مەملەكەتتiك «سىباعا» باعدارلاماسى اياسىندا بيىل قاجىمۇقان اۋىل وكرۋگiنiڭ شارۋالارى جوسپار بويىنشا 133 iرi قارا ساتىپ الۋى تيiس بولاتىن. بۇگiندە، بۇل باعىتتا 290 سيىر جانە 10 بۇقا ساتىپ الىنىپ، جوسپار ەكi ەسە ارتىق ورىندالعان.

«سىباعانىڭ» شاراپاتىن كورگەندەردiڭ بiرi گۇلميرا بەيiمبەتوۆانىڭ وتباسى.

گۇلميرانىڭ بارiنە ۇلگەرەتiنiنە تاڭ قالاسىز. التى بالانىڭ اناسى جۇمىستى تىندىرىپ iستەگەندi ۇناتادى. ءۇيi تاپ-تۇيناقتاي. ەسiك الدىندا كiلەم جۋىپ، وعان قوسا قىسقا دايىندىق جاساپ، توساپ قايناتىپ ءجۇر. ءۇيiنiڭ قاپتالىنان دۇكەن اشىپ قويعان. قىزىعاسىڭ.

ەجەلدەن-اق جايلاۋ توسiندە مىڭعىرعان مال باعىپ وسكەن حالىقپىز عوي. گۇلميرا دا اتاكاسiپتەن قول ۇزبەپتi.

ونىڭ مالعا دا كۇتiمدi جاقسى جاسايتىنىن قورا-قوپسىسىنىڭ تازالىعىنان اڭعارۋعا بولادى. بiز بارعاندا مال جايىلىمعا كەتiپ، قورادا بiرەن-ساران جىلقى مەن بۇزاۋ، اسىل تۇقىمدى بۇقا عانا قالىپتى.

– «سىباعا» باعدارلاماسى شارۋاشىلىعىمدى كوتەرۋگە كادiمگiدەي سەپتiگiن تيگiزدi. 30 سيىرىمنىڭ جەم-ءشوبi ءۇشiن 540 مىڭ تەڭگە سۋبسيديا الدىم. ودان بولەك، جاقىندا تاراز قالاسىنان 350 مىڭ تەڭگەگە اسىل تۇقىمدى اقباس بۇقا الىپ كەلدiم. ونىڭ دا جارتى اقشاسىن، ياعني 154 مىڭ تەڭگەسiن مەملەكەت قولداۋ رەتiندە بەردi. كوزiن تاۋىپ جۇمىس iستەسەڭ مەملەكەتتەن قاشان دا قولداۋ بولاتىنىن انىق سەزiندiك. شۇكiر، تiرلiگiمiزدi دوڭگەلەتiپ وتىرمىز، – دەيدi «بەيiمبەتوۆا» شارۋا قوجالىعىنىڭ ءتورايىمى.

جۇبايى عالىمبەك ەكەۋi جىلقى باعۋدى دا قولعا الىپتى. «جۇمىسپەن قامتۋ – 2020» باعدارلاماسى اياسىندا 6 پايىزدىق نەسيەمەن 3 ميلليون تەڭگەگە 20 جىلقى اكەلگەن. ونىڭ بiرەۋi قۇلىندى بيە. گۇلميرانىڭ كۇندەلiكتi تiرشiلiگiنە كۇنiنە 5-6 مارتە بيە ساۋدى قوسىڭىز. نەسيەنi 3 جىلدا ءار 6 اي سايىن 600 مىڭ تەڭگەدەن تولەپ قۇتىلادى. سونىمەن بiرگە، مەملەكەتتiك باعدارلاما اياسىندا كەپiلگە ءۇيiن قويىپ، 3 ميلليون تەڭگە نەسيە الىپ، 200 قوزى العان. «نەسيەمiزدi 7 ساۋىن سيىردىڭ سۇتiمەن-اق وتەپ وتىرمىز. جازدا كۇنiنە 100-120 ليتر ءسۇت الاتىن ەدiك. قازiر 60-70 ليتر ءسۇتتi قالاعا جونەلتەمiز. كۇن سايىن 50-60 ليتردi بالمۇزداق تسەحىنا وتكiزسەك، قالعانىن دۇكەندەرگە تاراتامىز. ءسۇتتiڭ وزiنەن كۇندەگi تۇسكەن تابىستى جيناپ، ايىنا 150 مىڭ تەڭگەگە تولتىرامىن. بۇل بالالارىمنىڭ نەسiبەسi شىعار» دەيدi گۇلميرا.

«سىباعا» باعدارلاماسىنىڭ شاراپاتىن شالعايداعى اۋىل تۇرعىندارىنىڭ سەزiنە باستاعانى قۋانتادى. نەسيە الىپ، شارۋاسىن شالقىتۋدى، اتاكاسiپتi ارى قاراي دامىتقىسى كەلەتiن جاندارعا قاشان دا مەملەكەتتiڭ قولداۋ بiلدiرەتiنiن وسىدان-اق اڭعاراسىز.

گۇلميرا جۇبايى عالىمبەك مىرزاباەۆ ەكەۋi مال شارۋاشىلىعىمەن اينالىسۋدى بىلتىر عانا قولعا العان. وتكەن جىلى ارقايسىسىن 250 مىڭ تەڭگەدەن ساتىپ العان 10 سيىردىڭ بۇزاۋلارى بۇگiندە 130-140 مىڭ تەڭگەگە ساتىلاتىن وگiزشە بولدى. ال، 10 سيىر بيىل تاعى بۇزاۋلاعان. جوعارىدا 3 ملن. 100 مىڭ تەڭگەگە 15 500 تەڭگەدەن 200 قوزى ساتىپ العانىن ايتتىق. جولداسى مەن ۇلى بiر ايعا جۋىق قوزىلاردى اۋلاداعى جوڭىشقاعا جiبەرiپ، وڭالتىپ، ارقايسىسىن 20 مىڭ تەڭگەدەن ساتقان. مiنە، پايدا! بiر ايدا 900 مىڭ تەڭگە تابىس تاۋىپ وتىر.

– جۇرەكسiنبەي جۇمىس iستەۋگە بولادى ەكەن. «كوز – قورقاق، قول – باتىر» دەگەن عوي. جۇمىس iستەسەڭ، بەرەكەسiن بەرەدi. ەندi الداعى ۋاقىتتا جىلقى باسىن كوبەيتiپ، شارۋا قوجالىعىنىڭ اياسىن كەڭەيتكiمiز كەلەدi, – دەدi گۇلميرا.

مەملەكەت باسشىسىنىڭ سوزiمەن ايتساق، ەل بولاشاعى – اگرارلىق سەكتوردا. ەندەشە، اۋىلداعى اعايىن ويلانايىق!

نازگۇل نازاربەكوۆا، «وڭتۇستiك قازاقستان».

Abai.kz