بۇل تۋرالى «رەسپۋبليكا-ايماق-دامۋ» قوعامدىق قورىنىڭ ديرەكتورى عالىم بايتوق «SarapTime» ساراپشىلىق كلۋبى «قازاقستاندىق فۋتبول: دامۋ جولدارى مەن ماسەلەلەرى» تاقىرىبىنداعى كەزەكتى وتىرىسىندا ايتتى.

- برازيليانىڭ فۋتبول اكادەميالارىنا جىبەرگەن بالالارعا كەلەيىك. ارادا قانشا ۋاقىت وتسە دە، ءبىز فۋتبول ويناۋدى ۇيرەنۋ ءۇشىن كەتكەن بالالاردىڭ كىمدەر ەكەنىن، مەملەكەتتىڭ اقشاسىنا جىبەرىلگەن بالالاردىڭ قانداي ناتيجەگە قول جەتكىزگەنىن ءالى تولىق بىلمەيمىز. ءار بالاعا اي سايىن 2 مىڭ دوللار بولىنگەن. ءبىر بالانى 3 جىل وقىتۋ 72 مىڭ دوللارعا تۇسكەن،- دەدى عالىم بايتوق.

عالىم بايتوق اتاپ وتكەندەي، قازاقستان برازياليادا فۋتبول مەكتەپتەرى جاقسى دامىعان دەپ ساناپ، 2009 جىلدان بۇگىنگە دەيىن بالالاردى جىبەرىپ كەلدى. ناتيجەسىندە مادەنيەت جانە سپورت ءمينيسترى پارلامەنتتە بۇل «برازيليالىق بالالارعا» ارتىلعان ءۇمىت اقتالماعانىن ايتتى.

«مەديالىق تەحنولوگيالار ورتالىعى» جەكە قورى وتكىزگەن «SarapTime» ساراپشىلىق كلۋبىنىڭ وتىرىسىنا قازاقستاننىڭ فۋتبول فەدەراتسياسىنىڭ باسشىلىق وكىلدەرى، فۋتبول كلۋبتارىنىڭ وكىلدەرى، سپورت ساراپشىلارى، كوممەنتاتورلار، مەملەكەتتىك ەمەس ۇيىمدار وكىلدەرى، قوعام قايراتكەرلەرى مەن باق وكىلدەرى، بلوگەرلەر قاتىستى. وتىرىس بارىسىندا ايتىلعان ۇسىنىستار ساراپتالىپ، قازاقستاننىڭ فۋتبول فەدەراتسياسىنا ۇسىنىلاتىن بولىپ كەلىسىلدى. 

abai.kz