بەيسەنبى, 28 ناۋرىز 2024
ءۇمىت پەن كۇدىك 11451 0 پىكىر 31 جەلتوقسان, 2015 ساعات 01:00

ەلباسى "ۇلتتىق يدەيا" تۋرالى جارلىققا قول قويدى

نۇرسۇلتان نازارباەۆ قازاقستاندىق بىرەگەيلىك پەن بىرلىكتى نىعايتۋ جانە دامىتۋ تۇجىرىمداماسىن بەكىتۋ تۋرالى جارلىققا قول قويدى، - دەپ حابارلايدى اباي اقپاراتتىق پورتالى اقوردانىڭ ءباسپاسوز قىزمەتىنە سىلتەمە جاساپ.

تۇجىرىمداما ەل پرەزيدەنتى نازارباەۆ ۇسىنعان "ماڭگىلىك ەل" جالپىۇلتتىق پاتريوتتىق يدەياسىنا، "ماڭگىلىك ەل" جالپىۇلتتىق پاتريوتتىق يدەياسىنىڭ بىرىكتىرۋشى قۇندىلىقتارى - ازاماتتىق تەڭدىك، ەڭبەكسۇيگىشتىك، ادالدىق، عىلىم مەن بىلىمگە قۇرمەت، زايىرلى ەل سياقتى باستى قاعيداتتارعا نەگىزدەلەدى. سونىمەن قاتار، قازاقستاندىق بىرەگەيلىك پەن بىرلىكتىڭ ىرگەتاسى - مادەني، ەتنوستىق، تىلدىك جانە ءدىني ارالۋاندىلىققا نەگىزدەلەدى. 

"قازاقستاندىق بىرەگەيلىك پەن بىرلىك - ۇرپاقتان ۇرپاققا ۇزىلمەي جالعاساتىن پروتسەسس. ول ءاربىر ازاماتتىڭ ەتنوستىق تەگىنە قاراماستان ءوزىنىڭ تاعدىرى مەن بولاشاعىن قازاقستانمەن بايلانىستىرۋىنا نەگىزدەلەدى. ورتاق تاريحىمىز، بۇگىنگى تىرشىلىگىمىز، بولاشاققا دەگەن ورتاق جاۋاپكەرشىلىگىمىز قوعامدى بىرتۇتاستىققا باستايدى: ء"بىزدىڭ ءبىر عانا اتامەكەنىمىز، ءبىر عانا وتانىمىز بار - ول تاۋەلسىز قازاقستان". بۇل تاڭداۋدىڭ ءمانىن ۇعىنۋ - بىرىگۋدىڭ باستى نەگىزى", - دەلىنگەن اتالعان قۇجاتتا. 

تۇجىرىمدامانىڭ ماقساتتارىنىڭ ءبىرى - ەڭبەك جانە كاسىپقويلار قوعامىن قالىپتاستىرۋ، وندا وتباسى، دوستىق، بىرلىك، سونداي-اق ەڭبەكسۇيگىشتىك، ادالدىق، وقىعاندىق پەن بىلىمدىلىك، ۇشتىلدىلىك.

تۇجىرىمدامانى ىسكە اسىرۋ ءۇشىن مىناداي جوسپار قۇرىلعان: جالپىۇلتتىق مەرەكەلەر كۇنتىزبەسىن ءتۇزۋ; مەملەكەتتىك رامىزدەردى پايدالانۋ جۇيەسىن جاڭعىرتۋ; مادەني-تۋريستىك كلاستەرلەر مەن ەتنواۋىلداردى قالىپتاستىرۋ جونىندە جەكەلەگەن وڭىرلەردىڭ تابىستى تاجىريبەسىن ودان ءارى تاراتۋ; قحا قولداۋىمەن قايىرىمدىلىق پەن مەدياتسيانى، سونداي-اق قوعامدىق باقىلاۋ ينستيتۋتتارى رەتىندە قحا قوعامدىق كەلىسىم كەڭەستەرىن دامىتۋ. 

"ماڭگىلىك ەل" جالپىۇلتتىق پاتريوتتىق يدەياسىنىڭ قۇندىلىقتارىن وقۋ باعدارلامالارىنا ەنگىزۋ جاس ۇرپاقتى جاڭا قازاقستاندىق پاتريوتيزم رۋحىندا تاربيەلەۋگە مۇمكىندىك بەرەدى", - دەلىنگەن قۇجاتتا.

ءۇش تىلدە ءبىلىم بەرۋدى ەنگىزۋ ماقساتىندا ارنايى جول كارتاسى ىسكە اسىرىلاتىن بولادى، 2020 جىلعا دەيىنگى تىلدەردى قولدانۋ مەن دامىتۋ، ءبىلىم مەن عىلىمدى دامىتۋ جونىندەگى مەملەكەتتىك باعدارلامالار جاڭعىرتىلدى، سونداي-اق ءۇش تىلدە ءبىلىم بەرۋدى ىلگەرىلەتۋ جونىندەگى اقپاراتتىق ءىس-شارالار جوسپارى ىسكە اسىرىلدى. قازاقستاندىق قۇندىلىقتاردى زەرتتەۋ جونىندەگى جالپىۇلتتىق ورتالىق قۇرىلاتىن بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3519