جۇما, 29 ناۋرىز 2024
46 - ءسوز 9529 0 پىكىر 1 قازان, 2015 ساعات 13:39

كۇيەك

كوشپەلى، جارتىلاي كوشپەلى مال شارۋاشىلىعىمەن اينالىساتىن كوپتەگەن وڭىرلەردەگى مالشىلار العاشقى قاردىڭ ىزعارىمەن كۇزەكتەن كوشىپ قىستاۋلىققا بەتتەدى. ءشوبى شۇيگىن جايلاۋدىڭ مالى قوڭلى، قويى سەمىز، قوشقارى ءوز مىندەتىن بۇلجىتپاي ورىنداۋعا ساقاداي-ساي... 
الايدا، مالشىلار ساۋلىقتاردىڭ بەيمەزگىل ساتتە "ارامزا" تولدەۋىنە جول بەرمەۋ ءۇشىن ەركەك قوزىنى ەرتە كوكتەمدە ءپىشىپ، ەڭ مىقتى قوشقاردى كۇيىتتى شاعىنان تيىپ كۇيەك تاعادى. كوپ وڭىردە قازان ايىنىڭ باسىنا كۇيەك الىنىپ، قوشقارعا ەركىندىك بەرىلەدى. قىسقاسى، بۇل ءار قازاقتىڭ بىلە جۇرۋىنە ءتيىستى قاراپايىم اقپار.
دەگەنمەن، وتكەن عاسىردىڭ سوڭعى شيرەگىندە شىعىستاعى كورشىمىز ادامداردىڭ دا پەرزەنتتى بولۋىن تەجەپ، قاتاڭ شەكتەۋ ساياساتىن جولعا قويدى، ويتپەسكە امال جوق، جەر وسپەيدى، ادام وسەدى. شىعىس ەرىكتەن تىس جاعدايدا ۇرپاق كوبەيتۋدى تەجەپ جاتقاندا، باتىس ءوز ەركىمەن بالالى بولۋدان باس تارتاتىنداردىڭ ارتۋىمەن ەرەكشەلەندى. ال وسى عاسىردىڭ باسىندا شىعىس كورشىمىز حالىق سانىن عانا ەمەس، مال باسىن دا كوبەيتپەي، شەكتى دەڭگەيدە ۇستاۋ تالابىن قويىپ، ارنايى ساياسات ءتۇزىپ اتقارىپ وتىر. دەمەك، كۇيەك تاعىلعان كۇيىتتى قوشقار جىل سايىن كوبەيە تۇسپەك. قىسقاسى، جەر شارىندا ەرىكتى ازايۋ مەن ەرىكتەن تىس كوبەيۋ ءجۇرىپ جاتىر. تاعى ءبىر قىزىعى، كەڭ بايتاق قازاقيادا مال وسىرۋگە نيەتتىلەر اناۋ ايتقانداي كوپ ەمەس بولسا، شەكارانىڭ ارعى بەتىندە وسىرەم دەيتىندەرگە جەر مەن رۇقسات جانە مۇمكىندىك جوق. قاراما-قايشىلىققا تولى دوڭگەلەنگەن دۇنيە دەگەن وسى شىعار...

جارقىن سالەنۇلى

Facebook-تەگى پاراقشاسىنان

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616