الماتى قالاسى مەدەۋ اۋداندىق №2 سوتىندا پسيحوتروپتىق زاتتىڭ انالوگىن وتكىزۋ ماقساتىنسىز اسا ءىرى مولشەردە زاڭسىز يەمدەنىپ، ساقتادى دەپ ايىپتالعان ۆ.-عا قاتىستى قىلمىستىق ءىس قارالدى (قر قك-ءنىڭ 296-بابىنىڭ 4-بولىگى).

تەرگەۋ بارىسىندا ۆ. تۇراتىن تۇرعىن ۇيدە سانكتسيالانعان ءتىنتۋ جۇرگىزۋ كەزىندە پسيحوتروپتىق زات – مەتكاتينوننىڭ انالوگى (3-CMC) تابىلعانى انىقتالدى.

تابىلعان زاتتىڭ جالپى سالماعى – 2,44 گرامم، بۇل اسا ءىرى مولشەرگە سايكەس كەلەدى.

2026 جىلعى 13 اقپانداعى №6465 مەديتسينالىق كۋالاندىرۋ قورىتىندىسىنا سايكەس، ۆ.-نىڭ كاننابينويدتاردى قولدانعانى انىقتالعان.

سونداي-اق سوت ۆ.-نىڭ بۇعان دەيىن كاننابينويدتاردى مەديتسينالىق ەمەس ماقساتتا قولدانعانى ءۇشىن اكىمشىلىك جاۋاپتىلىققا تارتىلعانىن، وعان 10 تاۋلىك مەرزىمگە اكىمشىلىك قاماق تۇرىندەگى اكىمشىلىك جازا تاعايىندالعانىن انىقتادى.

سوتتالۋشىنىڭ كىناسى ءتىنتۋ حاتتاماسىمەن، كۋالاردىڭ ايعاقتارىمەن، ساراپتامالاردىڭ قورىتىندىلارىمەن، زاتتاي دالەلدەمەلەرمەن جانە قىلمىستىق ءىستىڭ وزگە دە ماتەريالدارىمەن راستالادى.

اتالعان باپتىڭ سانكتسياسى ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى.

سوت ۇكىمىمەن:

سوت ۇكىمىمەن ۆ. قر قك-ءنىڭ 296-بابىنىڭ 4-بولىگى بويىنشا كىنالى دەپ تانىلىپ، وعان 6 جىل مەرزىمگە باس بوستاندىعىنان ايىرۋ جازاسى تاعايىندالدى.

قازاقستان رەسپۋبليكاسىنىڭ جاڭا كونستيتۋتسياسىنىڭ قابىلدانۋىنا بايلانىستى «راقىمشىلىق جاساۋ تۋرالى» قازاقستان رەسپۋبليكاسىنىڭ زاڭى نەگىزىندە جازا ۇشتەن ءبىر بولىككە قىسقارتىلىپ، تۇپكىلىكتى 4 جىل باس بوستاندىعىنان ايىرۋ بولىپ بەلگىلەندى.

سوت ۇكىمى زاڭدى كۇشىنە ەنگەن جوق.

Abai.kz