مەملەكەتتىك ءتىلدى مەنسىنبەيتىن مەملەكەتتىك قىزمەتكەرلەر.
بۇگىن، قازاقستان، رەسەي، بەلارۋس مەملەكەتتەرى اراسىنداعى كەدەندىك وداقتىڭ جۇمىس ىستەي باستاعانىنا 9-شى كۇن. وجەتتىك تانىتقان پاۆلودار كەدەن باسقارماسى رەسپۋبليكامىز بويىنشا العاشقىلاردىڭ ءبىرى بولىپ، وسى جاڭاشىلدىقتى حالىققا ءتۇسىندىرۋ شاراسىن باستاپ كەتتى. بىراق، كەدەنشىلەر باستاعان جەرىندە ءسۇرىندى. تومەندەگى شاقىرتۋ پاۆلودار ءوڭىرىنىڭ بارلىق باق-وكىلدەرىنە جونەلتىلدى. وزدەرىڭىز كۋا بولعانداي، شاقىرتۋ كىلەڭ ورىس تىلىندە تەرىلگەن.
كوميتەت تاموجەننوگو كونتروليا مينيستەرستۆا
فينانسوۆ رەسپۋبليكي كازاحستان
دەپارتامەنت تاموجەننوگو كونتروليا
پو پاۆلودارسكوي وبلاستي
№ 14-وورك-1-10/ 36 08.07.10 گ.
رۋكوۆوديتەليۋ
(پو سپيسكۋ)
تەلەفونوگرامما
بۇگىن، قازاقستان، رەسەي، بەلارۋس مەملەكەتتەرى اراسىنداعى كەدەندىك وداقتىڭ جۇمىس ىستەي باستاعانىنا 9-شى كۇن. وجەتتىك تانىتقان پاۆلودار كەدەن باسقارماسى رەسپۋبليكامىز بويىنشا العاشقىلاردىڭ ءبىرى بولىپ، وسى جاڭاشىلدىقتى حالىققا ءتۇسىندىرۋ شاراسىن باستاپ كەتتى. بىراق، كەدەنشىلەر باستاعان جەرىندە ءسۇرىندى. تومەندەگى شاقىرتۋ پاۆلودار ءوڭىرىنىڭ بارلىق باق-وكىلدەرىنە جونەلتىلدى. وزدەرىڭىز كۋا بولعانداي، شاقىرتۋ كىلەڭ ورىس تىلىندە تەرىلگەن.
كوميتەت تاموجەننوگو كونتروليا مينيستەرستۆا
فينانسوۆ رەسپۋبليكي كازاحستان
دەپارتامەنت تاموجەننوگو كونتروليا
پو پاۆلودارسكوي وبلاستي
№ 14-وورك-1-10/ 36 08.07.10 گ.
رۋكوۆوديتەليۋ
(پو سپيسكۋ)
تەلەفونوگرامما
پريگلاشاەم ۆاشەگو پرەدستاۆيتەليا نا پرەسس-كونفەرەنتسيۋ پو ۆوپروسۋ ۆستۋپلەنيا تاموجەننوگو كودەكسا تاموجەننوگو سويۋزا، كوتوروە سوستويتسيا 09 يۋليا 2010گ. ۆ 10.00 چاسوۆ پو ادرەسۋ: گ.پاۆلودار، ۋل.تولستوگو 98, دتك پو پاۆلودارسكوي وبلاستي.
پرەسس-سلۋجبا
دتك پو پاۆلودارسكوي وبلاستي
يسپ. نيگماتۋلينا ۆ.
8(7182) 61-56-76
مۇنداي سوراقىلىققا تۇسىنىستىكپەن قاراعان قازاق ءتىلدى جازعىشتار وقىرمان ءۇشىن قىزىقتى ماعلۇمات تابىلىپ قالار دەگەن ويمەن كەدەن باسقارماسىنا جەتتى. ءباسپاسوز زالىنىڭ تورىندە وتىرعان وڭشەڭ قازاق كەدەنشىلەردى كورگەنىمىزدە، كوكەيدەگى ساۋالعا جاۋاپ الامىز-دەگەن، ءۇمىت ۇدەيە تۇسكەنى راس. الايدا، ءۇمىتىمىز ءۇش باسشى كەزەك-كەزەگىمەن ورىس تىلىندە سايراعاندا ءۇزىلدى. مەملەكەت قىزمەتكەرلەرىنە مەملەكەتتىك تىلدە سۇراق قويعانىمىزدا: يزۆينيتە مى سەگودنيا نە گوتوۆى ۆام وتۆەتيت- دەگەن، جاۋاپ الدىق. سوندا، ءباسپاسوز ءماسليحاتى تەك «ورىس ءتىلدى» تىلشىلەرگە ارنالعان بولىپ شىقتى عوي؟...
قازاق ءتىلدى كورەرمەن مەن وقىرمانعا ارنالعان اقپارات تاعى ورىس تىلىنەن اۋدارىلىپ بەرىلەدى دەگەن ءسوز - بۇل.
كىم كىنالى؟ ەشكىم... ويتكەنى بىلدەي باسقارمادا قازاق تىلىندە جاۋاپ بەرەتىن جالعىز مامان «بالكىم» دەمالىسقا كەتكەن بولار.
«كەدەندىك وداق» تاقىرىبى ءوز جايىندا قالدى. اشۋعا بۋلىققان «قازاق تىلدىلەر» باسى سالبىراپ رەداكتسياسىنا تاراستى. ال، سۇراعانىنا جاۋاپ العان «ورىس تىلدىلەر» ءبىر-بىرىمەن پىكىر الماسىپ الەك. سەبەبى، ايتارى بار. ورىس ءتىلدى ارىپتەستەرىمە قاراپ تۇرىپ، «ءبىز وسى كىمبىز» دەگەن سۇراققا جاۋاپ ىزدەپ كوردىم.
ءبىز «زاتى قازاق، بىراق ءتىلى ورىس» شەنەۋنىكتەردىڭ ءسوزىن قازاقشاعا تارجىمەلەيتىن «اۋدارماشى-ءتىلشىمىز». ياعني، قازاق تىلىندە سويلەۋگە ءتيىستى قىزمەتكەردىڭ جۇمىسىن قوسا اتقاراتىن جۋرناليستتەرمىز، ءبىز.
اق تەر، كوك تەر بولعان كەدەنشىلەر كەلەسى جولى قازاقشا سويلەيمىز-دەپ ۋادە بەردى. بۇل ورايدا، كەدەن كوميتەتىنىڭ رەسمي وكىلى ەرجان بايتانا مىرزاعا ۇندەۋ تاستايمىز ءبىز. مەملەكەتتىك ماڭىزى بار اقپارات نەگە مەملەكەتتىك تىلدە جاريا ەتىلمەيدى؟
تىلشىلەر قاۋىمى ورىس ءتىلدى اقپاراتتى نەگە اۋدارۋعا ءتيىستى؟
جاۋاپ بەرۋىڭىزدى وتىنەمىز، ارىپتەس!
پاۆلودار وبلىسىنىڭ قازاق ءتىلدى باق-وكىلدەرىنىڭ اتىنان عابيت بوكەنبايۇلى.
