تۇركيالىق جۋرناليست فەرمي كورۋ «نوكتا» جۋرنالىنا بەرگەن سۇحباتىنداعى «فەتۋللاح گۇلەننىڭ نوبەل جۇلدەسىنەن دە الدەقايدا اۋقىمدى جۇلدەگە لايىق ەكەنىنە سەنىمدىمىن» دەگەن سوزدەرى حالىق اراسىندا كەڭ تالقىلانۋدا.

«نوكتا» جۋرنالىنا سۇحبات بەرگەن كورۋ، بۇگىنگى كۇنى گۇلەننىڭ اينالاسىنا توپتاسقان ىزگى نيەتتەلەردىڭ وتە ماڭىزدى جۇمىستار اتقارىپ جاتقاندىعىن ايتتى. تۇركيانىڭ 11-پرەزيدەنتى ابدۋللاھ گۇلمەن انگليادا ستۋدەنتتىك كەزدەرىندە ءبىر ۇيدە تۇرعان دوسى فەرمي كورۋ: «رەجەپ تايىپ ەردوگان، «حالىقتىڭ قالاۋىمەن سايلانعان پرەزيدەنت باسقاشا ساياسي قاعيدادا بولۋى كەرەك (ياعني نەنى قالاسا، سونى جاسايتىن باسشى)» دەگەن ۇستانىمىن ءبىلدىرىپ، "ونى بۇگىنگە دەيىن تاني الماعانىمدى ءتۇسىندىم" دەگەن الەۋمەتتىك جەلىدەگى مالىمدەمەسى ءالى ۋاقىتقا دەيىن كوپشىلىكتىڭ نازارىندا. ءتىپتى ول ساياساتتا باۋىرلاستىقتىڭ بولمايتىنىن ايتا كەلە «گۇل مەن ەردوعان باۋىر ەمەس، ولار – جولسەرىك» دەپ باعا بەرەدى.

«نوكتا» جۋرنالىندا كورۋ ءوزىنىڭ  گۇلەنمەن بايلانىسىنا دا تۇسىنىك بەرىپ: «فەتۋللاھ گۇلەننىڭ نوبەل سىيلىعىنا لايىق ەكەنىنە سەنىمدىمىن» دەدى.  «مەن ءاۋ باستان-اق بۇل ىزگى جانداردىڭ وتە ماڭىزدى جۇمىستار اتقارىپ جاتقاندىعىنا جانە  قىزمەتتەرىنىڭ تۇركيا ءۇشىن پايدالى ەكەندىگىنە سەنگەنمىن، سەنەمىن دە. ءتىپتى، ەلىمىزدەگى جانە وزگە مەملەكەتتەردەگى ءبىلىم بەرۋ ۇدەرىستەرىن كورىپ وتىرعاننان كەيىن، ۇندىستانداعى جاساعان ىستەرى ءۇشىن موناح ايەل تەرەزاعا بەرىلگەن نوبەل سىيلىعىنىڭ فەتۋللاح گۇلەنگە دە بەرىلۋ كەرەكتىگىنە سەنە ءتۇستىم. ءوز باسىم  سول ىزگى نيەتتىلەردىڭ ء بىر مۇشەسى بولماسام دا، ولاردىڭ وسىنشاما قىرۋار ىستەرىنىڭ اياق استى بوپ، كەرىسىنشە مەملەكەتتىڭ جاۋى سەكىلدى قابىلدانۋى – التىندى قارا باقىرعا تەڭەگەنمەن بىردەي»،  – دەدى. 

ەستەرىڭىزگە سالا كەتەيىك،  فەرمي كورۋ بۇگىنگى كۇنى بيلىككە جاقىن «حابەرتۇرىك» گازەتىندە قىزمەت اتقارادى.

باۋىرجان سەرىك

Abai.kz