الماتىدا شىلدەدەگى تەراكت ءىسى بويىنشا باستى سوت وتىرىسى باستالدى، - دەپ حابارلايدى Tengrinews.kzء تىلشىسى.

پروتسەسس تەرگەۋ يزولياتورىنىڭ عيماراتىندا اشىق تارتىپتە وتەدى. رۋسلان كۇلەكباەۆ قۇقىق قورعاۋ ورگاندارىنىڭ جانە ارنايى ورگانداردىڭ سەگىز قىزمەتكەرىنىڭ، سونىمەن قاتار ەكى بەيبىت تۇرعىننىڭ ءومىرىن جالماعان تەرروريستىك اكت جاسادى دەپ ايىپتالىپ جاتىر. سونداي-اق، وعان ءۇش ادامدى ولتىرۋگە وقتالدى دەگەن ايىپ تاعىلىپ وتىر. سونىمەن قاتار، كۇلەكباەۆپەن قاتار ونىڭ بەس سىبايلاسى سوتتالىپ جاتىر. وسى سوتتالۋشىلاردىڭ ادۆوكاتىنىڭ ايتۋىنشا، قالعان بەس سوتتالۋشىنىڭ الماتىداعى تەراكتىگە ەش قاتىسى جوق.

"مەنىڭ قورعاۋىمدا وتىرعان قۇسايىنوۆ ەربولا ءالىپبايۇلىنىڭ كۇلەكباەۆ رۋسلان جاساعان تەراكتىگە ەش قاتىسى جوق. ونىڭ قىلمىستىق جوسپارى جانە ادامداردى ءولتىرۋ تۋرالى ەشتەڭە بىلمەگەن. كۇلەكباەۆ رۋسلان ءبارىن ءوزى جالعىز جاسادى. باسقا سوتتالۋشىلاردىڭ تەراكتىگە ەشقانداي دا قاتىسى جوق", - دەدى ادۆوكات شامەن جايىلقانوۆ.

ادۆوكاتتىڭ ايتۋىنشا، ونىڭ قورعاۋىنداعى ادام ەربول قۇسايىنوۆ 2015 جىلدىڭ قاراشاسىندا بولعان توناۋ وقيعاسىنا قاتىسى بار دەپ ايىپتالىپ جاتىر، تەرگەۋدىڭ نۇسقاسى بويىنشا، بۇل توناۋ رۋسلان كۇلەكباەۆپەن بىرگە جاسالعان. 

ء"بىز ولاردان باس تارتا المايمىز، بارلىعىن قورعايمىز. ەگەر الدىمىزدا قىلمىسكەر، كىسى ءولتىرۋشى، ناشاقور، جابىرلەنۋشى وتىرادى، ءبىز ولاردىڭ ءبارىن قورعاۋىمىشش مۇمكىن. ءبىزدى، بارلىق ادۆوكاتتى مەملەكەت تاعايىندايدى جانە قورعاۋدان زاڭ جۇزىندە دە، مورالدىق جاعىنان دا باس تارتا المايمىز", - دەدى ادۆوكات. 

ەسكە سالايىق، 18 شىلدەدە الماتىدا تەرروريستىك اكت بولعان ەدى. بەلگىسىز ەر ادام المالى اۋداندىق ءىىب مەن ۇقك دەپارتامەنتىنە قارۋلى شابۋىل جاسادى. وقيعا سالدارىنان بەس ادام، ونىڭ ىشىندە ءۇش پوليتسيا قىزمەتكەرى قازا تاپتى. قالادا تەررورلىق قاتەردىڭ قىزىل دەڭگەيى جاريالاندى. قىلمىسكەر ۇستالدى،ول بۇرىن ءىستى بولعان قىزىلوردا وبلىسىنىڭ تۋماسى رۋسلان كۇلەكباەۆ بولىپ شىقتى. وسىعان دەيىن ءىىد تەرگەۋ جۇمىستارى بارىسىندا18 شىلدەدە پوليتسەيلەردى ءولتىردى دەگەن كۇدىككە ىلىنگەن رۋسلان كۇلەكباەۆتىڭ جالدامالى پاتەردى انىقتاعان بولاتىن. پوليتسياداعىلار پاتەردە ادام ومىرىنە قاۋىپتى زاتتاردىڭ بار-جوعىن تەكسەرىپ شىقتى. الايدا، پوليتسيا قىزمەتكەرلەرى پاتەردى ءتىنتۋ كەزىندە قاۋىپتى زاتتاردى تاپپادى.

اباي-اقپارات