دۇيسەنبى, 25 مامىر 2020
COVID-19 قازاقستاندا. جۇقتىرعاندار — 8531. جازىلعاندار — 4400. قايتىس بولعاندار — 35
جاڭالىقتار 5941 0 پىكىر 30 قىركۇيەك, 2015 ساعات 22:43

مۇحتار مۇراسى ۇلىقتالدى

2015 جىلدىڭ 30 قىركۇيەگىندە اباي قورىق-مۇراجايىندا «مۇحتار مۇراسى - ادامزات بايلىعى» اتتى ايماقتىق ءبىلىم سايىسى ءوتتى.

ءتورتىنشى رەت ۇيىمداستىرىلىپ وتىرعان سايىستى وتكىزۋدەگى باستى ماقسات – كلاسسيك جازۋشى، عالىم مۇحتار اۋەزوۆتىڭ ءومىرى مەن شىعارماشىلىق الەمىن كەلەشەك جاس بۋىننىڭ ساناسىنا ءسىڭىرىپ، ءار قىرىن تەرەڭ بىلۋگە ىنتالاندىرۋ جانە كەڭىنەن ناسيحاتتاۋ. بايقاۋعا جاس ىزدەنۋشىلەر، كوللەدج ستۋدەنتتەرى جانە مەكتەپ وقۋشىلارى شاقىرىلدى.

بايقاۋعا قاتىسۋشىلارعا تومەندە كورسەتىلگەن تاقىرىپتار ۇسىنىلدى: 

- م.و.اۋەزوۆ ءومىربايانى;

- اباي، م.و.اۋەزوۆ شىعارمالارىنىڭ شىعۋ تاريحى;

- م.و.اۋەزوۆتىڭ قوعامداعى قىزمەتى;

- م.و.اۋەزوۆتىڭ ادەبي مۇراسى;

- م.و.اۋەزوۆتىڭ عىلىمي ەڭبەكتەرى;

- م.و.اۋەزوۆ بەينەلەۋ ونەرىندە.

بايقاۋ اباي قورىق-مۇراجايىنىڭ ديرەكتورى، ف.ع.ك.، دوتسەنت ج.اۋباكىردىڭ العى سوزىمەن اشىلدى. قالالىق مادەنيەت سارايىنىڭ ءانشىسى ج.شاريپوۆ ابايدىڭ اندەرىنەن پوپۋرري ورىنداپ، ءا.قاشاۋباەۆ اتىنداعى فيلارمونيا كۇيشىسى ر.ازاماتوۆا كۇيدەن شاشۋ شاشتى. №5 وبلىستىق دارىندى بالالارعا ارنالعان گيمنازيانىڭ 1 سىنىپ وقۋشىسى ي.ماقساتقىزى ابايدىڭ 31 قارا ءسوزىن وقىدى.

مءانەرلەپ وقۋ سايىسى بويىنشا: م.الەپاروۆا – اباي اتىنداعى دراما تەاتردىڭ جانە م.تولەباەۆ اتىنداعى مۋزىكالىق كوللەدجدىڭ ساحنا ءتىلى ءپانى مۇعالىمى، ن.ومىربەكوۆا –  اباي مۇراجايىنىڭ جەتەكشى عىلىمي قىزمەتكەرى، «اسىل قازىنا» گازەتىنىڭ جاۋاپتى رەداكتورى، گ.قۇدايبەرگەنوۆا - اباي مۇراجايىنىڭ عىلىمي قىزمەتكەرى، مۇراجايدا اشىلعان مانەرلەپ وكۋ مەكتەبىنىڭ جەتەكشىسى; اقىندار ءمۇشايراسى بويىنشا: ي.باۋىرجان - اقىن، «داريعا-اي» جاستار تەاترىنىڭ ادەبيەت ءبولىمىنىڭ مەڭگەرۋشىسى، س.مۇقاتاەۆا - اباي مۇراجايىنىڭ عىلىمي حاتشىسى; قولونەر بايقاۋى بويىنشا: س.قاسىمحانوۆ – سەمەي قالاسىنىڭ سۋرەتشىلەر وداعىنىڭ توراعاسى، ج.نۇرساتين - قر سۋرەتشىلەر وداعىنىڭ مۇشەسى، ا.باركەنوۆ - اباي مۇراجايىنىڭ باس بەزەندىرۋشى-سۋرەتشىسى ءادىل قازىلىق جاسادى.

بايقاۋعا ءۇش نوميناتسيا بويىنشا 62 ۇمىتكەر قاتىستى.

بايقاۋ ناتيجەسى بويىنشا:

ءى. مانەرلەپ وقۋدان (مۇحتار اۋەزوۆتىڭ شىعارمالارىنان ءۇزىندى)

ءى ورىندى - № 13 ورتا مەكتەپ وقۋشىسى ب.قامزانوۆا، ءىى ورىندى – № 47 مەكتەپ وقۋشىسى ا.وڭداباەۆا، ءىىى ورىندى № 38 مەكتەپتىڭ وقۋشىسى م.ومىرعاليەۆا يەلەندى.

ءىى. اقىندار ءمۇشايراسى بويىنشا (م.اۋەزوۆ شىعارمالارىنداعى ەلدى مەكەندەر مەن كەيىپكەرلەرىنە بايلانىستى شىعارمالار) ءى ورىندى - № 39 ورتا مەكتەپ وقۋشىسى م.ۇمبەتوۆا، ءىى ورىندى – م.و.اۋەزوۆ اتىنداعى پەداگوگيكالىق كوللەدج ستۋدەنتى ق.ەركىنۇلى، ءىىى ورىندى - № 47 ورتا مەكتەبىنىڭ وقۋشىسى ا.كوپەنوۆا يەلەندى.

ءىىى. قولونەر بايقاۋى بويىنشا (م.اۋەزوۆ شىعارماشىلىعى جەلىسىمەن جاسالعان قولونەر تۋىندىلارى) ءى ورىندى №39 مەكتەپ وقۋشىسى ز.تۋرسينبەكوۆا، ءىى ورىندى م.و.اۋەزوۆ اتىنداعى پەداگوگيكالىق كوللەدج ستۋدەنتى م.سەكەنوۆا، ءىىى ورىندى № 15 مەكتەپ وقۋشىسى ب.ورالبەكوۆ يەلەندى. جۇلدەلى ورىن العان قاتىسۋشالار باعالى سىيلىقتارمەن جانە العىس حاتتارمەن ماراپاتتالىپ، قالعان قاتىسۋشىلارعا سىيلىقتار بەرىلدى.

بايقاۋعا بارلىق وقۋشىلار، ستۋدەنتتەر ءجىتى دايىندىقپەن كەلگەن. وقۋشىلار مەن ستۋدەنتتەردى دايىنداعان مەكتەپ مۇعالىمدەرى مەن جەتەكشىلەرىنە العىس بىلدىرەمىز!

ر.ەلەكەنوۆا، ابايدىڭ قورىق-مۇراجايىنىڭ عىلىمي قىزمەتكەرى

اباي-اقپارات

 

 

0 پىكىر