وبلىس اكىمى جانسەيىت تۇيمەباەۆتىڭ وڭتۇستىك قازاقستان وبلىسى قازاقستان حالقى اسسامبلەياسى قۇرىلىمدارى باسشىلارىمەن جانە وبلىستىق  ەتنومادەني بىرلەستىكتەرىنىڭ توراعالارىمەن كەزدەسۋ جيىنى ءوتتى.

وڭىردەگى مەملەكەتتىك ەتنوساياساتتىڭ جۇرگىزىلۋ بارىسىمەن تانىسىپ، قاتىسۋشىلاردىڭ  ۇسىنىس، پىكىرلەرىن تىڭداعان ايماق باسشىسى الداعى كەزەڭدەردە وبلىستىڭ ءوسىپ-وركەندەۋى جولىنداعى جۇمىستاردى بىرلەسە جۇزەگە اسىرۋ جايىن ايتتى.

ء«اربىر ەتنوس ءبىزدىڭ بايلىعىمىز. قازاقستان حالقى اسسامبلەياسى وسى قازىنانىڭ قورعانى. اتالعان ۇيىمنىڭ جۇمىسىن شەتەلدەردەن كەلىپ ۇيرەنىپ، تاجىريبە الماسىپ، ءوز پايدالارىنا  جاراتىپ جاتقان مەملەكەتتەر بار. قيىن قىستاۋ كەزەڭدە قازاق حالقى جەر اۋدارىپ كەلگەن ءتۇرلى ەتنوستاردى باۋىرىنا باستى. بۇگىندە ءبىز ءبىر ەل – ءبىر حالىق بولىپ، ءبىر ماقساتتا جۇمىس اتقارىپ كەلەمىز»،-دەدى ج.تۇيمەباەۆ.

جيىن بارىسىندا توراعا ورىنباسارى بيىلدان باستاپ مەملەكەت باسشىسىنىڭ تاپسىرماسىمەن قحا ەنگىزىلگەن  جاڭا فۋنكتسيونالدىق باعىتتار بويىنشا ياعني، قايىرىمدىلىقتى ۇيلەستىرۋ،  قوعامدىق كەلىسىم كەڭەستەرى مەن انالار كەڭەستەرىنىڭ قىزمەتى جانە مەدياتسيا جەلىسىن دامىتۋ باعىتىنداعى اتقارىلعان جۇمىستاردى باياندادى.

«اسسامبلەيا فيليالدارىن اۋدانداردان اشۋ العاش وڭتۇستىكتە قولعا الىندى. بۇگىندە بۇل جۇمىستىڭ تيىمدىلىگىن ەسكەرگەن قر پرەزيدەنتى اكىمشىلىگى قحا حاتشىلىعى وڭتۇستىكقازاقستاندىق تاجىريبەنى رەسپۋبليكانىڭ باسقا وڭىرلەرنە ەنگىزە باستادى»، - دەدى م.قالمۇراتوۆ.

سونىمەن قاتار، كەزدەسۋدە بىرقاتار ەتنومادەني بىرلەستىكتەردىڭ  توراعالارى قازاقستاندىق بىرتەكتىلىكتى قالىپتاستىرۋ سىندى اسىل مىندەتتى ىسكە اسىرۋدا جەتكەن جەتىستىكتەرى مەن ونى ءارى قاراي دامىتۋ بويىنشا اتقارىلاتىن جۇمىستاردى مالىمدەدى. 

بۇگىندە ۇلىسىمىزدىڭ ۇيىتقىسى اتانعان وڭتۇستىك وڭىرىندە 100-دەن استام ءتۇرلى ەتنوس وكىلدەرى ءومىر سۇرەدى. ال وبلىستا 20 ەتنومادەني بىرلەستىگى جۇمىس جاسايدى. ولاردىڭ اۋداندار مەن قالالاردا 51 فيليالى مەن 17 جاستار قاناتى، 11 جەكسەنبىلىك مەكتەپتەرى بار. وڭىردە جىل سايىن ءار ەتنومادەني بىرلەستىك ءوزىنىڭ ءتىلى، مادەنيەتى جانە ءداستۇرى كۇندەرىن اتاپ وتۋدە.  سونىمەن قاتار، بەلسەندى ەتنوس وكىلدەرى جىل سايىن وبلىس اكىمىنىڭ «باۋىرمال» سىيلىعىمەن ماراپاتتالۋدا.

Abai.kz