جۇما, 29 ناۋرىز 2024
جاڭالىقتار 4059 0 پىكىر 5 قاڭتار, 2016 ساعات 10:36

رەسەيدە 9 ادام كسەنوفوبيا قۇربانى بولدى

2015 جىلى رەسەيدە 9 ادام كسەنوفوبيا مەن ۇلتشىلدىقتىڭ اسقىن تۇرىنەن بولعان شابۋىلدىڭ قۇربانى بولعان، كەم دەگەندە 68 ادام جاراقات العان. بۇل تۋرالى «سوۆا» قۇقىق قورعاۋ ورتالىعىنا سىلتەمە جاساي وتىرىپ "ينتەرفاكس" اگەنتتىگى حابارلادى. قۇقىق قورعاۋشىلاردىڭ رەسەيدىڭ 17 ايماعىندا وتكىزگەن زەرتتەۋ قورىتىندىسى بويىنشا كسەنوفوبيا مەن ۇلتتىق توزبەۋشىلىكتەن تۋىندايتىن زورلىق-زومبىلىق جاعىنان ءبىرىنشى ورىندا ماسكەۋ تۇر (3 ادام قازا تاپقان، 26-سى جاراقات العان), ەكىنشى ورىندا – سانكت-پەتەربۋرگ (3 ادام قازا تاپقان، 14-ءى جارالانعان). مۇنداي قىلمىس ءتۇرى ماسكەۋ، سامارا جانە نوۆوسيبير وبلىستارىندا دا ءورشىپ تۇر. كوبىنەسە ورتالىق ازيا مەن كاۆكاز ءوڭىرىنىڭ تۋمالارى وسىنداي شابۋىلعا ۇشىرايدى. «سوۆا» اقپاراتتىق-ساراپتامالىق ورتالىعى رەسەيدەگى ءدىني توزىمسىزدىك، كسەنوفوبيا جانە ۇلتشىلدىق ماسەلەلەرىن زەرتتەۋمەن اينالىسادى.

نۇرگەلدى ابدىعانيۇلى

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610