سەنبى, 20 تامىز 2022
بيلىك 3534 0 پىكىر 1 تامىز, 2015 ساعات 11:49

جەتىستىكتەر سارالاندى

تالدىقورعان قالاسىنىڭ اكىمى ەرمەك الپىسوۆتىڭ توراعالىعىمەن قالالىق اكىمدىكتىڭ القا جيىنى ءوتتى. ۇستىمىزدەگى جىلدىڭ ءبىرىنشى جارتىجىلدىعىن قورىتىندىلاپ، ءۇشىنشى توقسانداعى ماقساتتاردى پىسىقتاۋعا ارنالعان جيىن بارىسىندا شاھاردىڭ الەۋمەتتىك-ەكونوميكالىق دامۋىمەن قاتار كەمشىلىكتەر دە كورسەتىلدى. جيىن بارىسىندا قالا اكىمىنىڭ ورىنباسارى الماس ءادىل ەكونوميكانىڭ ءار سالاسىنداعى دامۋ جاعدايىنا توقتالدى. ماسەلەن، بايانداماشى وڭىرلىك يندۋستريالاندىرۋ كارتاسى بويىنشا «JLC ءسۇت» جشس، «تەمىربەتون» جشس-ءنىڭ ۇيقۇرىلىس قۇرىلىمدار تسەحى جانە «الماتى بوياۋلارى» جشس ءونىم كولەمىن بىرنەشە ەسە ارتتىرعانىنا توقتالدى. بۇدان بولەك، تالدىقورعاندا جىل باسىنان بەرى تسەنتريفۋگالىق تىرەكتەر، تاۋارلىق بەتون جانە ارنايى ەلەكترود شىعاراتىن 3 جاڭا تسەح جۇمىسىن باستاپ، 46 جاڭا جۇمىس ورنى اشىلعاندىعىن دا ءسوز ەتتى. وبلىس ورتالىعىندا اۋىلشارۋاشىلىق ءونىمىنىڭ جالپى كولەمى دە ۇلعايىپ، بۇل كورسەتكىش 2,9 ملرد. تەڭگەنى قۇراعان. سونىمەن بىرگە، شاعىن جانە ورتا كاسىپكەرلىك سالاسىندا جۇمىس ىستەيتىندەر سانى 19,6%-عا ءوسىپ، اعىمداعى جىلدىڭ 1 شىلدەسىندە 25 مىڭ ادامعا جەتكەن. «بيزنەستىڭ جول كارتاسى – 2020» باعدارلاماسى اياسىندا پايىزدىق مولشەرلەمەنى سۋبسيديالاۋ بويىنشا جالپى نەسيە سوماسى 68,6 ملن. تەڭگەگە 4 جوبا ماقۇلدانىپ، 3 جوبا بويىنشا قۇنى 56,8 ملن. تەڭگەگە كەپىلدىك بەرىلگەن. بيزنەستى مەملەكەت تاراپىنان قولداۋدىڭ جەمىسى رەتىندە 87 جۇمىس ورنى قۇرىلدى. بايانداماشى تالدىقورعانعا قارجىلاندىرۋدىڭ بارلىق كوزدەرىنەن 25,0 ملرد. تەڭگە ينۆەستيتسيا تارتىلعاندىعىن ەرەكشە اتاپ ءوتتى. ونىڭ ىشىندە، بيۋدجەتتەن تىس قاراجات 10,2 ملرد. تەڭگەگە جەتكەن. قالاداعى قۇرىلىس قارقىنى دا ەسەلەپ ارتىپ كەلەدى. اعىمداعى جىلدىڭ 6 ايىندا 36,5 مىڭ شارشى مەتر تۇرعىن ءۇي قولدانىسقا بەرىلدى.

وڭتۇستىك – باتىس تۇرعىن اۋدانىندا جاس وتباسىلارىنا ارنالعان جالپى اۋدانى 9,7 مىڭ ش.م. 128 پاتەرلىك 2 ءۇي، اۋدانى 4,4 مىڭ ش.م. 50 پاتەرلىك كوممۋنالدى ءۇي تالدىقورعاندىقتاردىڭ باسپانا ماسەلەسىنىڭ كۇرمەۋىن شەشتى. سونداي-اق، جىل سوڭىنا دەيىن تاعى بىرنەشە ءۇي قول-دانىسقا بەرىلمەك. بايانداما اياقتالىسىمەن قالا باسشىسى ەرمەك الپىسوۆ كورسەتكىشتەردىڭ كوڭىل تولتىراتىندىعىنا قاراماستان ءالى دە كوڭىل بولۋگە تۇرارلىق ماسەلەلەرگە نازار اۋداردى. ءتىپتى، كەي بولىمدەردىڭ جۇمىس قارقىنىنىڭ باياۋلىعى مەن مىندەتىن ءوز دەڭگەيىندە اتقارمايتىندىعى تۇرعىندار شاعىمىنىڭ ارتۋىنا الىپ كەلەتىندىگىن اتاپ ءوتتى. بۇل ماسەلەگە ناقتى مىسال كەلتىرگەن قالا اكىمى ارنايى جاسالعان سلايد ارقىلى قوعامدىق كولىك سالاسىنداعى فوتودەرەكتەردى العا تارتىپ، قالالىق ءىىب مەن جولاۋشى تاسىمالىن باسقارۋ ورتالىعىنىڭ جۇمىسىن سىنعا الىپ، كەمشىلىكتەردى تۇزەتۋدى تاپسىردى.

سونىمەن قاتار، قالانى كوگالداندىرۋدى ءوز موينىنا العان “كوركەم تالدىقورعان” مەكەمەسىنىڭ جۇمىسىنداعى اعاتتىقتار اشكەرەلەنىپ، قالانىڭ تۇنگى جارىقتاندىرىلۋىنا جاۋاپتى “جيگۋلي” جشس-ءنىڭ سالعىرتتىعى دا نازاردان تىس قالمادى. ينجەنەرلىك كوممۋنيكاتسيالاردى تارتۋ ماقساتىندا قارا جولدى قازىپ، ونى قالپىنا كەلتىرمەي كەتۋ دەرەكتەرى قالانىڭ كوپتەگەن اۋدانىندا تىركەلگەندىگىن اتاپ وتكەن قالا باسشىسى ءتيىستى مەكەمەلەرگە اتالعان ماسەلەنى ۋاقىت وزدىرماي رەتتەۋدى تاپسىردى. القا جيىنىن تۇيىندەگەن شاھار باسشىسى قالانىڭ كوركى، ەكونوميكالىق ءھام الەۋمەتتىك دامۋى اكىمدىكتىڭ ءار ءبولىمىنىڭ جۇمىسىنا ەتەنە بايلانىستى ەكەندىگىن تىلگە تيەك ەتىپ، بۇل ىسكە نەمقۇرايدى قاراعان لاۋازىم يەلەرىنىڭ جاۋاپكەرشىلىكتەن جالتارا المايتىندىعىن قاتاڭ ەسكەرتتى.

قالادا 1570 جۇمىس ىستەيتىن اۋىل شارۋاشىلىق، ونەركاسىپ كاسىپورىنى مەن ۇجىمدار تىركەلگەن، ولاردىڭ اراسىندا سەرىكتەس شارۋاشىلىقتار سانى — 1055, 72 اق، 82 ەگىستىك كووپەراتيۆ بار. ونەركاسىپ باعىتىنداعى ipi كاسىپورىندارعا "قاينار", "Teمip", "قازاقاككۋمۋلياتور", "تەمىربەتون", "اجار", "نان", "ورنەك", "اققۋ", "سايمان", "قالاسۇتزاۋىتى", "ميراس", ت.ب. اكتسيونەرلىك قوعامدار جاتادى. اۋىل شارۋشىلىعى باعىتىندا 95, قۇرىلىستا 96 اكتسيونەرلىك قوعامدار بار. قالادا ءار ءتۋرلى سالالارعا ماماندانعان "گامما" اق، "مەحانيكالاندىرىلعان جۇمىستار" جاق، "قۇرىلىسشى" اق، "شىمىر" جاق، "اق سۇڭقار-اي" جاق، "تالدىقورعان ەلەكتر جەلىلەرى قۇرىلىسى" اق، "اقجول" جاق، "قالالىق جول قۇرىلىسى" جاق، ت.ب. جۇمىس ىستەيدى. سونداي-اق، 64 كولىك مەكەمەسى، 406 ساۋدا جانە قوعامدىق تاماقتاندىرۋ ورىندارى بار. تالدىقورعان قالاسىنا قاراستى جەر اۋماعىنىڭ (82333 گا) اۋىل شارۋاشىلىعىنا جارامدى بولىگى 92,1%، ونىڭ ىشىندە ەگىستىگى 7527 گا، جايىلىمى 65429 گا، شابىندىعى 873 گا.

عالىمۇرات جۇكەل،

تالدىقورعان قالاسى اكىمىنىڭ ءباسپاسوز حاتشىسى.

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2947
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2159
ادەبيەت

ءتۇس

ەرعالي باقاش 1818
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2918