وڭتۇستىك قازاقستان وبلىسىنىڭ اكىمى جانسەيىت تۇيمەباەۆ شىمكەنتتەگى ونەركاسىپ جانە اگروەنەركاسىپ كاسىپورىندارىن ارالادى. ءوڭىر باسشىسى قالاداعى وبلىستىق كاسىپكەرلەرگە قىزمەت كورسەتۋ ورتالىعىندا بولىپ، مەكەمەنىڭ تىنىس-تىرشىلىگىمەن تانىستى.

ورتالىقتىڭ ماماندارى وسى كۇنگە دەيىن 108 مىڭعا جۋىق كاسىپكەرگە كەڭەس بەرىپ،  27 مىڭنان استام ازامات كاسىپكەرلىك مەكتەبىن تامامداعان. 4 مىڭعا جۋىق جوبا قارجىلاندىرىلۋدا.

كەزدەسۋ بارىسىندا وبلىس əكىمى كəسىپكەرلەر ءۇشىن əكىمشىلىك كەدەرگىلەردى جويۋ ءۇشىن ناقتى ءىس شارا جوسپارىن جاساپ ەرەكشە قولعا الۋ كەرەكتىگىن تاپسىردى.

جۇمىس ساپارى كەزىندە جانسەيىت قانسەيىتۇلى جالپى اۋماعى 89 گا بولاتىن «تاسساي» يندۋستريالدى ايماعىندا بولىپ، جۇمىسىمەن تانىستى. بولاشاقتا مۇندا 23 زاۋىت ىسكە قوسىلماق.

اتالمىش اۋماق قازاقستانداعى ەڭ ۇلگىلى يندۋستريالدى ايماققا اينالۋعا قاۋقارى بار. ويتكەنى مۇندا كاسىپكەرلەردەن 100% ينۆەستيتسيا تارتىلعان. فارماتسەۆتيكا، ماشينا جاساۋ جانە جيھاز يندۋسترياسى سەكىلدى سالالاردىڭ كلاستەرلىك دامۋىنا باعىتتالعان ايماقتى ارالاعان وبلىس اكىمى كاسىپكەرلەردىڭ ماسەلەلەرىنە قانىعىپ، ونى شەشۋ جولدارىن تالقىلاۋ جونىندە جينالىس ۇيىمداستىرۋدى تاپسىردى. سونىمەن قاتار ساپالى ينفراقۇرىلىم تارتۋدى جۇكتەدى.

مۇنان بولەك، ج.تۇيمەباەۆ قالاداعى سۋ سورعىلارىن شىعاراتىن «Karlskrona LC AB» جشس مەن «Azala textile» توقىما كەشەنىندە بولدى. جىلىنا 6500 دانا تيەگىش سورعى مەن ديسكتىك اينالما بەكىتپەلەر شىعارۋعا مۇمكىندىگى بار «Karlskrona LC AB» جشس-ءنىڭ اۆتوماتتاندىرۋ دەڭگەيى جوعارى بولۋىنىڭ ەسەبىنەن 40 ادام جۇمىسپەن قامتىلعان.

«Azala textile» توقىما كەشەنى جىلىنا 2 824 توننا ءيىرىم ءجىپ، 13 ملن. پوگوندى مەتر ماتا، 2 ملن. توسەك جابدىعىنىڭ جيىنتىعى جانە 7 ملن. دانا تۇكتى تىگىن بۇيىمدارىن وندىرۋگە قاۋقارلى. ايتا كەتۋ كەرەك، توقىما فابريكاسى سىندى ونەركاسىپ ورنى ەلىمىزدە ازىرگە جالعىز.

ءوز سالاسىندا بىرەگەي كəسىپورىندى ارالاۋ بارىسىندا ءوڭىر باسشىسى وتاندىق ونىمگە مەملەكەتتىك تاپسىرىستى كۇشەيتۋگە ناقتى جۇمىس جوسپارىن جاساۋدى تاپسىردى.

Abai.kz