سودىرلار تۇتقىنداردى تۇركياعا يم قوزعالىسى تۋرالى بەينەجازبالار جانە فوتوسۋرەتتەر بەرگەن دەپ ايىپتايدى. ۆيدەوداعى كەلەسى كورىنىستە ۇستىلەرىنە قىزعىلت-سارى كومبينەزون كيگەن الگى تۇتقىنداردىڭ بەتپەردە كيگەن سودىرلار الدىندا تىزەرلەپ وتىرعان ءساتى بەينەلەنگەن. سودىرلاردىڭ ءبىرى بۇل «يم كۇش-قۋاتىنا قارسى شىققان بولماشى جەتەكشى» دەۆيد كەمەرونعا (بريتان پرەمەرى) جولداۋ دەپ مالىمدەيدى.

ەكسترەميستەر سايتتارىنا مونيتورينگ جۇرگىزەتىن SITE توبىنىڭ اقپاراتى بويىنشا، ۆيدەوداعى تۇتقىندار – يم توبى حاليفات استاناسى دەپ جاريالاعان سيرياداعى راككا قالاسىندا قولعا تۇسكەندەر. ولاردىڭ اتى-جوندەرى ازىرشە بەلگىسىز.

ۇلىبريتانيا سىرتقى ىستەر مينيسترلىگى يم ۆيدەوسى جايلى حاباردار ەكەنىن جانە قازىر ونى زەرتتەپ جاتقانىن مالىمدەدى.

يراكتاعى ەكسترەميستەرگە قارسى حالىقارالىق كواليتسيا قۇرامىندا اۋە وپەراتسيالارىنا قاتىسىپ جاتقان بريتان اسكەري ۇشاقتارى بىلتىرعى جەلتوقسان ايىندا سيرياداعى يم پوزيتسيالارىنا اۋەدەن سوققى بەرۋدى باستاعان. 

اباي-اقپارات