جاقىندا اقتوبە وبلىسىنىڭ اكىمى بەردىبەك ماشبەكۇلى ساپارباەۆ وبلىس اۋماعىنا قاراستى مۇعالجار اۋدانى اكىمىنىڭ ۇيىندەگى ەلەكتر جارىعىن قيىپ تاستاۋ تۋرالى تاپسىرما بەرگەن.  بۇل تۋرالى «اباي-اقپارات» «قازتاگ» مالىمەتتەرىنە  سىلتەمە جاساي وتىرىپ حابارلايدى.

اقتوبە وبلىسىنا قاراستى مۇعالجار اۋدانى اكىمى سەرىك شاڭعۇتوۆ جاقىندا وبلىس باسشىسى بەردىبەك ماشبەكۇلىنىڭ الدىندا ەسەپ بەردى. دالىرەك ايتساق، حالىققا ەسەپ بەرۋ جيىنىنا وبلىس باسشىسىنىڭ ءوزى كەلىپ قاتىستى.  اۋدان حالقىنىڭ ءحال-جايىمەن  جاقسى تانىسقان وبلىس باسشىسى سۇلۋ سوزبەن، قۇرعاق تسيفرلارعا تۇزىلگەن اۋدان اكىمىنىڭ بايانداماسىنا كوڭىلى تولماعانىن اشىق جەتكىزدى.

«اۋداندى ەلەكتر جارىعىمەن قامتاماسىز ەتۋگە ءتيىستى «ەنەرگوسيستەما جشس» جارىق پەن ەلەكتر جەلىلەرىن تارتۋ ءۇشىن 35 كيللومەترگە قاراجات سۇراپ وتىر. سىزدەر (اكىم جانە ورىنباسارى)  ەكەۋىڭىز وسى ماسەلەنى شەشە الماي وتىرسىزدار ما سوندا؟ مۇعالجارعا قاراستى قايىڭدى اۋلىنىڭ تۇرعىندارى 10 جىل بويى جارىقسىز وتىر. ال ءسىزدىڭ ۇيدە، اكىم مىرزا جارىق بار ەكەن. سوندا وزگەلەردىڭ جاعدايى ءسىزدىڭ باسىڭىزدى اۋىرتپاي ما؟»، - دەدى بەردىبەك ماشبەكۇلى.

وسى وقيعادان كەيىن بەردىبەك ساپارباەۆ اۋدان اكىمىنىڭ ۇيىندەگى ەلەكتر جارىعىن قيىپ تاستاۋدى جانە 10 جىلدان بەرى جارىقسىز وتىرعان قايىڭدى اۋىلىنا ەلەكتر جارىعى تارتىلعان كۇنى عانا اكىمنىڭ ۇيىنە جارىق بەرۋدى تاپسىرعان.

«مۇندا اۋداننىڭ ەلەكتر جارىعىنا جاۋاپتى ادام بار ما؟ ءدال بۇگىنگى كۇننەن باستاپ اكىم شاڭعۇتوۆ پەن ونىڭ ورىنباسارىنىڭ ۇيىنە ەلەكتر جارىعى بەرىلمەسىن. بۇل اۋىلدا 800-گە جۋىق وتباسى بار. ولار جيىرما ءبىرىنشى عاسىردا جارىقسىز، قاراڭعىدا وتىر. اكىم قايىڭدىنىڭ قيىندىعىن شەشكەندە عانا ونىڭ ۇيىنە جارىق بەرەمىز. قايىڭدىنىڭ جاعدايىن ءوز باسىنان وتكىزگەندە عانا اكىم مىرزا حالىقتىڭ جاعدايىن تۇسىنەر»، - دەدى وبلىس باسشىسى. مۇعالجار اۋدانىنىڭ اكىمى سەرىك شاڭعۇتوۆ بەردىبەك ماشبەكۇلىنىڭ بۇيرىعىن ماقۇلداماسقا شارا قالمادى.

ايتا كەتەيىك، ءدال وسى ساپارباەۆ مىرزا شاڭىن قاققان شاڭعۇتوۆ تىزگىنىن ۇستاپ وتىرعان مۇعالجار اۋدانىندا 4300 ادام جەر كەزەگىندە تۇر ەكەن.  سونىمەن قاتار، اقتوبە وبلىسىنداعى جۇمىسسىزدار سانى قىسقارماي وتىرعان اۋدان دا شاڭعۇتوۆتىڭ قاراماعىنداعى اۋدان ەكەن. شارۋالارى شاش-ەتەكتەن ءام  شەشىمى كەزەك كۇتتىرمەيتىن شاڭعۇتوۆتىڭ ەلى ساپارباەۆتىڭ شۇيلىككەن جالعىز اۋدانى ەمەس-ءتىن.

وبلىس باسشىسنىڭ سوگىسىنەن كەيىن، ء«دىرىل-ءدىرىل، ءدىرىلىپ» تۇرىپ ءسوز العان شاڭعۇتوۆ وڭىردەگى وزگە دە اتقارىلعان شارشالاردى ايتپاق بولعان-تىن.

«مەن نەگىزىنەن گاز، سۋ، جىلۋعا كوڭىل ءبولىپ، جول سəل كەشەۋىلدەپ قالدى. قاندىاعاشتا 32 كوشە بار.  ونىڭ 11-نە اسفالت توسەلدى»، - دەدى شاڭعۇتوۆ.

ال اۋدان اكىمىنىڭ بۇل سوزىنە بەردىبەك ماشبەكۇلى ساپارباەۆتىڭ ءوز ءۋاجى بار ەكەن.

«11 جىل əكىم بولىپ، 11 كوشەگە جول توسەپسىڭ. Əر جىلعا ءبىر جول. قالعان كوشەنى جوندەۋىڭ ءۇشىن ساعان 30 جىل كەرەك پە؟»، - دەگەن ساپارباەۆ ساۋالىنان شاڭعۇتوۆ ءۇنسىز قۇتىلدى.

ءتۇيىن

شەنەۋنىكتەردىڭ ءوز مىندەتتەرىن دۇرىس اتقارماۋىنا جانە كاسىبيلىگى جەتىسپەۋىنە حالىقتىڭ باقىلاۋىنىڭ كەمشىندىگى مەن قوعامنىڭ بەلسەندى بولماۋى سەبەپكەر. «وسىنداي سىني پىكىرلەرگە باسشىلىق كوز جۇما قارايتىن بولسا، ولارعا دەگەن تەرىس پيعىل ودان سايىن كۇشەيە تۇسەتىنى راس. قازاقستاندا اۋدان اكىمىن وبلىس اكىمى تاعايىندايدى. اتقارۋشى ورگان مىندەتىن اتقاراتىن اۋدان اكىمى ول اۋماقتىڭ مۇددەسى مەن دامۋ قاجەتتىلىگىن ەسكەرە وتىرىپ، جالپى مەملەكەتتىك ساياسات جۇرگىزۋى ءتيىس.

ەندەشە، ساپارباەۆ ءوزى تاعايىنداعان كادرلاردىڭ جۇمىس جۇرگىزۋدەگى جايباسارلىعىنا سونشا نەگە شۇيلىكتى؟ وبلىس باسشىسىنىڭ قاھارىنا ىلىككەن شاڭعۇتوۆ ەندى جارىقسىز وتىرادى دەسەك تە،  ساپارباەۆتىڭ بۇل تاكتيكاسى قايىڭدى قيىندىعىن شەشىپ بەرە مە؟ الدە 11 جىل بويى اكىم تاعىنان تۇسپەي كەلە جاتقان شاڭعۇتوۆقا وڭىرگە بىلتىر عانا باسشى بولىپ تاعايىندالعان ساپارباەۆتىڭ سوگىسى تۇككە تۇرماي ما؟ ناتيجەسىن  ۋاقىت كورسەتەر. ازىرگە وبلىس باسشىسىنىڭ پارمەنىمەن، اۋدان اكىمىنىڭ ۇيىنەن جارىق قيىلدى.

نۇرگەلدى ابدىعانيۇلى

Abai.kz