پەتروپاۆل قالاسىندا سولتۇستىك قازاقستان وبلىسىنىڭ 80 جىلدىعىنا ارنالعان «تۋعان ءوڭىر – تۇنعان سىر» اتتى سالتاناتتى ءىس-شارا ءوتتى. سولتۇستىكقازاقستاندىقتاردى مەرەيتويمەن قۇتتىقتاعان ءوڭىر باسشىسى ەرىك سۇلتانوۆ قازاقستان رەسپۋبليكاسىنىڭ 25 جىلدىعىمەن قاتار كەلگەن مەيرامنىڭ ماڭىزى زور ەكەنىن اتاپ ءوتتى.

«80 جىلدىڭ ىشىندە وبلىس تاريحىندا تالاي-تالاي وقيعالار باستان ءوتتى. قاسىرەتكە تولى 30-شى، وت-جالىندى 40-جىلدار، اتاقتى تىڭ ەپوپەياسى، تاۋەلسىز قازاقستاننىڭ قالىپتاسۋى، وسىنىڭ ءبارى وبلىس تاريحىنىڭ ۇمىتىلمايتىن بەلەستەرى. سولتۇستىك قازاقستان – ارتىنا ولمەس مۇرا قالدىرعان قوجابەرگەن جىراۋ، ۇكىلى ىبىراي، ماعجان جۇماباەۆ، يۆان شۋحوۆ، ءسابيت مۇقانوۆ، عابيت مۇسىرەپوۆ، گەرولد بەلگەردىڭ تۋعان جەرى. ءبىز ەۆنەي بوكەتوۆ، ماقتاي ساعديەۆ، بايكەن ءاشىموۆ، ەرمەك سەركەباەۆ، ۆلاديمير شاتالوۆ، الەكساندر ۆيكتورەنكو سىندى تۇلعالاردىڭ جەرلەسى  ەكەنىمىزدى ماقتان ەتەمىز»، - دەدى وبلىس باسشىسى.

ەرىك سۇلتانوۆ سولتۇستىكقازاقستاندىقتاردىڭ ەكىنشى دۇنيەجۇزىلىك سوعىس پەن 40-جىلدارداعى ونەركاسىپتىڭ دامۋى، تىڭ يگەرۋ جىلدارىنداعى ءوڭىردى دامىتۋ جولىندا ەڭبەك ەتكەن قوعام جانە مەملەكەت قايراتكەرلەرىنىڭ ەڭبەگىنە جەكە توقتالدى.

«سولتۇستىك قازاقستان وبلىسى ەلىمىزدىڭ دامۋىنا ايتارلىقتاي ۇلەس قوسىپ كەلە جاتقان قۋاتتى وبلىستاردىڭ قاتارىندا. ءوڭىرىمىز مەرەيتويىن جاقسى ناتيجەلەرمەن قارسى الىپ وتىر.

ءبىزدىڭ ءوڭىر مەملەكەت اۋماعىنىڭ 4 پايىزىن عانا الىپ جاتسا دا، رەسپۋبليكاداعى جوعارى ساپالى استىقتىڭ ۇشتەن ءبىرىن وندىرەدى.

ەلباسى نۇرسۇلتان ءابىشۇلى نازارباەۆ وڭىرىمىزگە جۇمىس ساپارى كەزىندە: «سولتۇستىك قازاقستان — استىق ءوندىرۋدىڭ ۇزدىك ءوڭىرى»، - دەگەن بولاتىن. وسى جىلى سولتۇستىكقازاقستاندىق شارۋالار رەكوردتىق كورسەتكىشكە قول جەتكىزىپ، گەكتارىنا ونىمدىلىگى 18 تسەنتنەر بولاتىن 5 ميلليون 768 مىڭ توننا استىق جينادى»، - دەدى ەرىك سۇلتانوۆ.

وبلىس اكىمى 2016 جىلى وراق ناۋقانىندا ۇزدىك ناتيجە كورسەتكەن كومباينشىلار ەسىمىن اتادى. ولاردىڭ قاتارىندا «تايىنشا-استىق» جشس كومباينشىسى نيكولاي فەسيۋن 5570 توننا، «اتامەكەن-اگرو» جشس قىزمەتكەرى بەرىك دايروۆ (جامبىل اۋدانى) 4351 توننا استىق باستىرعان.

«وبلىستىڭ يندۋستريالدى كەشەنىندە دە دامۋدىڭ وڭ كورسەتكىشى بايقالادى. سولتۇستiك قازاقستان وبلىسى ينۆەستيتسيا تارتۋعا قولايلى ءوڭiر. بiزدiڭ وبلىستا اۋىل شارۋاشىلىعى كەشەندەرi مەن ساۋدا سالاسى جاقسى دامىعان. وڭiردە الەۋمەتتiك، قارجىلىق-ەكونوميكالىق، قۇقىقتىق سالادا ينۆەستورلار ءۇشiن قولايلى جاعداي جاسالدى.

سولتۇستىك قازاقستان وبلىسىنىڭ ەڭ باستى بايلىعى – حالىق. ءبىزدىڭ مادەنيەت، ونەر، سپورت، ءبىلىم بەرۋ، ونەركاسىپ، قۇرىلىس، اۋىل شارۋاشىلىعى جانە وزگە دە سالالار بويىنشا ماقتان ەتەتىن جەرلەستەرىمىز جەتكىلىكتى. ولاردىڭ ەسىمدەرى مەن ەرلىكتەرى قازاقستان تاريحىندا التىن ارىپتەرمەن جازىلعان»، - دەپ اتاپ ءوتتى وبلىس اكىمى.

ءار سالانىڭ جەتىستىكتەرىنە جەكە توقتالعان ءوڭىر باسشىسى ەرىك سۇلتانوۆ ونەركاسىپ، قۇرىلىس، ءبىلىم بەرۋ، مەديتسينا، مادەنيەت، سپورت سالاسىنىڭ وزاتتارى مەن ءوندىرىس جاڭاشىلدارىن، سونداي-اق ءوڭىردىڭ ۇزدىك ەڭبەك اۋلەتتەرىنىڭ ەسىمدەرىن اتاپ ءوتتى.

ء«وڭىر تاريحى وتە باي. ءبىر شاڭىراق استىندا 100-دەن استام ۇلت پەن ۇلىس وكىلدەرى بەرەكە مەن بىرلىكتە، تاتۋ-ءتاتتى ءومىر ءسۇرىپ كەلەدى. وبلىس جەتىستىكتەرىنىڭ باستى نەگىزى – سولتۇستىكقازاقستاندىقتاردىڭ ەڭبەكسۇيگىشتىگى مەن تۋعان ولكەسىنە دەگەن ماحاببات، جاۋاپكەرشىلىك سەزىمدەرىندە»، - دەدى ەرىك سۇلتانوۆ.

وبلىس اكىمى ءوڭىر دامۋىنا ۇلەس قوسقان ارداگەرلەرگە جانە بۇگىنگى تاڭدا بۇل ماقساتتا تابىستى ەڭبەك ەتىپ جۇرگەن قىزمەتكەرلەرگە العىسى مەن ريزاشىلىعىن ءبىلدىردى.

«دالاسى دانگە تولى، بەرەكە مەن بىرلىگى ۇيىعان سولتۇستىك قازاقستان وبلىسى الداعى ۋاقىتتا دا تاۋەلسىز ەلىمىزدىڭ ودان ءارى دامۋىنا زور ۇلەس قوسا بەرەتىندىگىنە سەنىمدىمىن.

بارشاڭىزعا زور دەنساۋلىق، ۇزاق عۇمىر، ءار شاڭىراققا باق-بەرەكە تىلەيمىن! ەلىمىزبەن بىرگە ءوڭىرىمىز قارقىندى دامىپ، جەتىستىكتەرگە جەتە بەرسىن!»، - دەدى ءوڭىر باسشىسى قۇتتىقتاۋ ءسوزىنىن سوڭىندا.

ەرىك سۇلتانوۆ ۇزاق جىلعى ادال ەڭبەگى، وبلىستى الەۋمەتتىك - ەكونوميكالىق جانە مادەني دامىتۋعا قوسقان زور ۇلەسى ءۇشىن 47 سولتۇستىكقازاقستاندىققا قۇرمەت گراموتاسىن، تاعى 24-نە العىس حاتتار تابىستادى.

سونداي-اق، قر ەڭبەك سىڭىرگەن ەنەرگەتيگى، پەتروپاۆل قالاسىنىڭ قۇرمەتتى ازاماتى، ەڭبەك ارداگەرى الەكساندر ليپوۆوي، «قىزىلجار-اقپارات» جشس ديرەكتورى جاراسباي سۇلەيمەنوۆ جانە م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى تاتيانا الەكساندروۆا قۇتتىقتاۋ تىلەكتەرىن جەتكىزدى.

مەرەيتولىق ءىس-شارا سولتۇستىك قازاقستان وبلىسىنىڭ شىعارماشىلىق ۇجىمدارى دايارلاعان كونتسەرتتىك باعدارلاماعا جالعاستى.

ءىلياس اقباي

Abai.kz