اقش مەملەكەتتىك دەپارتامەنتىنىڭ ءباسپاسوز حاتشىسى مارك تونەر قۇراما شتاتتار كۇتكەندەگىدەي سيرياداعى «ساياسي پروتسەسستەر» ناتيجەسىندە وتپەلى ۇكىمەت قۇرىلعان جاعدايدا  باشار اساد ونىڭ مۇشەسى بولا المايدى دەپ مالىمدەدى.

ونىڭ سوزىنشە، بۇل ماسەلەنى مەملەكەتتىك حاتشى دجون كەرري تەلەفون ارقىلى رەسەي جانە ساۋد ارابياسى سىرتقى ىستەر مينيسترلەرىمەن تالقىلاعان. مەملەكەتتىك دەپارتامەنت وكىلىنىڭ سوزىنشە، اسادتىڭ كەتۋىمەن جانە سيرياداعى وتپەلى اكىمشىلىكتىڭ قۇرىلۋىمەن اياقتالۋعا ءتيىستى ساياسي پروتسەسس ءالى باستالعان جوق، بىراق اقش وڭىردەگى وزگە مەملەكەتتەرمەن بىرگە رەسەي باشار اسادتى بيلىكتەن كەتۋىنە ۇگىتتەيتىن ەلدەر قاتارىنا كىرەدى دەپ ۇمىتتەنەدى.

مەملەكەتتىك دەپارتامەنتتىڭ ءباسپاسوز حاتشىسى رەسەيدىڭ اسادتىڭ جاعدايىن نىعايتقىسى كەلگەن ارەكەتىن ءونىمسىز دەپ اتادى، دەگەنمەن ماسكەۋ ەل تۇرعىندارىنىڭ از بولىگى عانا قولدايتىن، ءوز ازاماتتارىنا قارسى تەررورلىق ناۋقاندى باستاعان باسشىنى قولداۋعا تىرىسۋدىڭ ءساتسىز بولاتىنىن ۇعىنادى دەپ ۇمىتتەنەدى.

سيرياداعى سوعىس قۇرباندارىنىڭ ەسەبىن جۇرگىزەتىن ادام قۇقىعىن قورعاۋ ۇيىمدارىنىڭ مالىمەتىنشە، سيريالىق اسكەردىڭ ارەكەتىنەن قازا تاپقان بەيبىت تۇرعىنداردىڭ سانى  يشيم تەررورلىق توپتارىنىڭ قولىنان ولگەندەر سانىنان كوپ بولىپ تۇر.