وڭتۇستىك قازاقستان وبلىستىق سوتىنىڭ ءباسپاسوز قىزمەتىنە سىلتەمە جاساپ: «شىمكەنتتە مەملەكەتتىك تۋمەن قوقىس شىعارعاندار سوتتالدى، - دەپ حابارلادى Tengrinews.kz.

سوت وكىلدەرىنىڭ مالىمەتىنشە، ولارعا سۋديا ايىپپۇل تۇرىندەگى جازانى كەسكەن. "شىمكەنت قالاسى ءال-فارابي اۋداندىق سوتىنىڭ 08.07.2015 جىلعى ۇكىمىمەن تالعات بيبولات پەن گاۋھار كالدىباەۆا قازاقستان رەسپۋبليكاسى قىلمىستىق كودەكسىنىڭ 372-بابىمەن كىنالى دەپ تانىلىپ، بيبولاتقا وسى باپ بويىنشا 100 ايلىق ەسەپتىك كورسەتكىش، ياعني 198 200 تەڭگە مولشەردە ايىپپۇل سالۋ جازاسى تاعايىندالعان. كالدىباەۆاعا وسى باپ بويىنشا 100 ايلىق ەسەپتىك كورسەتكىش، ياعني 198 200 تەڭگە مولشەردە ايىپپۇل سالۋ جازاسى تاعايىندالدى", - دەلىنگەن سوتتىڭ حابارلاماسىندا.

ەسكە سالساق، شىمكەنتتە كوممۋنالدىق كاسىپورىن جۇمىسشىلارى قوقىستى قازاقستاننىڭ تۋىنا سالىپ شىعارعان بولاتىن. تازالىق جۇمىستارىن كەزدەيسوق كورىپ قالعان كۋاگەرلەر بۇل جايتتى سۋرەتكە ءتۇسىرىپ العان ەدى. مەملەكەتتىك تۋ ارقىلى قوقىس شىعارعان جۇمىسشىلاردىڭ اتى-ءجونىن انىقتاپ، ولاردى ۇستاۋعا پوليتسيا قىزمەتكەرلەرىنە ءۇش ساعات قاجەت بولدى. سويتسە، ولار "بەكاسىل سەرۆيس" جشس قىزمەتكەرلەرى بولىپ شىقتى. ۇستالعانداردىڭ ىشىندە 1986 جىلعى گاۋھار قالدىباەۆا، 1974 جىلعى تالعات بيبولاتوۆ جانە قوقىس جيناۋشى كولىكتىڭ جۇرگىزۋشىسى، 1966 جىلعى مەيرامبەك سايلاۋبەكوۆ بار.

اباي-اقپارات