كەشە قۇدىرەتتى كۇي ونەرىنىڭ حاس شەبەرى قارشىعا احمەديارۇلى ومىردەن وزدى دەگەن سۋىت حاباردى قۇلاعىمىز شالدى. قازاق رۋحانياتى قارا جامىلدى. اتىراۋ وبلىسىنىڭ، ماحامبەت اۋدانىنا ساپارلاي كەلگەن كۇيشىنىڭ الىپ جۇرەگى وسىلايشا تۋعان ولكەسىندە تىنىم تاپتى. بىلۋىمىزشە، قارشىعا اعامىز ولجاس سۇلەيمەنوۆپەن بىرگە بيىل كۇزدە كورەرمەنگە جول تارتاتىن «ماحامبەت» ءفيلمىنىڭ شارۋاسىمەن كەلگەن. قازاقستاننىڭ حالىق ءارتىسى، پروفەسسور، كۇيشى ءھام سازگەر 1965 جىلى قۇرمانعازى اتىنداعى مەملەكەتتىك كونسەرۆاتورياعا وقۋعا تۇسەدى. سول جىلى-اق، ايگىلى قۇرمانعازى اتىنداعى حالىق اسپاپتار وركەسترىنە شاقىرىلىپ، ەڭبەك جولىن باستاپ كەتتى. دەگەنمەن، قارشىعا جەكە ورىنداۋشى رەتىندە شىنايى شەبەر ەكەنىن تانىتا ءبىلدى. قۇرمانعازى، دينا، قازانعاپ، داۋلەتكەرەي، ابىل، تاتتىمبەتتەر داستۇرىندە وزىندىك كۇي مەكتەبىن قالىپتاستىردى. «اسەم قوڭىر»، «سارىارقا»، «جىگەر» ءتارىزدى الدەنەشە كۇي جيناقتارىنىڭ اۆتورى الماتىنىڭ ورتالىق ستاديونىنا 2 مىڭ دومبىراشىنى جيناپ، قۇرمانعازىنىڭ «سارىارقاسى» مەن تاتتىمبەتتىڭ «سارىجايلاۋىن» ويناتۋدى ارمانداپ ءجۇر ەدى. «اتتەگەن-اي» دەگەنمەن، ىرگەمىزدەگى قىتاي قازاقتارى بۇل مەجەنى اسىرىپ، ون مىڭ دومبىراشىمەن گيننەستىڭ رەكوردتار كىتابىنا كىردى. جانىڭىز ءجانناتتا بولسىن، اعاسى! قالىڭ قازاعىڭىز باردا قارشىعا ەسىمى ماڭگىلىك جاسايتىن بولادى.

Abai.kz اقپاراتتىق پورتالىنىڭ ۇجىمى

كەشە قۇدىرەتتى كۇي ونەرىنىڭ حاس شەبەرى قارشىعا احمەديارۇلى ومىردەن وزدى دەگەن سۋىت حاباردى قۇلاعىمىز شالدى. قازاق رۋحانياتى قارا جامىلدى. اتىراۋ وبلىسىنىڭ، ماحامبەت اۋدانىنا ساپارلاي كەلگەن كۇيشىنىڭ الىپ جۇرەگى وسىلايشا تۋعان ولكەسىندە تىنىم تاپتى. بىلۋىمىزشە، قارشىعا اعامىز ولجاس سۇلەيمەنوۆپەن بىرگە بيىل كۇزدە كورەرمەنگە جول تارتاتىن «ماحامبەت» ءفيلمىنىڭ شارۋاسىمەن كەلگەن. قازاقستاننىڭ حالىق ءارتىسى، پروفەسسور، كۇيشى ءھام سازگەر 1965 جىلى قۇرمانعازى اتىنداعى مەملەكەتتىك كونسەرۆاتورياعا وقۋعا تۇسەدى. سول جىلى-اق، ايگىلى قۇرمانعازى اتىنداعى حالىق اسپاپتار وركەسترىنە شاقىرىلىپ، ەڭبەك جولىن باستاپ كەتتى. دەگەنمەن، قارشىعا جەكە ورىنداۋشى رەتىندە شىنايى شەبەر ەكەنىن تانىتا ءبىلدى. قۇرمانعازى، دينا، قازانعاپ، داۋلەتكەرەي، ابىل، تاتتىمبەتتەر داستۇرىندە وزىندىك كۇي مەكتەبىن قالىپتاستىردى. «اسەم قوڭىر»، «سارىارقا»، «جىگەر» ءتارىزدى الدەنەشە كۇي جيناقتارىنىڭ اۆتورى الماتىنىڭ ورتالىق ستاديونىنا 2 مىڭ دومبىراشىنى جيناپ، قۇرمانعازىنىڭ «سارىارقاسى» مەن تاتتىمبەتتىڭ «سارىجايلاۋىن» ويناتۋدى ارمانداپ ءجۇر ەدى. «اتتەگەن-اي» دەگەنمەن، ىرگەمىزدەگى قىتاي قازاقتارى بۇل مەجەنى اسىرىپ، ون مىڭ دومبىراشىمەن گيننەستىڭ رەكوردتار كىتابىنا كىردى. جانىڭىز ءجانناتتا بولسىن، اعاسى! قالىڭ قازاعىڭىز باردا قارشىعا ەسىمى ماڭگىلىك جاسايتىن بولادى.

Abai.kz اقپاراتتىق پورتالىنىڭ ۇجىمى