دۇيسەنبى, 18 قاراشا 2019
جاڭالىقتار 2705 0 پىكىر 30 شىلدە, 2016 ساعات 15:53

وقو-نىڭ جەرگىلىكتى پوليتسيا قىزمەتى العاشقى جارتى جىلدىقتى قورىتىندىلادى (فوتو)

بۇگىن وبلىس اكىمدىگىندە ءوڭىر باسشىسى ب.اتامقۇلوۆ وقو جەرگىلىكتى پوليتسيا قىزمەتىنىڭ باستىعى ب.ابىلاەۆتىڭ ءبىرىنشى جارتى جىلدىقتا اتقارىلعان جۇمىستار جونىندە ەسەبىن تىڭدادى.بۇل تۋرالى «قازاقپارات» پورتالى حابارلايدى.

ەسەپتى كەزدەسۋدە پوليتسيا قىزمەتىنىڭ باسشىسى 6 ايدا قۇقىق قورعاۋشىلارمەن 18 رەت كەڭ كولەمدى جەدەل الدىن الۋ شارالارى ۇيىمداستىرىلىپ، وبلىستاعى جاعداي ءبىرشاما تۇراقتالعانىن جەتكىزدى. اتاپ ايتقاندا، وڭىردەگى اسا اۋىر قىلمىستار مەن بۇزاقىلىق فاكتىلەرى 13,5 پايىزعا كەمىسە، جول-كولىك وقيعالارىنىڭ جالپى سانى ازايعان.

«جەرگىلىكتى پوليتسيا قىزمەتىنىڭ قىلمىسقا قارسى كۇرەس، قۇقىق بۇزۋشىلىقتىڭ الدىن الۋ بويىنشا اتقارعان جۇمىستارىنىڭ پارمەندىلىگى وتكەن جىلعى سايكەس مەرزىممەن سالىستىرعاندا ارتا ءتۇستى. ۋچاسكەلىك پوليتسيا ينپەكتورلارىنىڭ ەڭ نەگىزگى جۇمىستارى ول، قۇقىقبۇزۋشىلىقتاردىڭ الدىن الۋ جانە ولاردى دەر كەزىندە اشۋ بولىپ تابىلسا، جىل باسىنان ولاردىڭ جەكە ىزدەستىرۋىمەن اشىلعان قىلمىستار سانى 1709-دان 1911-گە نەمەسە 11,8 پايىزعا ارتتى»، - دەدى ب.ابىلاەۆ.

ەلباسىنىڭ بەس ينستيتۋتسيونالدى رەفورماسىن ىسكە اسىرۋعا ارنالعان «100 ناقتى قادام» - ۇلت جوسپارى اياسىندا قۇرىلعان قۇرىلىمنىڭ جۇمىسىمەن تانىسقان وبلىس اكىمى سالاداعى قوعامدىق تارتىپكە بايلانىستى جۇمىستارعا سىن، ەسكەرتپەلەر ايتىپ، ۇساق قۇقىقبۇزۋشىلىق پەن نولدىك توزىمدىلىكتى باقىلاۋدا ۇستاۋدى تاپسىردى. سونداي-اق، جەرگىلىكتى پوليتسيا قىزمەتىنىڭ اۋدان، قالاداعى بولىمشەلەرىنىڭ جۇمىسىنا كوڭىلى تولمايتىنىن جەتكىزىپ، بىرقاتار ەسكەرتۋلەر بەردى.

ءوز كەزەگىندە، ءسوز العان وبلىستىڭ باس پروكۋرورى ي.يمانوۆ زاڭدىلىقتى قاداعالاۋ جۇمىستارىنا قاتىستى اتالعان قۇرىلىمنىڭ بىرقاتار كەمشىلىكتەرىن جەتكىزدى.

Abai.kz

0 پىكىر