جۇما, 12 تامىز 2022
بيلىك 5143 0 پىكىر 1 شىلدە, 2015 ساعات 09:43

ەلىمىزدىڭ ەڭ جاس قاريى – «ازىرەت سۇلتان» مەشىتىندە


ەستەرىڭىزدە بولسا، قاسيەتتى رامازان ايىنداعى العاشقى تاراۋيح نامازى تۋرالى جاڭالىعىمىزدا «ازىرەت سۇلتان» مەشىتىنە قۇران كارىمدى حاتىم ەتۋگە ەلىمىزدىڭ ەڭ جاسى قاريى دۋلات بولاتبەكۇلى كەلگەنىن ايتقان بولاتىنبىز. ون تورتتەن ەندى اسقان بالا قاري بيىلعى جىلى الماتى قالاسىندا وتكەن رەسپۋبليكالىق قۇران سايىسىندا باي بايگەنى قانجىعاسىنا بايلاعان بولاتىن.

تاراز قالاسىنداعى №9 ورتا مەكتەپتىڭ 9-سىنىبىندا وقيتىن دۋلاتتىڭ بۇل جەڭىسى ءيسى مۇسىلماندار ءۇشىن يگى جاڭالىق بولعان ەدى. قارشاداي بالانىڭ قاسيەتتى قۇران كارىمدى تولىقتاي جاتتاپ شىعۋى ەلىمىزدەگى ءدىن دەڭگەيىنىڭ قانشالىقتى دارەجەگە كوتەرىلگەنىن كورسەتسە كەرەك. سوندىقتان دا بولار، ەلىمىزدىڭ جاس قاريى دۋلات بولاتبەكۇلىنىڭ بۇل جەڭىسى ءباسپاسوز بەتتەرىندە دە كەڭىنەن ناسيحاتتالعان ەدى.

قاسيەتتى رامازان ايىندا دۋلاتتىڭ «ازىرەت سۇلتان» مەشىتىندە قۇراندى حاتىم ەتۋگە قاتىساتىن ەستىگەن جۋرناليستەر قاۋىمى بالا قاريمەن سۇحباتتاسىپ، كەزدەسۋ ۇيىمداستىرۋدى كوپتەن بەرى سۇراپ جۇرگەن بولاتىن. بۇگىن قمدب-نىڭ ءباسپاسوز ءبولىمىنىڭ مەڭگەرۋشىسى اعابەك قوناربايۇلىنىڭ ۇيىمداستىرۋىمەن دۋلات بولاتبەكۇلى بىرقاتار تەلەارنا تىلشىلەرىنە سۇحبات بەرىپ، ءوزى جايلى اقپاراتپەن ءبولىستى.

مەكتەپكە بارماستان بۇرىن التى جاسىندا ارابشا حات تانىعان دۋلات بولاتبەكۇلى بالا جاسىنان قاري اتانۋدى مۇرات ەتكەن كورىنەدى. «اللا تاعالانىڭ ءناسىپ ەتۋىمەن قاسيەتتى قۇران كارىمدى 12 جاسىمدا تولىقتاي جاتتاپ شىقتىم. بۇل – اللانىڭ ماڭدايىما جازعان باقىتى»، – دەيدى بالا قاري.

بۇدان سوڭ جۋرناليستەر قاۋىمى «ازىرەت سۇلتان» مەشىتىنىڭ باس يمامى سەرىكباي قاجى ساتىبالدىۇلىمەن سۇحبات جۇرگىزىپ، قاسيەتتى رامازان وراي ساۋالدارىنا جاۋاپ الۋعا تىرىستى. قاسيەتتى ايدا ورىندالاتىن قۇلشىلىق تۇرلەرى مەن قايىرىمدىلىق شارالارىن جاساۋدىڭ قاجەتتىلىگى جايلى ءسوز قوزعاعان سەرىكباي يمام قۇران وقۋدىڭ ارتىقشىلىعى دا ايتىپ ءوتتى. پايعامبارىمىزدىڭ (س.ع.س.): «قۇران وقيتىن مۇسىلمان اپەلسين سياقتى، قوش ءيىستى جانە ءدامى ءتاتتى. قۇران وقىمايتىن مۇسىلمان قۇرما سياقتى. ونىڭ ءيىسى جوق، بىراق ءدامى ءتاتتى. قۇران وقيتىن مۇنافىق رايحان گۇلى سياقتى. قوش ءيىستى، بىراق ءدامى اششى. قۇران وقىمايتىن مۇنافىق حانزالا سياقتى. ءيىسى جوق جانە ءدامى اششى»، – دەگەن ءحاديسىن ايتا كەلىپ، قاسيەتتى قۇران كارىمدى وقىپ-ۇيرەنۋگە، ونىمەن امال ەتۋگە شاقىردى. 

muslim.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2060
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2010
ادەبيەت

ءتۇس

ەرعالي باقاش 1705
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2735