وڭتۇستىك قازاقستان وبلىسى بايدىبەك اۋدانىندا ەسەك ۇرلاۋمەن اينالىسقان بارىمتاشىلار توبى قۇرىقتالدى دەپ حابارلايدى وقو ءىىد ءباسپاسوز قىزمەتى. 5 ادامنان تۇراتىن توپ مۇشەلەرىنىڭ ەرەسەگى 1967 جىلعى بولسا، ەڭ كىشىسى 24 جاستا. بارلىعى دا قىزىلوردا وبلىسىنىڭ تۇرعىندارى. بۇل تۋرالى «sn.kz» سايتى جازادى.

كۇدىكتىلەردىڭ بارلىعى 10 مال ۇرلىعىنا قاتىسى بار ەكەنى انىقتالىپ وتىر. كەلتىرىلگەن شىعىن كولەمى 500 مىڭ تەڭگە. قىلمىستىق توپ ءوز قىلمىسىن ءبىر سىزبامەن ىسكە اسىرىپ كەلگەن. كۇدىكتىلەر تۇنگى ۋاقىتتا جەرگىلىكتى تۇرعىنداردىڭ اۋلاسىنا كىرىپ، قولدى بولعان ەسەكتەردى وزدەرىنىڭ اۆتوكولىكتەرىنە تيەپ، وقيعا ورنىنان بوي تاسالاعان. ولار ەسەكتەردى ەگىستىك القاپتارىنا اپارىپ، سويىپ، تەرىسىن الىپ شىمكەنت قالاسىنداعى ءتۇرلى ساۋدا نۇكتەلەرىنە وتكىزىپ كەلگەن.

قىلمىستىق توپ پوليتسەيلەرگە ۇستالىپ قالماس ءۇشىن ۇرلىقتى ءار اۋدانعا بارىپ جاساپ وتىرعان. سوڭعى رەت تۇركىستاندىق تۇرعىننىڭ قوراسىنداعى 5 ەسەكتى ۇرلاپ اكەتىپتى. ارتىنشا ءتارتىپ ساقشىلارىنىڭ قولىنا تۇسكەن. قازىرگى تاڭدا ولاردىڭ ءبارى قاماۋعا الىنىپ، تەرگەلىپ جاتىر. 

Abai.kz