىشتىسىنە اينالىپ، ساتقىن دەگەن اتاق يەلەندى.

 9. الەمدىك ساياساتتا تانىمال تۇلعا بولىپ قالۋدى كوزدەگەن. جاپاندا جالعىز قالدى. «ۇلكەن سەگىزدىكتەن» قۋىلدى، ەشقايدا شاقىرىلمايدى، اينالاسىنداعىلار سانكتسيانىڭ قاماۋىندا، «لۋكا» (الەكساندر لۋكاشەنكونى ايتادى. - رەد) مەن نازارباەۆتان وزگەسى ونىمەن سويلەسپەيدى. ولاردىڭ ءوزى ۋكراينانىڭ تۇتاستىعىن قولدايدى جانە قارجى تالاپ ەتەدى. اسىرەسە، الەكساندر گريگوريۇلى ۇتتى – رەسيدىڭ بيۋدجەتىنەن ول 3,5 ملرد دوللار قاقتى، ونىسىمەن قويماي رەسەيدى قازاقستان مەن موڭعولياعا بولشەكتەپ بەرۋ كەرەك دەيدى.

 10. ءپۋتيننىڭ ورىندالعان جالقى تىلەگى –  يمپەريالىق شىجىندىققا بوي ۇرعان جانە جالعان ۇگىتشىلەردىڭ قولىمەن جاسالعان ەرەن بيىك رەيتينگ ەدى. ونىسى ورىندالدى. بىراق ۇزاققا بارمايدى. حالىق تاياۋدا كىرىستىڭ توقتاعانىن، باعانىڭ كەنەۋسىز كەتكەنىن تۇسىنەدى. ء«بارىن وباماعا جابا بەرگەنمەن بولمايدى عوي».

 Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516