قالا اكىمى «شىمكەنت قالاسىنىڭ 2020 جىلعا دەيىنگى دامۋ كونتسەپتسياسى» اياسىندا العاشقى تاپسىرمالاردى جۇكتەدى، - دەپ حابارلايدى اباي پورتالى.

قالا اكىمى «شىمكەنت قالاسىنىڭ 2020 جىلعا دەيىنگى دامۋ كونتسەپتسياسى» اياسىندا العاشقى تاپسىرمالاردى جۇكتەدى. شىمكەنتتە بىرنەشە نىسان مەملەكەت مەنشىگىنە وتپەگەن. بۇل تۋرالى قالا اكىمدىگىندە وتكەن ماجىلىستە شىمكەنت قالاسىنىڭ ەكونوميكالىق جانە قارجى ءبولىمىنىڭ باسشىسى ر.مۇلكەمانوۆ بايانداماسىندا ءمالىم ەتتى. بۇدان بولەك، ءماجىلىس بارىسىندا قالانىڭ مادەني نىساندارى، دەمالىس ايماقتارى مەن قوعامدىق ورىندارىنىڭ، وزەن-كانالدارىنىڭ جاعدايى  تۋرالى دا ءسوز ەتىلدى. ءتۇرلى سالا ماماندارى قاتىسقان جينالىستا قالا باسشىسى ع.ءابدىراحىموۆ اتالعان ماسەلەلەردىڭ شەشىمىن تابۋىنا بايلانىستى ناقتى تاپسىرمالار جۇكتەدى. 

جىل باسىنان بەرى كوممۋنالدى مەنشىكتى باسقارۋ جانە نىسانداردى ءتيىمدى پايدالانۋ ماقساتىندا قالانىڭ مەنشىگىنە 2 تۇرعىن ەمەس جايلار، 1 اۆتوموبيل جولدارى، 4 اكىمشىلىك عيماراتتار، 3 كوممۋنالدىق مەملەكەتتىك مەكەمەلەر، 1 جوبالاۋ سمەتالىق قۇجاتتاما، 1 اۆتوكولىك جانە باسقا دا 32 نەگىزگى قۇرالدار قابىلدانىپتى. ال، قالانىڭ يەلىگىنەن وبلىستىڭ مەنشىگىنە 1 تۇرعىن ەمەس جاي، 2 اكىمشىلىك عيمارات، 1 كوممۋنالدىق مەملەكەتتىك مەكەمە، 1 ينفراقۇرىلىم جۇيەسى، 8 جوبالاۋ-سمەتالىق قۇجاتتاما جانە باسقا دا 88 نەگىزگى قۇرالدار وتكىزىلگەن. بيىل 145 كەلىسىم-شارت نەگىزىندە جالعا بەرىلگەن نىسانداردان تۇسكەن قارجى 35,9 ميلليون تەڭگەنى قۇراپتى. قازىرگى كەزدە تۇرعىن ءۇي، كوممۋنالدىق شارۋاشىلىق، قۇرىلىس، مادەنيەت جانە تىلدەردى دامىتۋ جانە جەر قاتىناستارى بولىمدەرى بويىنشا، بىرنەشە نىساننىڭ مەملەكەت مەنشىگىنە وتپەي تۇرعانىن قالا اكىمى سىنعا الدى.
جيىن اياسىندا ارنايى قاۋلى قابىلدانىپ، ونىڭ ورىندالۋى بويىنشا شەشىم ءبىراۋىزدان قولداۋ تاپتى.

Abai.kz