ول بۇل تۋرالى مالايزيا استاناسى كۋالا-لۋمپۋردە بۇگىن اياقتالعان وڭتۇستىك-شىعىس ازيا ەلدەرى اسسوتسياتسياسىنىڭ (اسەان) سامميتىنەن كەيىن ءباسپاسوز ءماسليحاتىندا ايتقان.

اق ءۇي باسشىسى رەسەي پرەزيدەنتى ۆلاديمير پۋتينگە قاراتا ايتقان سوزىندە سيناي تۇبەگىندە رەسەيلىك جولاۋشىلار ۇشاعىن كىم قۇلاتقانىن ونىڭ ەسىنە سالدى. ءوز سوزىندە وباما رەسەيلىك ۇشاق اپاتىنا جانە ونىڭ بورتىنداعى 224 ادامنىڭ اجالىنا «يسلام مەملەكەتى» ەكسترەميستىك توبى كىنالى ەكەنىن اتاپ ايتتى.

«پۋتين رەسەيلىك ازاماتتاردى ولتىرگەندەرمەن كۇرەسكەنى ءجون» دەگەن وباما.

31 قازاندا ەگيپەتتىڭ شارم-ەش-شەيح قالاسىنان سانكت-پەتەربۋرگكە بارا جاتقان رەسەيلىك جولاۋشىلار ۇشاعى اپاتىنان بورتتاعى 224 ادام تۇگەل قازا تاپقان. اپاتقا جاۋاپكەرشىلىكتى «يسلام مەملەكەتى» ەكسترەميستىك توبى موينىنا العان.