سوڭعى كەزدە "شەتەلدە تۇرعانىما تۇگەنشە جىل بولدى، سوندا بايقاعانىم بولاشاقتىق بالالار مەنى لاقتىرىپ كەتتى" ، "شەتەلگە ءبىز ولاردى وقۋعا جىبەردىك، ساقال وسىرۋگە ەمەس", ء"بىزدىڭ نالوگىمىزدىڭ ارقاسىندا جۇرتتار شالقىپ جۇرەدى", "باسقا ەلدىڭ ءبارى از الادى، بۇلارعا ەندى تىم كوپ بەرەدى" دەگەن سىڭايداعى دومالاق ارىزدار كوبەيىپتى. 

1) بولاشاقتىق تاراپىنان زاڭعا تومپاقتاۋ وقيعا كورسەڭىز، اتىن اتاپ، ءتۇسىن تۇستەپ، سول مەكەمە اتىنا ارىز قالدىرىڭىز. بولاشاقتىقتار دەپ كوپتى قوسا جازىپ، ينتريگا تۋدىرىپ كەرەگى نە؟

2) سوسىن سالىقتى 30 جىل بويى ءبىزدىڭ اكە-شەشەمىز دە تولەگەن، ءالى تولەپ تە ءجۇر. ءتىپتى، 7-10 جىل جۇمىس جاساپ ۇلگەرگەن ءبىز دە تولەگەنبىز. ءوز سالىعىڭىزدى قاتتى قيماي تۇرساڭىز، ءسىز دە تاپسىرىپ، وقۋعا ءتۇسىڭىز. سولاي ءوز سالىعىڭىزدىڭ اقشاسىنا ءوزىڭىز وقىڭىز! 

3) ءبىر قازاقتىڭ بالاسى جۇمىسسىز جۇرمەي، نە باسقا ءبىر ورىس پەن قىتاي، نە اعىلشىننىڭ الدىندا سۇمىرەيىپ تومەن تۇرماي، اعىلشىن ۇيرەنىپ جۇرگەنىنە قۋانساڭىز نەتتى؟ "كىلەم ساتساڭ، كورشىڭە سات، ءبىر شەتىندە ءوزىڭ دە وتىرارسىڭ", نە "كورشىڭىز بايىپ جاتسا قۋانىڭىز، قۋانعاننان نامىسىڭ قۇلامايدى. ويتكەنى، ساعان ءبولىپ بەرمەسە دە، قول جايىپ ەشتەڭەنى سۇرامايدى", - دەيتىن قازاق ەمەس پە ەدىك. 

4) ءوز باسىم بولاشاققا 2005 جىلى باكالاۆرعا تاپسىرۋعا بارعانمىن، سوندا ارالدان كەلگەن اۋىلبايكاعا ەشكىم بىردەڭە ءتۇسىندىرىپ، جول سىلتەپ، سۇراعىنا قازاقشا جاۋاپ بەرمەگەن. ۇستەرىن برەندپەن باپتاعان باي-باعلاننىڭ بالدارى كورشىنىڭ تىلىندە سايراپ تۇرعان الدىندا. ال قازىر شە؟ 2014 جىلى قايتا تاپسىرعاندا قازاقشا سايراعان، ءتىپتى قۇجاتتارىڭ دۇرىس بولماسا قازاقشا ۇرىسقان اپايلاردى كورىپ "ەەە،قازاق ءتىلى، كورەر جارىعىڭ بار ەكەن عوي" دەگەنمىن. 

5) سوڭعى 4-5 جىلدا شەتەلگە اۋىل بالالارى كەتىپ جاتىر. بۇدان بىلاي ودان دا كوپ جىبەرمەك. سونىڭ ءوزى-اق بۇل باعدارلامانىڭ قازىرگى ءيميدجىن كورسەتىپ تۇرعانداي.