قازاقستاندا پرەزيدەنت كۇنى اتاپ ءوتىلدى
1 جەلتوقسان تۇڭعىش پرەزيدەنت كۇنىن اتاپ ءوتۋ استانادا مەملەكەت باسشىسىنىڭ بايراعىن كوتەرۋمەن باستالدى. تۋ كوتەرۋ ءراسىمىن مەملەكەتتىك كۇزەت قىزمەتى «ايبىن» پرەزيدەنت پولكىنىڭ ساربازدارى ورىندادى.
وسى كۇنى مەملەكەت باسشىسى نۇرسۇلتان نازارباەۆ اسكەري-تاريحي مۇراجايدا بولىپ، قازاقستان حالقىنىڭ ەجەلگى زاماننان بۇگىنگە دەيىنگى اسكەري ءداستۇرى مەن مادەنيەتىنىڭ دامۋ تاريحىن تانىستىراتىن سيرەك ءارى بىرەگەي ەكسپوناتتاردى كوردى.
سونىمەن بىرگە وسى كۇنى قازاقستان پرەزيدەنتىنىڭ قاتىسۋىمەن باس جاڭاجىلدىق شىرشانىڭ شامدارىن جاعۋ سالتاناتى وتەدى دەپ كۇتىلەدى.
ەلدە بۇل مەرەكە 2012 جىلدان بەرى تويلانا باستاعان. 1991 جىلى جەلتوقساننىڭ 1-ءى كۇنى العاشقى جالپىحالىقتىق سايلاۋدا جالعىز كانديدات نۇرسۇلتان نازارباەۆ قازاق سسر پرەزيدەنتى قىزمەتىنە قايتا سايلانعان.
اباي-اقپارات
