وقو سوتىندا قازاقستان رەسپۋبليكاسىنىڭ تۇنعىش پرەزيدەنتى كۇنىنە ارنالعان سالتاناتتى جيىن ءوتتى
وڭتۇستىك قازاقستان وبلىستىق سوتىنىڭ قازاقستان رەسپۋبليكاسىنىڭ تۇڭعىش پرەزيدەنتى كۇنىن مەرەكەلەۋگە ارنالعان ءىس-شارالار جوسپارىنا سايكەس، اعىمداعى جىلدىڭ 26 قاراشاسىندا وبلىستىق سوتتا ارداگەر سۋديالار مەن زاڭگەر عالىمدار، وبلىستىق، اۋداندىق سوتتاردىڭ سۋديالارى مەن ماماندارى، زيالى قاۋىم جانە باق وكىلدەرىنىڭ قاتىسۋىمەن «نازارباەۆ وقۋلارى: تاۋەلسىز سوت بيلىگىن قالىپتاستىرۋداعى پرەزيدەنتتىڭ ءرولى» تاقىرىبىندا سالتاناتتى ءىس-شارا وتكىزىلگەن بولاتىن. وسى جوسپاردىڭ جالعاسى رەتىندە، بۇگىن وبلىستىق سوتتىڭ ءماجىلىس زالىندا سالتاناتتى جيىن ءوتتى.
وعان وبلىستىق سوتتىڭ سۋديالارى مەن ماماندارى قاتىستى.
سالتاناتتى جيىن قازاقستان رەسپۋبليكاسىنىڭ انۇرانىمەن باستالدى.
وسىدان كەيىن جيىندى وقو سوتىنىڭ قىلمىستىق ىستەر جونىندەگى اپەللياتسيالىق سوت القاسىنىڭ توراعاسى ز.ءپىرنياز كىرىسپە سوزبەن اشىپ، قاتىسۋشىلاردى مەرەكەمەن قۇتتىقتادى.
جيىن بارىسىندا وبلىستىق سوتتىڭ سۋدياسى ن.جۇماتاەۆ پەن وقو سوتى كەڭسە باسشىسىنىڭ ورىنباسارى ن.ۋرازگاليەۆا بايانداما جاساپ، قازاقستان رەسپۋبليكاسىنىڭ تۇڭعىش پرەزيدەنتى كۇنىن مەرەكەلەۋدىڭ يدەيالىق مازمۇنى مەن قوعامدا ن.نازارباەۆتىڭ قازاقستان مەملەكەتتىلىگىن قۇرۋداعى تاريحي ءرولى توڭىرەگىندە ايتتى.
مەرەكەلىك ءىس-شارا اياسىندا وقو سوتى كەڭسەسىنىڭ باسشىسى و.لەشتاەۆ قىزمەتتىك مىندەتتەردى ۇلگىلى اتقارعان ءۇشىن بىرقاتار كەڭسە قىزمەتكەرلەرىن گراموتالارمەن ماراپاتتادى جانە مەملەكەتتىك قىزمەتكە جاڭادان تاعايىندالعان مامانداردان انت قابىلداۋ ءراسىمى ءوتتى.
جيىن سوڭىندا وقو سوتى كەڭسە باسشىسى و.لەشتاەۆ، وقو سوتىنىڭ ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنىڭ توراعاسى م.بالكەن، وتستاۆكاداعى سۋديا م.ءامىروۆ جانە وبلىستىق سوتتىڭ سۋدياسى ى.ماتىباەۆ ۇجىمدى مەرەكەمەن قۇتتىقتاپ، ءسوز سويلەدى.
