تۇرىك حالىقتارىنىڭ سوڭعى عاسىرلارداعى تاريحىن، تاعدىرىن زەردەلەيتىن بولساق، تراگەديالارعا تولى ەكەنىن انىق كورەمىز. ارينە وكىنىشتى... بىراق، سول ۇلتتىق تراگەديالاردان ءار قايسىسىنان ءتيىستى قورىتىندى شىعارىپ تۇرماساق، قايتالانۋى بەك مۇمكىن...

وتكەن جولى قاراشاي باۋىرلارىمىزدىڭ جاپپاي سۇرگىنگە ۇشىراعان قيلى تاعدىرى تۋرالى بىرەر ءسوز ايتقان بولاتىنىز.

ال، بۇگىن، ياعني قاراشانىڭ ون ءتورتى - احىسكا تۇرىكتەرى ءۇشىن قارالى كۇن بولىپ سانالادى.

ناقتىراق ايتار بولساق، 1944 جىلدىڭ 14 قاراشاسىندا ءستاليننىڭ بۇيرىعىمەن احىسكا تۇرىكتەرى (قاراشايلار سەكىلدى) ءبىر تۇندە، دالىرەگى بىرنەشە ساعاتتىڭ ىشىندە، جاپپاي جۇك ۆاگوندارىنا كۇشپەن تيەلىپ، ورتا ازياعا ايدالعان. 

ءتىرى قالعاندار جول بويى ىشەرگە سۋ، ازىق قىلاتىن ءبىر ءۇزىم نان دا بەرىلمەگەن دەسەدى. تىقسىرىلعان ۆاگونداردىڭ ىشىندە، جولدا قايتىس بولعاندارى قانشاما...

بۇگىنگى قارالى كۇندە احىسكا باۋىرلارىمىزدىڭ قايعى-قاسىرەتىنە ورتاقتاسا وتىرىپ، قۇربان بولعانداردىڭ جاندارى ءجانناتتا شاقىسىن دەپ تىلەيمىن.

بولاشاقتا وسىنداي تراگەديالار قايتالانباس ءۇشىن ۇمىتپايىق، ۇمىتتىرمايىق...