سەنبى, 20 تامىز 2022
بيلىك 3865 0 پىكىر 3 تامىز, 2015 ساعات 17:26

اقوردادا كەڭەس ءوتتى

مەملەكەت باسشىسى پرەمەر-مينيستر ك.ءماسىموۆتىڭ جانە پرەزيدەنت اكىمشىلىگىنىڭ باسشىسى ن. نىعماتۋليننىڭ قاتىسۋىمەن كەڭەس وتكىزدى

 

ماجىلىسكە سونداي-اق پرەمەر-ءمينيستردىڭ ءبىرىنشى ورىنباسارى ب.ساعىنتاەۆ، پرەزيدەنت اكىمشىلىگى باسشىسىنىڭ ورىنباسارى ب.مايلىباەۆ، پرەزيدەنتتىڭ كومەكشىسى ن.ونجانوۆ جانە ۇلتتىق ەكونوميكا ءمينيسترى ە.دوساەۆ قاتىستى.

ءىس-شارا بارىسىندا ەل ەكونوميكاسىنىڭ قازىرگى احۋالى جانە ونى ودان ءارى دامىتۋ شارالارى، سونداي-اق استانادا ەكسپو-2017 كورمەسىن ۇيىمداستىرۋ جانە وتكىزۋ ماسەلەلەرى تالقىلاندى.

سونىمەن قاتار، الداعى مەرەيتويلىق داتالارعا – قازاق حاندىعىنىڭ 550 جىلدىعىنا، قازاقستان رەسپۋبليكاسى كونستيتۋتسياسىنىڭ 20 جىلدىعىنا جانە باسقا دا حالىقارالىق شارالارعا بايلانىستى دايىندىق ماسەلەلەرى قارالدى.

مەملەكەت باسشىسى ماجىلىسكە قاتىسۋشىلاردىڭ نازارىن الەمدىك ەكونوميكاداعى تۇراقسىزدىقتىڭ قازاقستانعا تيگىزەتىن تەرىس ىقپالدارىنا اۋداردى.


نارىقتاعى كونيۋكتۋرانىڭ ناشارلاۋىنا، ەل بيۋدجەتىنىڭ احۋالىنا،  سونداي-اق  ءبىزدىڭ نەگىزگى ەكسپورتتىق تاۋارلارىمىزعا دەگەن باعانىڭ تومەندەۋىنە بايلانىستى جالپىعا بىردەي قاراجات ۇنەمدەۋدى ەنگىزۋ قاجەت. بۇل شارالاردى كەلەسى جىلدىڭ بيۋدجەتىندە دە ەسكەرۋ كەرەك. ەشقانداي قيىندىققا قاراماستان، ءبىز ەكونوميكا ءوسىمىنىڭ قارقىنىن تومەندەتۋگە جانە ازاماتتارىمىزدىڭ الەۋمەتتىك جاعدايىن ناشارلاتۋعا جول بەرمەۋگە ءتيىسپىز.  حالىق الدىنداعى بارلىق الەۋمەتتىك مىندەتتەمەلەردى ورىنداۋ كەرەك. ءبىز وسى ءبىر كۇردەلى كەزەڭدى ەڭسەرۋگە ءتيىسپىز، – دەدى نۇرسۇلتان نازارباەۆ.  

Akorda.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2947
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2160
ادەبيەت

ءتۇس

ەرعالي باقاش 1818
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2919