جاقىندا تالدىقورعان قالاسىندا اۋىر اتلەتيكادان ازيا چەمپيوناتى وتكەنى بەلگىلى. ال سول دودادان كەيىن ەلىمىزدىڭ 17 جاسقا دەيىنگى زىلتەمىرشىلەرى تايلاندتىڭ چيانگ-ماي قالاسىنا اتتانىپ، الەم چەمپيوناتىنا قاتىسقان بولاتىن. وسى دودالاردىڭ قورىتىندىسىن جۋرناليستەر ارقىلى حالىققا جەتكىزۋ ءۇشىن كەشە ەلىمىزدىڭ اۋىر اتلەتيكا فەدەراتسياسىنىڭ پرەزيدەنتى قايرات تۇرلىحانوۆ الماتىدا ءباسپاسوز كونفەرەنتسياسىن وتكىزدى.
– بۇگىندە قازاقستان اۋىر اتلەتيكاسى جوعارى دەڭگەيدە دامىپ كەلەدى، – دەپ باستادى قايرات بولاتۇلى. – ماسەلەن، جەتى¬سۋ وڭىرىندە وتكەن ازيا بىرىنشىلىگىندە 4 التىن، 3 قولا ەنشىلەپ، جالپىكومان¬دا¬لىق ەسەپتە قىزدار اراسىندا ءبىرىنشى ورىن¬دى، ەرلەر اراسىندا ەكىنشى ورىندى يەمدەندىك. تايلاندتاعى جاعدايىمىز دا جامان بولعان جوق. ول جاققا ءبىز 7 قىز، 8 جىگىتىمىزدى اپارىپ، 1 التىن، 4 كۇمىس، 2 قولا مەدالمەن ورالدىق. ەندى كەلەسى ايدىڭ 9-ىندا رۋمىنيا استاناسىنا اتتانامىز. وندا ماۋسىمنىڭ 11-ءى مەن 21-ءى ارالىعىندا جاستار اراسىنداعى الەم چەمپيوناتى وتەدى. ءبىزدىڭ ساڭلاقتار بۋحارەستەن دە ولجالى ورالاتىنىنا سەنىمدىمىن.
ايتا كەتەيىك، ءباسپاسوز ءماسليحاتىنا فەدەراتسيا پرەزيدەنتىنەن بولەك، اۋىر اتلەتيكادان ۇلتتىق قۇرامامىزدىڭ باس باپكەرى الەكسەي ني جانە جاستار قۇرا¬ما¬سىنىڭ باس جاتتىقتىرۋشىسى باقىت احمەتوۆ قاتىسقان بولاتىن. ءوز كەزەگىندە باقىت بەشىمبەكۇلى جىگىتتەردىڭ دايىندىعىنا توقتالىپ، زىلتەمىرشىلەردىڭ تاي ەلىندە كورسەتكەن ناتيجەلەرىنە دە باعاسىن بەردى.

جاقىندا تالدىقورعان قالاسىندا اۋىر اتلەتيكادان ازيا چەمپيوناتى وتكەنى بەلگىلى. ال سول دودادان كەيىن ەلىمىزدىڭ 17 جاسقا دەيىنگى زىلتەمىرشىلەرى تايلاندتىڭ چيانگ-ماي قالاسىنا اتتانىپ، الەم چەمپيوناتىنا قاتىسقان بولاتىن. وسى دودالاردىڭ قورىتىندىسىن جۋرناليستەر ارقىلى حالىققا جەتكىزۋ ءۇشىن كەشە ەلىمىزدىڭ اۋىر اتلەتيكا فەدەراتسياسىنىڭ پرەزيدەنتى قايرات تۇرلىحانوۆ الماتىدا ءباسپاسوز كونفەرەنتسياسىن وتكىزدى.
– بۇگىندە قازاقستان اۋىر اتلەتيكاسى جوعارى دەڭگەيدە دامىپ كەلەدى، – دەپ باستادى قايرات بولاتۇلى. – ماسەلەن، جەتى¬سۋ وڭىرىندە وتكەن ازيا بىرىنشىلىگىندە 4 التىن، 3 قولا ەنشىلەپ، جالپىكومان¬دا¬لىق ەسەپتە قىزدار اراسىندا ءبىرىنشى ورىن¬دى، ەرلەر اراسىندا ەكىنشى ورىندى يەمدەندىك. تايلاندتاعى جاعدايىمىز دا جامان بولعان جوق. ول جاققا ءبىز 7 قىز، 8 جىگىتىمىزدى اپارىپ، 1 التىن، 4 كۇمىس، 2 قولا مەدالمەن ورالدىق. ەندى كەلەسى ايدىڭ 9-ىندا رۋمىنيا استاناسىنا اتتانامىز. وندا ماۋسىمنىڭ 11-ءى مەن 21-ءى ارالىعىندا جاستار اراسىنداعى الەم چەمپيوناتى وتەدى. ءبىزدىڭ ساڭلاقتار بۋحارەستەن دە ولجالى ورالاتىنىنا سەنىمدىمىن.
ايتا كەتەيىك، ءباسپاسوز ءماسليحاتىنا فەدەراتسيا پرەزيدەنتىنەن بولەك، اۋىر اتلەتيكادان ۇلتتىق قۇرامامىزدىڭ باس باپكەرى الەكسەي ني جانە جاستار قۇرا¬ما¬سىنىڭ باس جاتتىقتىرۋشىسى باقىت احمەتوۆ قاتىسقان بولاتىن. ءوز كەزەگىندە باقىت بەشىمبەكۇلى جىگىتتەردىڭ دايىندىعىنا توقتالىپ، زىلتەمىرشىلەردىڭ تاي ەلىندە كورسەتكەن ناتيجەلەرىنە دە باعاسىن بەردى.
– تايلاندتىڭ چيانگ-ماي قالاسىندا وتكەن الەم بىرىنشىلىگىندە كەيبىر قىز-جىگىتتەرىمىزدىڭ قوبالجىعاندارى راس. ونىڭ دا سەبەبى بار. ويتكەنى ول جاققا بارلىعى 15 سپورتشى اپارعان بولساق، سونىڭ 10-ى ۇشاققا ومىرىندە ءبىرىنشى رەت وتىرعان ەكەن. بىراق شاكىرتتەرىمنىڭ كورسەتكەن ناتيجەلەرىنە ريزامىن. جالپى¬كوماندالىق ەسەپتە جىگىتتەر اراسىندا 4-ورىندى يەمدەنسەك، قىزدا¬رىمىز 9-ور¬ىن¬عا تۇراقتادى. «ارىق سويلەپ، سەمىز شىعايىن»، بۋحارەستە ەكى مەدال ەنشىلەۋدى جوسپارلاپ وتىرمىز. ەگەر باعى مەن بابى قاتار شاپسا، 94 كەلىدە رومان رۋسينوۆسكي جانە 105 كەلىدە ايبول الدابەرگەنوۆ توپ جارۋى ءتيىس. سونداي-اق وزدەرىڭىز بىلە¬سىزدەر، كەلەسى جىلى سينگاپۋردا جاستار اراسىنداعى وليمپيادا ويىندارى وتەدى. سول دوداعا ءۇش ليتسەنزيا يەلەنۋدى ماقسات ەتىپ وتىرمىز. ونىڭ ەكەۋى جىگىتتەرگە، ال تاعى ءبىر جولداما قىزدارىمىزدىڭ بىرىنە بۇيىرسا دەيمىن.
باقىت احمەتوۆتەن كەيىن ۇلتتىق قۇرامامىزدىڭ باس باپكەرى الەكسەي ني ءسوز الىپ، تالدىقورعاندا وتكەن ءدۇبىرلى دودانىڭ ناتيجەلەرىنە كەڭىرەك توقتالدى.
– ازيا چەمپيوناتىندا بىزگە شاحمات ويناعانداي تاكتيك بولۋ كەرەك بولدى. سوندىقتان كەيبىر ەكىنشى ورىن الاتىن نەمەسە جەڭىمپاز اتانۋعا مۇمكىندىگى مول سپورتشىلارىمىزدى تىزگىندەۋگە تۋرا كەلدى. ويتكەنى ءبىزدى دە اڭدىپ وتىرعان باسقا مەملەكەتتەر بار. ماسەلەن، وسى بىرىنشىلىكتە قولا جۇلدەگەر اتانعان مايا مانەزانىڭ كۇمىس مەدالدى دە جەڭىپ الۋعا مۇمكىندىگى بولعان. بىراق ونداي جاعدايدا الەم چەمپيوناتىندا مانەزانىڭ قارسى¬لاستارى وعان قارسى تىڭعىلىقتى دايىن¬دالىپ، ءارتۇرلى تاكتيكالار ويلاستىرار ەدى. مىنە، وسىنى ەسكەرگەن ءبىز كەيبىر سپورتشىلارىمىزدى جاسىرۋعا ءماجبۇر بولدىق. ەسەسىنە بۇل زىلتەمىرشىلەر كۇزدە وتەتىن الەم بىرىنشىلىگىندە ەشكىم ويلاماعان جەردەن توپ جارىپ كەتۋى عاجاپ ەمەس، – دەپ الەكسەي ني ءسوزىن قورىتىندىلاي بەرىپ ەدى، وسى كەزدە سوزگە ارالاسقان قايرات تۇرلىحانوۆ:
– الەكسەي گەنناديۇلىنىڭ ايتىپ تۇرعانى VADA دەگەن انتيدوپينگتىك ۇيىمعا دا قاتىستى. ولار ءبىزدىڭ ەلدەگى اۋىر اتلەتيكانىڭ قارىشتاپ دامىعانىن بايقاپ، ءسات سايىن ءىزىمىزدى اڭدۋمەن كەلەدى. جاتتىعۋ جيىندارىن وتكىزسەك بولدى، VADA تاراپىنان تەكسەرىس كەلە قالادى. سولارمەن-اق ارپالىسىپ وتەتىن بولدىق. كوزدەرىنە قاتتى ءتۇسىپ قالماۋ ءۇشىن كەيدە ۇلتتىق قۇرامانىڭ باس باپكەرى ايتىپ وتىرعانداي ءارتۇرلى تاكتيكالارعا دا بارۋعا تۋرا كەلەدى، – دەدى.
ءبىر ساعاتقا سوزىلعان ءباسپاسوز ءماسليحاتىندا تالدىقورعاندا وتكەن ازيا چەمپيوناتىنىڭ بارلىق شىعىنى شامامەن 135 مىڭ اقش دوللارىن قۇراعانى دا بەلگىلى بولدى.
– بايراقتى باسەكەنى جوعارى دەڭگەيدە وتكىزۋ ءۇشىن بارىمىزدى سالدىق. جان-جاقتان دەمەۋشىلەر تارتتىق. وبلىس باسشىلىعى دا ۇلكەن كومەك بەردى، – دەپ بۇل جونىندە قايرات بولاتۇلى تۇسىنىكتەمە بەرىپ ءوتتى.
ال بەيجىڭ وليمپياداسىنىڭ چەم¬پيونى يليا ءيليننىڭ بۇگىندە ءسان الەمىنە بەت بۇرعاندىعى تۋرالى ءوز ويلارىن بىلدىرگەن ماماندار «ەكى كەمەنىڭ باسىن ۇستاعان سۋعا كەتەدى» دەگەندى ايتۋمەن بولدى.
– مەن يلينمەن بۇل جايىندا كەڭىرەك وتىرىپ اڭگىمەلەستىم، – دەدى الەكسەي ني. – ول ءوز ويىن ءبىلدىردى، مەن دە اقىلىمدى ايتتىم. يليا باتىر ءبارىن ءتۇسىندى. بىراق وعان دا تۇسىنىستىكپەن قاراۋ كەرەك. البەتتە، تولاعاي باتىرىمىز – حالىقتىڭ ەركەسى، ءارى جۋرناليستەردى جاقسى كورەدى. سىزدەرگە ايتارىم، يلين 15 شىلدەگە دەيىن بوس بولادى. ال ودان كەيىن باسقا جىگىتتەر سەكىلدى ول دا قىزۋ جاتتىعۋعا كىرىسەدى. ءسويتىپ، وعان كەشكە قاراي ەكى-اق ساعات دەمالىس بەرىلەدى. دەگەنمەن بۇل جايىندا ءوز ويىمدى ايتار بولسام، يلينگە سپورتپەن قاتار، شوۋ-بيزنەستى دە الىپ ءجۇرۋ وتە قيىن بولادى. بىزگە يليا شوۋمەن رەتىندە ەمەس، سپورتشى رەتىندە كەرەك.

ازيز ءجۇمادىل
«الاش ايناسى» گازەتى 28 مامىر 2009 جىل