جەكسەنبى, 5 جەلتوقسان 2021
الاساپىران 3722 0 پىكىر 22 قىركۇيەك, 2016 ساعات 10:59

اتىراۋدا ميتينگ ۇيىمداستىرۋعا رۇقسات بەرىلمەدى

اتىراۋ قالاسىنىڭ اكىمدىگى قاماۋدا وتىرعان ازاماتتىق بەلسەندىلەر ماكس بوقاەۆ پەن تالعات اياندى قورعاۋ ماقساتىنداعى اكتسيانى وتكىزۋگە تاعى دا رۇقسات بەرمەدى. جەرگىلىكتى ادام قۇقىعىن قورعاۋشى اسەل نۇرعازيەۆا 17 قىركۇيەكتە ميتينگتى 25 قىركۇيەكتە وتكىزۋگە ءوتىنىش بەرگەن ەدى. وعان 80-گە جۋىق ادام قاتىسادى دەپ جوسپارلانعان.

ميتينگ وتەتىن ورىن رەتىندە "جەڭىس" ساياساعى نەمەسە قۇرمانعازى اتىنداعى مادەنيەت ءۇيىنىڭ ماڭى كورسەتىلگەن. قالا بيلىگى بۇل ورىنداردى كوپشىلىك جيىندار وتەتىن ورىن رەتىندە انىقتاعان.

اكىمدىكتىڭ ءوتىنىشتى زاڭ تالاپتارىنا ساي ەمەس دەپ تاپقان. قالا اكىمى اپپاراتىنىڭ جەتەكشىسى پالىمبەت حاسانوۆتىڭ ايتۋىنشا، ءوتىنىش بەرۋشى جۇمىس ورنىن، مەكەن-جايىن، اتى-ءجونىن تولىق كورسەتۋى ءتيىس. "زاڭنىڭ وسى تالاپتارى ورىندالمادى، سول سەبەپتى ءوتىنىش قابىلدانبادى", - دەدى اكىمدىك وكىلى.

اسەل نۇرعازيەۆانىڭ ايتۋىنشا، ءدال وسىنداي ءوتىنىشتى ول بۇعان دەيىن دە - 5 قىركۇيەكتە تاپسىرعان، بىراق ول جولى دا ميتينگ وتكىزۋگە رۇقسات بەرىلمەدى. سول كەزدە اكىمدىك تازالىق ايلىعىن سىلتاۋ ەتتى.

ماكس بوقاەۆ پەن تالعات ايان ارازدىق تۋعىزعان، زاڭسىز ميتينگ ۇيىمداستىرعان دەگەن كۇدىكپەن اباقتىدا وتىر. ەكى بەلسەندى بيىل 24 ساۋىردە اتىراۋدا جەر رەفورماسىنا قارسى مىڭداعان ادامدىق نارازىلىق شەرۋىن باستى ۇيىمداستىرۋشىلاردىڭ ءبىرى بولدى. بوقاەۆ پەن ايان تاعىلعان ايىپتاردىڭ ساياسي استارى بار دەپ ەسەپتەيدى.

Abai.kz

0 پىكىر