بەيسەنبى, 29 شىلدە 2021
بيلىك 2989 0 پىكىر 24 قىركۇيەك, 2015 ساعات 02:00

تەكەلى - تىرلىگى قازانداي قايناعان قالا

مونوقالا باعدارلاماسى شەڭبەرىندە قىرۋار قارجى ءبولىنىپ، جاڭارىپ جاتقان جاڭا قالاعا اتتاندىق. تاۋ ەتەگىندەگى تاماشا تەكەلىنىڭ بۇگىنگى تىنىسىن باقىلاپ قايتتىق. كەنشىلەر قالاسىنداعى ساپارىمىزدى گرانيت وڭدەۋشىلەرمەن جولىعۋدان باستادىق. 

2006 جىلدان جۇمىسىن باستاپ، ءساتتى ىسىمەن جالعاسىن تاۋىپ، قالانى ساندەپ كەلە جاتقان «تەكەلى گرانيت» جشس-ءىن ەرەكشە اتاپ وتۋگە بولادى. ءۇش اۋىسىم بويى تىنباي جۇمىس ىستەپ مەملەكەتتىك جانە جەكەمەنشىك تاپسىرىستاردى قابىلداپ وتىرعان مەكەمەنىڭ تىنىس-تىرشىلىگىمەن تانىستىق. ديرەكتوردىڭ ورىنباسارى ۆالەري ۋسپانوۆتىڭ ايتۋىنشا، تالدىقورعان، تەكەلى قالالارىنىڭ قۇرىلىس جۇمىستارىنىڭ قارقىندى ءجۇرۋىنىڭ ارقاسىندا الدىڭعى جىلعا دا تاپسىرىستار بار كورىنەدى. ايىنا 300-دەن 600 تەكشەگە دەيىن گرانيت وڭدەيدى. گرانيتتىڭ ىدىراۋى تەك 100-120 جىلدان كەيىن باستالاتىنىن ايتپاعاندا، زاۋىت ءوز ونىمدەرىنە 25 جىل كەپىلدىك بەرەدى. شاھار تۇرعىندارىن تۇراقتى جۇمىس ورنىمەن قامتاماسىز ەتۋشى زاۋىت ءونىمى ءوزىنىڭ جوعارى ساپاسىنىڭ ارقاسىندا تۇتىنۋشىلاردىڭ وڭ باعاسىن الۋدا.

ۆالەري ميحايلوۆيچپەن بىرگە زاۆودتىڭ ىشىنە كىردىك. ءبىرىنشى اۋىسىمنىڭ جۇمىسى، قايناپ جاتقان قىزۋ تىرلىك. كۇرتىدەن اكەلىنگەن ۇلكەن تاس كەزەكتى وڭدەۋدەن ءوتىپ جاتىر. جابدىقتىڭ ءبارى جۇمىسقا قوسىلعان. بارلىعى مەحانيكالاندىرىلعان، باقىلاپ، ۋاقىتىلى اۋىستىرىپ وتىرسا بولعانى. وسى اۋىسىم بىلىكتى مامان بريگادير ۆالەريا ليۋبچەنكونىڭ باستاۋىمەن ەكەن. ءوز جۇمىسىن جانىنا جاقىن كورەتىن تاجىريبەلى مامان:

-         جانىڭدى سالىپ جۇمىس ىستەسەڭ كۇتكەن ناتيجەڭدى كورەسىڭ. مەن تاسپەن بۇرىننان جۇمىس ىستەيمىن. ءار تاستىڭ ءوزىنىڭ مىنەزى، كوڭىل-كۇيى بولادى. سونى تۇسىنە ءبىلۋ كەرەك. تاستاردى الىپ كەلگەن سايىن ءبىز بۇلاردان قانداي كەرەمەتتى جاساساق ەكەن دەپ ويلايمىن. ءبىز كەز كەلگەن تاپسىرىستى ورىنداي الامىز، – دەدى.

ءبىز ودان قالادا ورنالاسقان ءوز تۋىندىلارىڭىزدى كورگەندە قانداي اسەردە بولاسىز دەپ سۇراعان ەدىك

– ارينە، ماقتانامىن. گرانيتتىك پليتالار، بورديۋرلەر، جالپى زاۆودتىڭ باسقا دا ونىمدەرى جەتىسۋدىڭ ءسانىن كىرگىزىپ تۇرعانى كوڭىل قۋانتادى. مەن عانا ەمەس، ارىپتەستەرىم دە ماقتانادى دەپ ويلايمىن. بالام يۆاننىڭ ءوزى ساباققا بارار جولدا كورگەن بورديۋرلەردى سەن ىستەدىڭ بە دەپ سۇرايدى. كەيبىرىن مەن، كەيبىرىن ارىپتەستەرىم دەپ ايتامىن. بىلەمىن، بالام اكەسىمەن ماقتانادى، – دەپ جاۋاپ بەردى..

 ناعىز ەرلەردىڭ ءىسىن اتقارىپ، جۇرگەن پاۆەل چەرباكوۆ، ۆيتالي پوتانوۆ، نيكولاي شكالدىكوۆ. بىلىكتى مامانداردىڭ ءادىس-ءتاسىلىن ۇيرەنىپ جۇرگەن جاس فرەزەر ساكەن ءابدىلدينوۆ تە جاۋاپتى مامان (سۋرەتتە). بۇل اۋىسىمدا توعىز ادام جۇمىس ىستەيدى. ەڭ باستىسى، ساپانىڭ جوعارى بولۋى. تاپسىرىستار ەشقاشاندا تاۋسىلعان ەمەس. جۇمىسىنا قاراي سىياقى دا بەرىلەدى ەكەن. جالاقىلارى دا ۋاقىتىلى، ءالى كوڭىل قۋانتارلىق. زاۆودتا جۇمىسشىلاردىڭ جاعدايى جان-جاقتى قاراستىرىلعان. مىسالعا، اسحانا، جۋىناتىن بولمە، كيىم اۋىستىراتىن بولمە بار. قازىر 40-تان استام ەڭبەككەر مەكەمە جۇمىسىن جانداندىرۋدا. بولاشاقتا زاۋىتتى كەڭەيتىپ، جۇمىسكەرلەردى قابىلداپ، تاپسىرىستاردى مولايتۋ جوسپاردا كورىنەدى.

قازىرگى تاڭداعى ەكونوميكالىق قيىندىقتارعا قاراماستان ورتا جانە شاعىن بيزنەس وكىلدەرى ءوز جۇمىسىن جالعاستىرۋدا. ايانباي ەڭبەك ەتىپ، مەملەكەتتىك قازىنانى تولتىرۋعا ۇلەس قوسىپ ءجۇر. سولاردىڭ ءبىرى اشىلعانىنا كوپ ۋاقىت بولا قويماعان، سوعان قاراماستان ءوز اياسىن كەڭەيتىپ، ساتىپ الۋشىلار سانىن كوبەيتىپ كەلە جاتقان «سولنىشكو» دۇكەنى. تەكەلى تۇرعىندارى ءتاتتى تاعامدار شىعاراتىن «سولنىشكو» ونىمدەرىنىڭ ءدامىن تاتىپ، ءتانتى بولعان.

 نان پىسىرەتىن شاعىن تسەح پەن دۇكەن ءبىر عيماراتتىڭ ىشىندە. تۇتىنۋشىلار پەشتەن جاڭا شىققان ىستىق ءونىمدى، ءتاتتى توقاشتاردى دۇكەننەن بىردەن الىپ كەتەتىن كورىنەدى.

ء بىرىنشى بولمەدە باۋىرساق دايىندالۋدا، كەلەسىسىندە ءتاتتى توقاشتار. ءبىر ەرەكشەلىگى، تۇشپارانى دا وزدەرى دايىندايدى. توقاش پىسىرەتىن مامانداردىڭ جۇمىس ورنى دا مۇنتازداي. وسىنىڭ ءبارىن ءبىر جەرگە توپتاستىرىپ، اقىل تاپقان مەكەمە باسشىسى ناتاليا كرۋپنوۆا. زامانعا ساي تىرشىلىك ەتىپ، تىنىم كورمەي ارى-بەرى شاپقىلاپ جۇرگەن كاسىپكەردىڭ كەز-كەلگەن ىسكە دەگەن شەبەرلىگى بايقالىپ-اق تۇر. العاشىندا «جول كارتاسى – 2020» باعدارلاماسى ارقىلى كومەك العان ەكەن. «قازىر دە قۇجاتتار دايىن، مەملەكەت تاراپىنان تاعى ءبىر نەسيەنى كۇتۋدەمىز» – دەيدى بىلىكتى باسشى.

بۇيىرتسا، ءبارى جونىمەن بولسا، ءونىم ساپاسىن ارتتىراتىن جاڭا پەشتەر الساق دەيمىز. بۇل ەلەكتر جۇيەسىن ۇنەمدەۋگە كومەكتەسەدى، سونىمەن قاتار كوپ ۋاقىت تا المايدى. قازىر بۇل تەحنيكا كورشى رەسەيدە قولدانىلادى. سونى ءبىز دە بايقاپ كورسەك دەيمىز، – دەيدى ول.

 جۇمىستىڭ قىزىعى مەن قيىندىعى دا قاتار جۇرەتىنىن جاسىرمادى. باعامنىڭ كۇرت ءوسۋى بۇل مەكەمەنى دە اينالىپ وتپەپتى. بىرنەشە كۇن تىپتەن ساۋدا بولماعان ەكەن. ناتاليا كرۋپنوۆا ساۋدا كوكجيەگىن كەڭەيتسەم دەيدى. تەك قانا تەكەلى ەمەس، تالدىقورعان تۇرعىندارىنا دا ءوز ونىمدەرىنىڭ ءدامىن تاتتىرسام دەگەن جوسپارى بار.

 قازىر ء«دامدى» دۇكەندە 15 ادام جۇمىس ىستەيدى. جۇمىسشىلاردىڭ جالاقىسى ىستەگەن ىسىنە بايلانىستى بەرىلەدى. ەرەكشە ايتىپ وتەرلىگى، نان پىسىرەتىن ورتادا كەرەمەت سىيلاستىقپەن، كوتەرىڭكى كوڭىل كۇيمەن ۇلكەن جۇرەكتى، ادال ادامدار جۇمىس ىستەيدى.

 قۇرالبەك ءسابيتوۆ

Abai.kz

0 پىكىر