بىشكەك. 15 ماۋسىم. قازتاگ- سەيسەنبى كۇنى بىشكەكتە قىرتاگ برەندىمەن قىرعىز تەلەگراف اگەنتتىگى ءوز جۇمىسىن باستايتىندىعىن ونىڭ ۇيىمداستىرۋشىلارى ءمالىم ەتتى.

«قىرتاگ قىرعىز رەسپۋبليكاسىنىڭ ادىلەت مينيسترلىگىندە رەسمي تىركەۋدەن ءوتتى، ال اتتاس مەديالىق تاڭبا قىرعىز ۆەدومستۆولىق پاتەنتىمەن بىزگە بەكىتىلدى»، - دەدى ءباسپاسوز ءماسليحاتىندا اگەنتتىكتىڭ باس رەداكتورى يگور شەستاكوۆ.

قىرتاگ 1938-ءشى جىلى قۇرىلعان بولاتىن جانە ونىڭ سوڭعى ۋاقىتقا دەيىنگى بارلىق جاڭالىقتارى، ءتىپتى تاۋەلسىزدىكتى جاريالاعان جاڭالىقتارى دا ەل تەرريتورياسىندا تۇگەل تاراتىلاتىن. ودان كەيىن ءار ءتۇرلى سەبەپتەرمەن قىرتاگ قايتا قۇرىلىمدالدى. مەملەكەتتىك اگەنتتىك فۋنكتسياسىن قۇاا «كابار» اتقارا باستادى. سوندىقتان قايتا جاندانعان قىرتاگ ەسكى اگەنتتىكتىڭ مۇراگەرى بولايىن دەپ وتىرعان جوق. ەسكى اتتى العان جاڭا باق ۇجىمى ونىڭ ءداستۇرىن - حابار لەنتاسىنداعى جاڭالىقتاردى جىلدام جانە شىنايى تۇردە تاراتۋ ءداستۇرىن جالعاستىرماقشى.

«قىرعىزستاندا اقپاراتقا تيەك بولارلىق سەبەپتەر جەتكىلىكتى جانە سوندىقتان قىرتاگ ەڭ الدىمەن ەكونوميكالىق اقپارات قىزمەتىن قالپىنا كەلتىرمەكشى، ال قوعامدىق-ساياسي اقپاراتتار ەشقانداي پارتياعا بۇيرەك بۇرمايتىنداي بەيتاراپ، شىنايى بولۋى ءتيىس»، - دەدى ءباسپاسوز ءماسليحاتىندا قازاقستان جۋرناليستەر وداعىنىڭ توراعاسى سەيتقازى ماتاەۆ.

بىشكەك. 15 ماۋسىم. قازتاگ- سەيسەنبى كۇنى بىشكەكتە قىرتاگ برەندىمەن قىرعىز تەلەگراف اگەنتتىگى ءوز جۇمىسىن باستايتىندىعىن ونىڭ ۇيىمداستىرۋشىلارى ءمالىم ەتتى.

«قىرتاگ قىرعىز رەسپۋبليكاسىنىڭ ادىلەت مينيسترلىگىندە رەسمي تىركەۋدەن ءوتتى، ال اتتاس مەديالىق تاڭبا قىرعىز ۆەدومستۆولىق پاتەنتىمەن بىزگە بەكىتىلدى»، - دەدى ءباسپاسوز ءماسليحاتىندا اگەنتتىكتىڭ باس رەداكتورى يگور شەستاكوۆ.

قىرتاگ 1938-ءشى جىلى قۇرىلعان بولاتىن جانە ونىڭ سوڭعى ۋاقىتقا دەيىنگى بارلىق جاڭالىقتارى، ءتىپتى تاۋەلسىزدىكتى جاريالاعان جاڭالىقتارى دا ەل تەرريتورياسىندا تۇگەل تاراتىلاتىن. ودان كەيىن ءار ءتۇرلى سەبەپتەرمەن قىرتاگ قايتا قۇرىلىمدالدى. مەملەكەتتىك اگەنتتىك فۋنكتسياسىن قۇاا «كابار» اتقارا باستادى. سوندىقتان قايتا جاندانعان قىرتاگ ەسكى اگەنتتىكتىڭ مۇراگەرى بولايىن دەپ وتىرعان جوق. ەسكى اتتى العان جاڭا باق ۇجىمى ونىڭ ءداستۇرىن - حابار لەنتاسىنداعى جاڭالىقتاردى جىلدام جانە شىنايى تۇردە تاراتۋ ءداستۇرىن جالعاستىرماقشى.

«قىرعىزستاندا اقپاراتقا تيەك بولارلىق سەبەپتەر جەتكىلىكتى جانە سوندىقتان قىرتاگ ەڭ الدىمەن ەكونوميكالىق اقپارات قىزمەتىن قالپىنا كەلتىرمەكشى، ال قوعامدىق-ساياسي اقپاراتتار ەشقانداي پارتياعا بۇيرەك بۇرمايتىنداي بەيتاراپ، شىنايى بولۋى ءتيىس»، - دەدى ءباسپاسوز ءماسليحاتىندا قازاقستان جۋرناليستەر وداعىنىڭ توراعاسى سەيتقازى ماتاەۆ.

العاشقى جارتى جىلدا قىرتاگ-تىڭ جاڭالىقتارى الارماندارعا تەگىن تاراتىلادى، www.kyrtag.kg سايتى اشىق رەجيمدە جۇمىس ىستەيدى. ودان كەيىن اگەنتتىك جازىلۋ تارتىبىمەن جۇمىس باستايدى.

«ءبىزدىڭ اگەنتتىك تەك بىشكەكتەگى وقيعالارعا عانا نازار اۋدارماي، وڭىرلەردەگى جاعدايدى دا نازاردان تىس قالدىرمايدى. ءبىز وسى اقپاراتتىق ۆاكۋمدى مەيلىنشە تولتىرماقشىمىز. قىرعىزستاننىڭ اقپاراتتىق نارىعى ازىرگە ەندى قالىپتاسىپ كەلەدى. بىراق ءاربىر جاڭالىقتىڭ ءوزىنىڭ باعاسى بار. ال ءبىزدىڭ مىندەتىمىز ءبىر جىلدان كەيىن تيىمدىلىك دەڭگەيىنە شىعىپ، ءوزىن-ءوزى اقتايتىن جۋرناليستىك ۇجىم بولۋ»، - دەدى ي. شەستاكوۆ.