بەلورۋسسيا پرەزيدەنتى الەكساندر لۋكاشەنكو «Euronews» تەلەارناسىنا بەرگەن سۇحباتىندا رەسەيدىڭ قىرىمدى وزىنە قوسىپ الۋ ساياساتىن سىناي كەلىپ، بىلاي دەدى:

«قازىر كوپتەگەن ادامدار قىرىم ۋكرايناعا قاراماۋى ءتيىس ەدى، قىرىم – رف-نىڭ تەرريتورياسى دەپ ءجۇر. بۇل دۇرىس ەمەس. ولاي بولسا، باتۋ حاننىڭ كەزەڭىنە ورالايىقشى... وندا قازاقستان مەن موڭعولياعا جانە باسقالارعا رەسەي تەرريتورياسىن قايتارىپ بەرۋ كەرەك بولادى».

كەدەندىك وداق، ەۋرازيالىق وداق سىقىلدى رەسەيمەن وداقتاستىق قۇرىپ جاتقان بەلورۋسسيا پرەزيدەنتى الەكساندر لۋكاشەنكو ەۋروپا تورىندە رەسەيدى وسىلاي دەپ ءبىر تۇيرەپ ءوتتى.

قازاقستان پرەزيدەنتى ن.نازارباەۆ ۇلىتاۋدا بەرگەن سۇحباتىندا: «ءبىزدىڭ ەلدىگىمىز، قازاق جۇرتىنىڭ ارعى ءتۇبى عۇنداردان باستالادى. عۇنداردان كەيىن كوك تۇرىكتەرگە جالعاسادى. ودان كەيىن التىن وردا ورنىعادى. ءسويتىپ، حاندىق داۋىرگە ۇلاسىپ، كەيىن بىرتىندەپ تاۋەلسىزدىككە كەلىپ تىرەلەدى. وسىنداي ۇلكەن تاريحىمىز بار. جاستارىمىز مۇنى ءبىلۋى كەرەك. ءبىز كەشە عانا پايدا بولا قالعان حالىق ەمەسپىز» دەگەن ەدى http://abai.kz/post/view?id=1498.

ىلە رەسەي پرەزيدەنتى ۆ.پۋتين «سەليگەر» جاستار فورۋمىندا وزىنە قازاقستان جايلى ساۋال قويعان ستۋدەنت قىزعا جاۋاپ بەرە كەلىپ: «قازاقتاردا ەشقاشان مەملەكەت بولماعان» دەگەن ءسوز ايتتى http://abai.kz/post/view?id=1543.

الايدا، رەسەي پرەزيدەنتىنىڭ بۇل سوزىنە قازاقستان تاراپى ەشقانداي رەسمي تۇسىنىكتەمە تالاپ ەتكەن جوق. بار بولعانى، قوعامنىڭ بەلگىلى ءبىر بولىگى شۋىلداپ بارىپ باسىلدى...

قازاقستان، رەسەي، بەلورۋس پرەزيدەنتتەرىنىڭ اراسىندا اراگىدىك بولسا دا وسى تەكتەس ىرعاسۋلار بولىپ تۇرادى. بىراق، ول نەگىزگى ساياسي شەشىمدەرگە اسەر ەتكەن ەمەس. مۇنداي سوزبەن ىرعاسۋ كوز قىلۋ ءۇشىن ادەي جاسالا ما، الدە شىن ويلارى سول ما، ول جاعى ءبىر قۇدايعا ايان...

Abai.kz