ABCTV – بۇل قازاقستاننىڭ ەكونوميكالىق جانە قارجى جاڭالىقتارىن ەكسكليۋزيۆتى جەتكىزۋشى. تەلەارنامەن قاتارلاسا قارجى، ەكونوميكالىق، ساياسي جاڭالىقتار تاراتاتىن جاڭا www.abctv.kz پورتالى ىسكە قوسىلدى.

جاڭا مەديا-رەسۋرستىڭ باستى ماقساتى – بيزنەس-قوعامداستىقتى تىڭ اقپاراتپەن قامتاماسىز ەتۋ، بيزنەسمەندەرگە جانە ىسكەر ادامدارعا ماڭىزدى شەشىمدەر قابىلداۋ ءۇشىن قاجەتتى شىنايى ءارى وزەكتى ىسكەرلىك اقپارات ۇسىنۋ. حابار تاراتۋ قازاق جانە ورىس تىلدەرىندە جۇرەتىن بولادى.

Atameken business channel ارناسىنىڭ اۋديتورياسى – شاعىن، ورتا جانە ءىرى بيزنەستىڭ وكىلدەرى، مەملەكەتتىك قىزمەتكەرلەر، ءبىر سوزبەن ايتقاندا، ءوز ۋاقىتىن باعالايتىن جانە وبەكتيۆتى اقپاراتتى جەدەل الۋدى قالايتىن پراگماتيك ادامدار، جاڭا تەحنولوگيالارعا جانە دەۆايستارعا قىزىعاتىن ادامدار بولماق.

www.abctv.kz تەلەديدارى – LiveStream رەجيمىندە جۇمىس ىستەيتىن عالامتورداعى ءبىرىنشى تد-ارنا.  ول قازاقستان، ەاەو، تمد جانە دۇنيە جۇزىندەگى جاڭالىقتاردى قامتيدى. مۇندا ساراپتامالىق باعدارلامالار، دامۋ بولجامدارى مەن نارىقتاعى وزگەرىس، مامانداردىڭ پىكىرلەرى مەن ساراپشىلاردىڭ باعامى جانە باسقالار ايتىلادى.

تەلەارنا قازاقستاننىڭ ەكى قالاسىنان: استانادان جانە الماتىدان بىردەي حابار  تاراتاتىن بولادى. «IBS» جانە  Almaty Tower بيزنەس-ورتالىقتارىندا جاڭا تۇرپاتتى ەكى جوعارىتەحنولوگيالىق تەلەستۋديا قىزمەت اتقارادى. ستۋديالار ۆيرتۋالدى الاڭدار رەجيمىندە ORAD باعدارلاماسىنداعى قوسىمشا ناقتىلىقتى قولدانۋ مۇمكىندىگىمەن جۇمىس ىستەيدى.

ايتالىق، 25 جانە 26 مامىردا VIII استانا ەكونوميكالىق فورۋمىنىڭ الاڭىندا  قۇرىلعان ءموبيلدى تەلەستۋديادا فورۋمنىڭ VIP-سپيكەرلەرىنىڭ قاتىسۋىمەن سۇحبات جۇرگىزىلەدى، سونداي-اق، بارلىق جاڭالىقتار مەن وقيعالار بيزنەس-ارنانىڭ تىكەلەي ەفيرى ارقىلى بەرىلەدى.

تەلەارنامەن قاتارلاسا قارجى، ەكونوميكالىق، ساياسي جاڭالىقتار تاراتاتىن جاڭا www.abctv.kz پورتالى ىسكە قوسىلدى. وندا ساراپتامالار، رەيتينگتەر، تۇجىرىمدار، بولجامدار، ۆاليۋتا باعامدارى، قۇندى  قاعازدار، قىمبات مەتالدار نارىعى، شيكىزات جانە شيكىزات ەمەس رەسۋرستار، بانك، بيرجا جانە كومپانيالاردىڭ جاڭالىقتارى ايتىلادى.

Atameken business channel ارناسىنىڭ باستى اقپاراتتىق سەرىكتەستەرى – «اتامەكەن» قر ۇلتتىق كاسىپكەرلەر پالاتاسى، THOMSON REUTERS – ساراپتامالىق اقپاراتتىڭ، اقپاراتتىق شەشىمدەردىڭ جانە بيزنەسكە ارنالعان مالىمەتتەر بازاسىنىڭ كوشباسشى جەتكىزۋشىسى، KASE – قازاقستان قور بيرجاسى.

باعدارلامالاردىڭ جۇرگىزۋشىلەرى تەك كاسىپقوي جۋرناليستەر عانا ەمەس، سونىمەن بىرگە ەكونوميكا جانە قاراجات، ونەركاسىپ، ءوندىرىس پەن نارىق سالاسىنداعى ساراپشىلار جانە دە كاسىپكەرلەر ەكەندىگىن ايتا كەتكەن ءجون.

الداعى ۋاقىتتا جاڭا تەلەارنادان مىناداي باعدارلامالاردى كورۋگە بولادى:

«ناتاليا شپارمەن باستى جاڭالىقتار» –  باستى نارسەلەر تۋرالى قىسقا دا نۇسقا، ءدال اقپارات.

 «يۋليا سينچۋكپەن نارىق تۋرالى» – نارىق پروبلەمالارى، زاماناۋي ترەندتەر.

«ورداباەۆ. وزەكتى» –  كاسىپقوي ساراپشىلاردىڭ وزەكتى ماسەلەلەرى. «بولگەرت. سالالار» – تالداۋ مەن بولجام.

«گۇلنار امرەنوۆامەن گالستۋكسىز بيزنەس» – ەلىمىزدىڭ جەتەكشى بيزنەسمەندەرىمەن سۇحباتتار.

«عاليا ماراتپەن بيزنەس-كلاسس» – پاتەرلەر، اۆتوكولىكتەر، سالوندار، مەيرامحانالار تۋرالى جانە بيزنەس-كلاسس دەڭگەيىندەگى كوپتەگەن ماسەلەلەر. 

اbai.kz