بۇگىندى تاڭدا وڭتۇستىك قازاقستان وبلىسىنىڭ بارلىق ەلدى مەكەندەرىندە جەر كودەكسىندەگى جاڭاشىلدىقتاردى ءتۇسىندىرۋ جۇمىستارى جالعاسۋدا. سايرام اۋداندىق اقپاراتتىق-ناسيحات توبىنىڭ مۇشەلەرى اۋدانداعى ءىرى كاسىپورىنداردىڭ ءبىرى «يپ «شاكيروۆ» ۇجىمى.

سايرام اۋدانى مانكەنت اۋىلىندا ورنالاسقان «يپ شاكيروۆ» وندىرىستىك كووپەراتيۆى كوكونىس جانە جەمىس-جيدەكتى قايتا دايارلاۋمەن اينالىسادى. مۇندا 150 ادام جۇمىسپەن قامتىلعان. تسەح ونىمدەرىن 2006 جىلدان باستاپ شىعارىپ وتىر. ءبىر ايدا 15 مىڭ بانكى،   10-نان استام ءتۇرلى كونسەرۆىلەر شىعارادى.

«2006 جىلى بۇل جەر بوس جاتقان ەدى. ءبىز ونى ساتىپ الىپ، ءبىر تسەحتى ىسكە قوستىق. قازىرگى تاڭدا ول ايماقتاعى ءىرى كونسەرۆىلەۋ زاۋىتى بولىپ تابىلادى. ىشكى نارىقتى تولىعىمەن قامتۋعا مۇمكىندىگىمىز بار. ودان باسقا ونىمگە كورشى ايماقتاردا دا سۇرانىس بار. ءونىمىمىز تابيعي، كونسەرۆانتتار جوق. كوكونىستەر مەن جەمىستەردى جەرلەستەرىمىزدەن ساتىپ الامىز. جەردىڭ قادىرىن بىلگەن عانا جەردەن نان جەيدى. بولاشاقتا بوس جەر بولسا، كوكونىس قويماسىن سالۋدى جوسپارلاپ وتىرمىز. سوندا شارۋالار بىزگە ونىمدەرىن جىل بويى تاپسىرادى، جۇمىسشىلارىمىز تۇراقتى جۇمىسپەن قامتىلادى»، – دەيدى ديرەكتور ورىنباسارى رۋسلان شاكيروۆ.

كەزدەسۋ بارىسىندا جەر تۋرالى كودەكستى ءتۇسىندىرۋ بويىنشا اقپاراتتىق-ناسيحات توبىنىڭ مۇشەلەرى: اۋداندىق ءماسليحات دەپۋتاتى ج.ۋتاەۆ، جەر قاتىناستارى ءبولىمىنىڭ باسشىسى ن.كوپەەۆ، «اتامەكەن» بولىمشەسىنىڭ ديرەكتورى ك.جۇماشەۆ جەر تۋرالى زاڭعا وزگەرىستەر ەنگىزۋ تۋرالى ويلار مەن ۇسىنىستاردى تىڭداپ، ۇجىم مۇشەلەرىنىڭ قويعان سۇراقتارىنا جاۋاپ بەردى.

اۋداندىق ءماسليحات دەپۋتاتى، «نۇر وتان» پارتياسى فراكتسياسىنىڭ مۇشەسى ج.ۋتاەۆ جەر كودەكسىنە ەنگىزىلگەن وزگەرتۋلەر جايلى تۇسىندىرمە جۇمىستارىن جاساۋ ماقساتىندا قۇرىلعان توپ مۇشەسى رەتىندە اۋدانداعى 11 اۋىل وكرۋگىندەگى تۇرعىندار، شارۋا قوجالىق يەلەرى، زاۋىت، فابريكا قىزمەتكەرلەرى اراسىندا تۇسىندىرمە جۇمىستارىن جۇرگىزىپ كەلەدى. بۇل جونىندە ول: «جەر ماسەلەسى حالىقتى الاڭداتىپ وتىر. وسىعان وراي، موراتوري 5 جىلعا ۇزارتىلعانىن حالىق تولىعىمەن قولدايدى»، – دەيدى.

Abai.kz