اقش مەملەكەتتىك حاتشىسى ساۆچەنكونى بوساتۋدى سۇرادى
اقش مەملەكەتتىك حاتشىسى دجون كەرري جانە رەسەي پرەزيدەنتى ۆلاديمير پۋتين 24 ناۋرىزدا سيريا مەن ۋكرايناداعى جاعدايدى 4 ساعات بويى جەكە تالقىلادى. كەرري پۋتينمەن كەزدەسۋدى "جەمىستى" دەپ باعالادى.
رف ءسىم باسشىسى لاۆروۆپەن بىرلەسىپ وتكىزگەن ءباسپاسوز ءماسليحاتىندا كەرري دونباسستا وق اتۋدى توقتاتۋدىڭ ناقتى شارالارى مەن رەسەيلىك سوت 22 جىلعا سوتتاعان ۋكراين اسكەري قىزمەتشىسى نادەجدا ساۆچەنكونىڭ تاعدىرىن تالقىلاعاندارىن مالىمدەدى. .
سەرگەي لاۆروۆ رەسەي تارابىنىڭ دجون كەرريگە ساۆچەنكوعا قاتىستى ءوز پىكىرىن بىلدىرگەنىن مالىمەدى. لاۆروۆ سونىمەن بىرگە اقش ۋكرايناعا دونباسستاعى تەكەتىرەستى بەيبىت جولمەن شەشۋدى كوزدەيتىن مينسك كەلىسىمدەرىن بۇلجىتپاي ورىنداۋعا كەڭەس بەرەدى دەپ ۇمىتتەنەدى. ول ماسكەۋدىڭ وسىنداي ماقساتقا قول جەتكىزۋ ءۇشىن دحر جانە لحر باسشىلارىنا قىسىم جاسايتىنىنا سەندىردى
كەرري جۋرناليستەرگە سيريالىق داعدارىس بويىنشا ءپۋتيننىڭ سيريادا ساياسي وتپەلى كەزەڭ قۇرۋ باستاماسىمەن كەلىسكەنىن مالىمدەدى. رەسەيلىك باق پرەزيدەنت پۋتين ارىپتەسى باراك وبامانىڭ ۇستانىمى تۋرالى پىكىر بىلدىرگەنىن جانە سونىڭ ارقاسىندا رەسەيدىڭ سيريادا "وسىنداي جەتىستىكتەرگە" جەتكەنىن ايتقانى تۋرالى جازدى.
اباي-اقپارات
