ۇيقىداعى ءماجىلىس ويانا باستاپتى. جۇمىس قىزۋ ەكەن. وي جارىس، پىكىر تارتىس، بۇرىن-سوڭدى ماجىلىستەن ەستىلمەگەن اششى سوزدەر ءدال كەشە شىقتى، كەشە ەستىلدى. دەپۋتاتتار ءبىر-بىرىنە اۋىر سوزدەر ايتىپ، داۋىس كوتەردى. اناۋ رەسەي دۋماسى، ۋكراينا راداسى نەمەسە قىرعىزداردىڭ پارلامەنتىندەگىدەي جاعا ۇستاسىپ، جۇدىرىقتاسپاسا دا، زاڭ قابىلداۋ بارىسىندا ء بىزدىڭ دەپۋتاتتار داۋىلاستى. ۇلكەن تالقى ءام تارتىس بولدى.  

كەشە "كوللەكتورلىق تۋرالى زاڭدى" تالقىلاۋ كەزىندە ءبىر-بىرىمەن سوزگە كەلىپ قالعان دەپۋتاتتار بۇگىن ءماجىلىستىڭ جالپى وتىرىسىندا تاعى كەزدەستى. امانجان جامالوۆ پەن مۇحتار تىنىكەەۆ كەشە ءتىپتى قاتتى سوزدەر ايتىپ، جيىندى اياقتاماي كەتىپ قالعان بولاتىن،-دەپ حابارلايدى 31 ارنانىڭ جاڭالىقتار قىزمەتى.

ءتىپتى، دەپۋتات تىنىكەەۆ مىرزا قىزدى-قىزدىمەن ەڭ بولماسا ءبىر رەت ۇكىمەت ۇسىنعان زاڭدى قابىلداماي-اق، قويايىق دەگەن پىكىردى دە ايتتى.

ادەتتە باس شۇلعىپ، ءبىر اۋىزدان داۋىس بەرەتىن دەپۋتاتتار جاڭا ماۋسىمعا قىزۋ دايىندالىپ كەلسە كەرەك، ۇلتتىق بانك توراعاسىنىڭ ورىنباسارى ۇسىنعان زاڭ جايىنا قالدى.

«مى ۋزاكونيۆاەم رەكەت. سەيچاس ۆى حوتيتە بلاگودوريا دەپۋتاتام پرينيات ەتوت، يا سچيتايۋ انتينارودنىي زاكون. داۆايتە بۋدەم يمەت مۋجەستۆا ي حوت ودين زاكونوپروەكت وتكلونيم، كوتورىي پرەدلوجەن پراۆيتەلستۆوم؟»،-دەدى دەپۋتات تىنىكەەۆ مىرزا.

ءتۇيىن: قازىر دۇنيەنىڭ ءبارى «شوۋعا» اينالىپ جاتقانى راس. «تەلە - شوۋ»، «ايتىس تا - شوۋ»، ەندى پارلامەنتتەگى «شوۋدى» تاماشالايىق...

نۇرزات توعجان

Abai.kz