ارال اۋدانى سەكسەۋىل كەنتىندە ءبىر كۇندە ەمحانا مەن كلۋب اشىلىپ، تۇرعىندار قۋانىشقا بولەنىپ جا­تىر. سەكسەۋىل كەنتى – توعىز جول­دىڭ تورابىنداعى ەلدى مەكەن. وب­لىستاعى تىرەكتى ەلدى مەكەننىڭ ءبىرى رەتىندە وتكەن جىلى 405 ميلليون تەڭگە قارجى ءبولىنىپ، 2 مەكتەپ، 1 بالاباقشا جوندەۋدەن ءوتتى، ۇزىن­دىعى 8 شاقىرىم بولاتىن 7 كوشە اسفالتتالعان ەدى.

ەلباسى نۇرسۇلتان نازارباەۆتىڭ قولداۋىمەن ەلىمىزدە جالپى ۇزىن­دىعى 988 شاقىرىمدى قۇرايتىن عاسىر جوباسى «بەينەۋ – جەزقازعان» تە­مىرجولىنىڭ قۇرىلىسى باستالىپ، بىلتىرعى جىلى پايدالانۋعا بە­رىل­دى. سەكسەۋىل كەنتى ارقىلى وتەتىن «بەي­نەۋ – جەزقازعان» جول بويىندا 5 بەكەت 1 ستانسا جانە 2 پاتەرلى 38 تۇر­عىن ءۇي قۇرىلىستارى جۇرگىزىلۋدە. وسى جوبا اياسىندا سەكسەۋىل كەنتىنىڭ 200-گە جۋىق تۇرعىنى جۇمىسپەن قام­تىلدى. 10 مىڭنان استام حالقى بار كەنت تۇرعىندارىنا ارنالعان جاڭا ەمحانا زاماناۋي تالاپقا ساي. اۋى­سىمىنا 100 كەلۋشىگە ارنالعان ەمحا­نانىڭ قۇرىلىسىنا 248 ميلليون تەڭگە قارجى جۇمسالعان.

– حالقىمىز قاشاننان ء«بىرىنشى بايلىق – دەنساۋلىق» دەپ دەننىڭ ساۋ­لىعىن دۇنيەدەگى بايلىق اتاۋلىنىڭ بارلىعىنان جوعارى قويعانى بەل­گىلى. دەنى ساۋ ۇلت قانا باسەكەگە قا­بى­لەتتى 30 ەلدىڭ قاتارىنا كىرۋدى ماقسات ەتكەن «ماڭگىلىك ەلىمىزدى» دا­مى­تۋعا قابىلەتتى بولا الادى. قۋا­نىش­تارىڭىز قۇتتى بولسىن – دەدى ەمحانانىڭ اشىلۋىنا قاتىسقان وبلىس اكىمى قىرىمبەك كوشەرباەۆ.

«سالاماتتى قازاقستان» مەم­لە­كەتتىك باعدارلاماسى اياسىندا وبلىستا دەنساۋلىق ساقتاۋ سالاسى جىلدان-جىلعا جاقسارا ءتۇستى. ارنايى «جول كارتاسى» قابىلدانىپ، ماتەريالدىق-تەحنيكالىق بازاسى نىعايتىلىپ، وبلىس تۇرعىندارىنىڭ دەنساۋلىق كورسەتكىشتەرى ەداۋىر جاقساردى. سوڭعى 2 جىلدا ايماقتا 35 مەديتسينالىق نىسان پايدالانۋعا بەرىلسە، ونىڭ ىشىندە كوپتەن قۇرىلىسى بىتپەي كەلە جاتقان جالپى قۇنى 4,8 ميلليارد تەڭگەنى قۇرايتىن 200 توسەكتىك «انا مەن بالا» پەريناتالدى ورتالىعى ىسكە قوسىلدى. قىزىلوردا قالاسىندا 200 توسەكتىك كوپسالالى بالالار اۋرۋحاناسىنىڭ قۇرىلىسى جۇرگىزىلۋدە. 2013-2014 جىلدارى شيەلى، قارماقشى، سىرداريا اۋداندارىندا جالپى قۇنى 4,4 ميلليارد تەڭگەنى قۇرايتىن اۋىسىمىنا 250 كەلۋشىگە ارنالعان ەمحانالار سالىندى. ال ارال اۋدانىنىڭ ارالقۇم، قاراقۇم، قامىستىباس ەلدى مەكەندەرىندە جاڭا دارىگەرلىك امبۋ­لا­توريالار پايدالانۋعا بەرىلدى. بيىل تاعى 3 جاڭا دەنساۋلىق ساقتاۋ عي­ما­راتى حالىق يگىلىگىنە بەرىلگەلى وتىر.

وسىنداي جوسپارلى تۇردە جاسالعان جۇمىستاردىڭ ناتيجەسىندە وبلىستا حالىقتىڭ ءومىر ءسۇرۋ جاسىنىڭ ۇزاقتىعى سوڭعى ءۇش جىلمەن سالىستىرعاندا 69,5-تەن 71,6 جاسقا ءوستى.

مادەنيەت سالاسى دا مۇنداي كورسەتكىشتەردەن قۇرالاقان ەمەس.

«سالاماتتى قازاقستان» مەم­لە­كەتتىك باعدارلاماسى اياسىندا وبلىستا دەنساۋلىق ساقتاۋ سالاسى جىلدان-جىلعا جاقسارا ءتۇستى. ارنايى «جول كارتاسى» قابىلدانىپ، ماتەريالدىق-تەحنيكالىق بازاسى نىعايتىلىپ، وبلىس تۇرعىندارىنىڭ دەنساۋلىق كورسەتكىشتەرى ەداۋىر جاقساردى. سوڭعى 2 جىلدا ايماقتا 35 مەديتسينالىق نىسان پايدالانۋعا بەرىلسە، ونىڭ ىشىندە كوپتەن قۇرىلىسى بىتپەي كەلە جاتقان جالپى قۇنى 4,8 ميلليارد تەڭگەنى قۇرايتىن 200 توسەكتىك «انا مەن بالا» پەريناتالدى ورتالىعى ىسكە قوسىلدى. قىزىلوردا قالاسىندا 200 توسەكتىك كوپسالالى بالالار اۋرۋحاناسىنىڭ قۇرىلىسى جۇرگىزىلۋدە. 2013-2014 جىلدارى شيەلى، قارماقشى، سىرداريا اۋداندارىندا جالپى قۇنى 4,4 ميلليارد تەڭگەنى قۇرايتىن اۋىسىمىنا 250 كەلۋشىگە ارنالعان ەمحانالار سالىندى. ال ارال اۋدانىنىڭ ارالقۇم، قاراقۇم، قامىستىباس ەلدى مەكەندەرىندە جاڭا دارىگەرلىك امبۋ­لا­توريالار پايدالانۋعا بەرىلدى. بيىل تاعى 3 جاڭا دەنساۋلىق ساقتاۋ عي­ما­راتى حالىق يگىلىگىنە بەرىلگەلى وتىر.

وسىنداي جوسپارلى تۇردە جاسالعان جۇمىستاردىڭ ناتيجەسىندە وبلىستا حالىقتىڭ ءومىر ءسۇرۋ جاسىنىڭ ۇزاقتىعى سوڭعى ءۇش جىلمەن سالىستىرعاندا 69,5-تەن 71,6 جاسقا ءوستى.

مادەنيەت سالاسى دا مۇنداي كورسەتكىشتەردەن قۇرالاقان ەمەس.

سوڭعى ءۇش جىلدىڭ كولەمىندە وبلىستا 19 اۋىلدىق كلۋب پەن 2 مۋزەي پايدالانۋعا بەرىلدى. سونداي جاڭا كلۋبتىڭ ءبىرى سەكسەۋىل كەنتىندە اشىلدى.

«مۇنداي مادەنيەت ورداسىنىڭ اشىلۋى اۋىلدىڭ اجارىن كىرگىزىپ، ونەرگە سەرپىلىس بەرەدى دەپ بىلەمىن. ەندى اۋىل ازاماتتارىنىڭ رۋحاني دەمالىپ، مادەني شارالار ۇيىمداستىرۋىنا بارلىق جاعداي جاسالىپ وتىر. تەك سونى ءتيىمدى پايدالانىپ، رۋحاني قۇندىلىقتارىمىزدى ارتتىرۋعا اتسالىسۋلارىڭىز قاجەت. زاماناۋي ۇلگىدەگى جاڭا كلۋبى بار اۋىلدان سىر ەلىنىڭ مەرەي-مارتەبەسىن اسقاقتاتار تالاي تالانتتى ۇل-قىزداردىڭ ءوسىپ-جەتىلەرىنە سەنىمىم مول» دەگەن قىرىمبەك ەلەۋۇلى جاڭا كلۋبتىڭ جۇمىسىمەن تانىستى.

جالپى، بۇل اۋىلدا ونەرلى ورەن­دەر كوپ. ماسەلەن، نۇربولات سەيىت­قاليۇلى جاقىندا تۇركيادا وتكەن حا­لىقارالىق بايقاۋدا ءى ورىندى يەلەن­دى. ەندى جاڭا كلۋبتا ءتالىم الاتىن جەر­گىلىكتى ونەرپازدار بۇدان دا جوعا­رى بەلەستەردى باعىندىراتىنى ءسوزسىز.

ايتا كەتەيىك، وسى جىلدىڭ ماۋسىم ايىندا قامىستىباس ەلدى مەكەنىندە 150 ورىندىق جاڭا مادەنيەت ءۇيى ەل يگىلىگىنە بەرىلسە، وتكەن جىلى اۋداننىڭ مادەنيەت مەكەمەلەرى وبلىس بيۋدجەتىنەن بولىنگەن 94 ميلليون تەڭگەگە زاماناۋي ۇلگىدەگى ساندىق جۇيەدەگى لەد-ەكران، مۋزىكالىق اسپاپتار ساحنالىق كيىمدەر، دىبىس جانە جارىق قوندىرعىلارىمەن قامتاماسىز ەتىلدى. جىل اياعىنا دەيىن وبلىستا تاعى 3 اۋىلدىق كلۋبتىڭ قۇرىلىسى اياقتالادى دەپ جوسپارلانىپ وتىر.

ەرجان بايتىلەس،

قىزىلوردا وبلىسى،

ارال اۋدانى،

سەكسەۋىل كەنتى.

Abai.kz