بىشكەك. 18 ماۋسىم. قازتاگ - يگور شەستاكوۆ. قىرعىزستان ۇلتتىق بانكىنىڭ باسشىلىعى ەلدەگى ءىرى بانكتەردىڭ ءبىرى سانالاتىن «ازياۋنيۆەرسالبانكىنە» (اۋب) قاتىستى قالىپتاسىپ وتىرعان جاعدايعا الاڭداپ وتىر، دەپ حابارلايدى قىرتاگ ءتىلشىسى.

«ۋاقىتشا ۇكىمەت پەن جۇرتشىلىق بانك جۇيەسىنىڭ تۇراقتىلىعىن قامتاماسىز ەتۋ شارالارىن قابىلداۋ قاجەت، ال بۇل «ازياۋنيۆەرسالبانكىن» مەملەكەتتەندىرۋگە تىكەلەي قاتىستى. كۇش قۇرىلىم جانە تەرگەۋ ورگاندارى كونستيتۋتسيانى قابىلداۋ بويىنشا رەفەرەندۋم قارساڭىندا جاعدايدى تۇراقسىزداندىرىپ، ازاماتتاردىڭ اراسىندا الاڭداۋشىلىق تۋدىرىپ، رەفەرەندۋمدى وتكىزۋگە كەدەرگى كەلتىرۋگە تىرىسقانداي سەزىم قالىپتاسادى»، - دەپ ءمالىم ەتتى ۇلتتىق بانك توراعاسى ورىنباسارىنىڭ م.ا. ابدىمالىك مىرزاەۆ جۇما كۇنى بريفينگتە.

اۋب-ءتى مەملەكەتتەندىرۋ ۋاقىتشا ۇكىمەتتىڭ 7 ماۋسىمداعى دەكرەتىمەن جاريالانعان بولاتىن، وسىعان بايلانىستى «سوت ينستانتسيالارى مەن پروكۋراتۋرا ورگاندارىنىڭ شەشىمدەرىمەن 16 ماۋسىمنان باستاپ «اۋب» مۇلكى قاماۋعا الىندى، بۇل بانكتىڭ قىزمەتىن تۇرالاتتى».

بىشكەك. 18 ماۋسىم. قازتاگ - يگور شەستاكوۆ. قىرعىزستان ۇلتتىق بانكىنىڭ باسشىلىعى ەلدەگى ءىرى بانكتەردىڭ ءبىرى سانالاتىن «ازياۋنيۆەرسالبانكىنە» (اۋب) قاتىستى قالىپتاسىپ وتىرعان جاعدايعا الاڭداپ وتىر، دەپ حابارلايدى قىرتاگ ءتىلشىسى.

«ۋاقىتشا ۇكىمەت پەن جۇرتشىلىق بانك جۇيەسىنىڭ تۇراقتىلىعىن قامتاماسىز ەتۋ شارالارىن قابىلداۋ قاجەت، ال بۇل «ازياۋنيۆەرسالبانكىن» مەملەكەتتەندىرۋگە تىكەلەي قاتىستى. كۇش قۇرىلىم جانە تەرگەۋ ورگاندارى كونستيتۋتسيانى قابىلداۋ بويىنشا رەفەرەندۋم قارساڭىندا جاعدايدى تۇراقسىزداندىرىپ، ازاماتتاردىڭ اراسىندا الاڭداۋشىلىق تۋدىرىپ، رەفەرەندۋمدى وتكىزۋگە كەدەرگى كەلتىرۋگە تىرىسقانداي سەزىم قالىپتاسادى»، - دەپ ءمالىم ەتتى ۇلتتىق بانك توراعاسى ورىنباسارىنىڭ م.ا. ابدىمالىك مىرزاەۆ جۇما كۇنى بريفينگتە.

اۋب-ءتى مەملەكەتتەندىرۋ ۋاقىتشا ۇكىمەتتىڭ 7 ماۋسىمداعى دەكرەتىمەن جاريالانعان بولاتىن، وسىعان بايلانىستى «سوت ينستانتسيالارى مەن پروكۋراتۋرا ورگاندارىنىڭ شەشىمدەرىمەن 16 ماۋسىمنان باستاپ «اۋب» مۇلكى قاماۋعا الىندى، بۇل بانكتىڭ قىزمەتىن تۇرالاتتى».

«بۇل جاعداي بانك قۇرىلىمدارىنىڭ بۇرىنعى اكتسيونەرلەرىنىڭ مۇلىك داۋلارىنا بايلانىستى. كەزىندە ولاردىڭ اكتسيالارىنىڭ باقىلاۋشى پاكەتىن «اۋب» ساتىپ العان. مەنشىك يەلەرىنىڭ سوت داۋلارى «اۋب» قىزمەتىنە اسەر ەتپەۋگە ءتيىس. 36 فيليالى، 50-دەن اسا جيناق كاسساسى بار، 90 مىڭنان اسا كليەنتكە قىزمەت كورسەتەتىن بانكتىڭ جۇمىسىن توقتاتۋ ەلدىڭ بانك جۇيەسىنە تۇگەل اسەر ەتۋى مۇمكىن»، - دەدى ءا.مىرزاەۆ.

ونىڭ ايتۋىنشا، «پروتسەسسينگ ورتالىعى «اۋب»-كە تيەسىلى «ەلكارت» تولەم كارتالارىن ۇستاۋشىلار جالاقى الا المايدى». ءا. مىرزاەۆ «ۋاقىتشا ۇكىمەتتىڭ كەيبىر مۇشەلەرى بۇل ماسەلەنى شەشكەننىڭ ورنىنا «اۋب» مۇلىگىن ءبولىسۋ پروتسەسى بارىسىندا ۇلتتىق بانككە قىسىم كورسەتۋگە تىرىسىپ» جاتقانىن ايتتى.

«ۋاقىتشا ۇكىمەت جەتەكشىسىنىڭ ورىنباسارى ازىمبەك بەكنازاروۆ تا سولاردىڭ قاتارىندا. 7 ساۋىردەگى وقيعالار بيلىكتىڭ اشىق، ادال تۇردە، حالىق مۇددەسى ءۇشىن قىزمەت ەتۋىنە باعىتتالدى. ال قازىر «اۋب» اينالاسىنداعى جاعداي بۇرىنعى سحەمالاردىڭ قايتادان قولدانىلىپ جاتقانىن، ءبىرىن ايتىپ، باسقاشا ىستەيتىندەرىن كورسەتىپ وتىر»، - دەدى ءا. مىرزاەۆ.

ونىڭ پىكىرىنشە، «اۋب» جاعدايى ازاماتتاردىڭ، شەتەلدىك ينۆەستورلاردىڭ ۇلتتىق بانك جۇيەسىنە دەگەن سەنىمىن جوعالتۋعا الىپ كەلۋى مۇمكىن».